މެކްސިކޯއަށް އައި ބާރުގަދަ ބިންހެލުމާއި ގުޅިގެން ރައީސް ޔާމީން އެ ޤައުމުގެ ރައީސްއަށް ތައުޒިޔާ ފޮނުއްވައިފި
9 ސެޕްޓެމްބަރު 2017 | ހޮނިހިރު 02:27މި ބިންހެލުން އައިސްފައިވަނީ މެކްސިކޯގެ ދެކުނު އައްސޭރިފަށުގެ ސަރަހައްދަކަށް ރިކްޓާ މިންގަނޑުން 8.1 މެގްނިޓިއުޑުގައި
ރައީސް ޔާމީން ވާހަކަފުޅު ދައްކަވަނީ
މެކްސިކޯއަށް އައި ބާރުގަދަ ބިންހެލުމާ ގުޅިގެން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މެކްސިކޯގެ ރައީސް އެންރިކޭ ޕެނާ ނީޓޯއަށް ހަމްދަރުދީގެ މެސެޖެއް ފޮނުއްވައިފިއެވެ.
ރައީސުލްޖުމްހޫރިއްޔާ ފޮނުއްވި މެސެޖުގައި ވިދާޅުވީ މި ޚަބަރު އެއްސެވީ ކުއްލި ހައިރާންކަމަށެވެ. އަދި އެކަމާ ނުހަނު ކަންބޮޑުވެވަޑައިގަންނަވާ ކަމަށެވެ.
މި ހާދިސާގައި މަރުވި މީހުންގެ ޢާއިލާތަކަށް ތަޢުޒިޔާ ރައްދުކޮށްދެއްވުމަށްވެސް ރައީސުލްޖުމްހޫރިއްޔާގައި މެސެޖުގައި އެދިވަޑައިގެންފައިވެއެވެ.
ދިވެހި ސަރުކާރާއި، ރައްޔިތުންނާއި، ރައީސުލްޖުމްހޫރިއްޔާގެ އަމިއްލަ ނަންފުޅުގައި، މެކްސިކޯގެ ސަރުކާރަށާއި ރައްޔިތުންނަށް ވަރަށް އިޚްލާޞްތެރިކަމާއެކު ރައީސް ޔާމީން ވަނީ ހަމްދަރުދީ ފޮނުއްވާފައިވެއެވެ.
މި ބިން ހެލުމުގައި ވަނީ އެ ޤައުމުގެ ގިނަ އަދަދެއްގެ ބަޔަކު މަރުވެ، މުދަލަށާއި އިމާރާތްތަކަށް ބޮޑެތި ގެއްލުންތަކެއް ވެފައެވެ.
