ބިއޯންޑް އިން 2030 ގައި 22 އެއަރކްރާފްޓަށް ފުޅާކުރަން ނިންމައިފި
2026 ވަނަ އަހަރު، ރާއްޖޭގެ ސިވިލް އޭވިއޭޝަން އޮތޯރިޓީގެ ހުއްދައާއެކު، ބިއޯންޑް އިން ނެޓްވާރކް ފުޅާކުރަން ވަނީ ހަމަޖެހިފަ އެވެ.
ބީއޮންޑް އިން 2030 ވަނަ އަހަރު ރާއްޖޭގައި ބޭސްކޮށްގެން 22 އެއަރކްރާފްޓަށް ފުޅާކުރުމާއި 30 އަށްވުރެ ގިނަ މަންޒިލަކަށް ފުރާ ހިންގުމަށް ނިންމައިފި
ބިއޯންޑް އެއަރލައިން
ސިމްޑީ އާއި ދުބާއީގެ އެރޭބިކްސް ކުންފުނި ގުޅިގެން އުފައްދާފައިވާ ދުނިޔޭގެ ފުރަތަމަ ލަގްޒަރީ އެއާލައިން ބިއޯންޑު އިން 2030ގެ ނިޔަލަށް އެ އެއަރލައިންގް ފްލީޓް 22 ފްލައިޓަށް އިތުރުކުރަން ނިންމައިފި އެވެ.
ދުނިޔޭގެ ފުރަތަމަ ޕްރިމިއަމް ލެޝާރ އެއަރލައިން ކަމަށްވާ ބިއޯންޑް އިން ރާއްޖެއަށް ދިގު މުއްދަތަށް ދަތުރުފަތުގެ ޚިދުމަތް ދިނުމުގެ ޔަޤީންކަން އިތުރަށް ވަރުގަދަކޮށް، 2026 ވަނަ އަހަރު އައު ހަތަރު އާ މަންޒިލަކަށް ދަތުރުތައް ފެށުމަށް ވަނީ ނިންމާފަ އެވެ.
ބިއޯންޑްގެ ސްޓްރެޓެޖީގައި ފޯކަސް ކޮށްފައިވަނީ ދުނިޔޭގެ މައި ސިޓީތަކުން އަގުބޮޑު ފަތުރުވެރިން ގުޅުވައިދިނުމަށް އޯލް ޕްރިމިއަމް، ލައި-ފްލެޓް ތަޖުރިބާއެއް ކަސްޓަމަރުންނަށް ފޯރުކޮށްދިނުމަށް ކަމަށާއި މި އެއަރލައިނުން މެދުއިރުމަތީގެ ސަރަހައްދާއި ޔޫރަޕުން ރާއްޖެއަށް ފަތުރުވެރިކަން އިތުރުކުރުމަށް މަސައްކަތްކޮށްފައިވާނެ ކަމަށް އެކުންފުނިން ބުންޏެވެ.
ބިއޯންޑް އިން ރާއްޖޭގައި އެއަރ އޮޕަރޭޓަރ ސެޓްފިކެޓް (އޭއޯސީ) ބެހެއްޓުމަކީ އެކުންފުނިން ފަހުރެއްގެ ގޮތުގައި ދެކޭ ކަމެއް ކަމަށާއި، ކުންފުނީގެ ވިސްނުމަކީ ދުނިޔޭގެ އެކި ސަރަހައްދުތަކުން އޭއޯސީ ހޯދުމުގެ މަލްޓި-ޖުރިސްޑިކްޝަނަލް އެޕްރޯޗެއް ކަމަށް އެކުންފުނިން ބުންޏެވެ.
ބީއޮންޑްގެ ސީއީއޯ ޓެރޯ ޓާސްކިލާ ވިދާޅުވީ އަހަރެމެންގެ ފޯކަސްއަކީ ދުނިޔަވީ ފުޅާކުރުމާއި، ރާއްޖެއަށް އިތުރު ފަތުރުވެރިން ގެނައުން. އަހަރެމެން އިންވެސްޓްކުރަނީ އާ އެއަރކްރާފްޓް، އާ މާކެޓްތަކާއި އާ ޕާޓްނަރޝިޕްތަކަށް، މިއީ ރާއްޖޭގެ ދުނިޔަވީ ފޯރާ ވަރުގަދަކޮށް، މި މަންޒިލަށް އަހަރުތެރޭ އިތުރު ޕްރިމިއަމް ލެޝާރ ފަތުރުވެރިން ގެނައުމަށް. އަހަރެމެންގެ އަމާޒަކީ ރާއްޖެއަށް ފަތުރުވެރިކަމުގެ މުސްތަގުބަލު ރާވައި، ގައުމުގެ ދިގު މުއްދަތުގެ ޓޫރިޒަމް ކުރިއެރުމަށް ހިއްސާކުރުން،" ކަމަށެވެ.
2023 ވަނަ އަހަރު ކޮމާޝަލް އަށް ހާއްސަކޮށްގެން ފެށި ފްލައިޓްތަކަށް، ބީއޮންޑް އިން ރާއްޖެއަށް ފަތުރުވެރިން ދަތުރުކުރާ ގޮތް ބަދަލުކޮށްލައި، ސިންގަލް-އައިލް އެއަރކްރާފްޓްގައި އެވޯޑް ހޯދާފައިވާ ލައި-ފްލެޓް ލަގްޒަރީ ތަޖުރިބާ ފޯރުކޮށްދީ، ރާއްޖެއާއި އެހެނިހެން މާކެޓްތަކާ ދެމެދު ސީމްލެސް ގުޅުން ޤާއިމްކޮށްދީފައިވެ އެވެ.
ބިއޯންޑް އަކީ ބައިނަލްއަގްވާމީ އޭވިއޭޝަންގައި އެވޯޑް ހޯދާފައިވާ، ކުންފުންޏެކެވެ. އެއަރބަސް އޭ319 އާއި އޭ321 އެއަރކްރާފްޓްގައި އޯލް-ބިޒްނަސް-ކްލާސް ތަޖުރިބާ ފޯރުކޮށްދެ އެވެ. މިހާރު އެއަރލައިނުން ފުރާ ހިންގަނީ ޒިއުރިޚް، މިއުނިޚް، މިލާން، ރިޔާޒް، ރެޑް ސީ، ދުބާއީ އަދި ރާއްޖެއިންނެވެ. އާ މަންޒިލްތައް އިއުލާންކުރާނެއެވެ.
2026 ވަނަ އަހަރު، ރާއްޖޭގެ ސިވިލް އޭވިއޭޝަން އޮތޯރިޓީގެ ހުއްދައާއެކު، ބިއޯންޑް އިން ނެޓްވާރކް ފުޅާކުރަން ވަނީ ހަމަޖެހިފަ އެވެ. މީގެ ތެރޭގައި ޗައިނާ، ދެކުނު ކޮރެއާ، ވިއެޓްނާމް، ތައިލެންޑް، އިންޑިއާ، ފްރާންސް، އިޓަލީ އަދި ޔުނައިޓެޑް ކިންގްޑަމް ހިމެނެ އެވެ.
ބިއޯންޑް އަކީ ދުނިޔޭގެ ފުރަތަމަ ޕްރިމިއަމް ލެޝާރ އެއަރލައިންކަމަށްވާއިރު، ބިއޯންޑްގެ ދަތުރުތައް ކުރާނީ އެއަރބަސް އޭ319، އޭ320 އަދި އޭ321 ގެ ބޯޓުތައް ބޭނުންކޮށްގެންނެވެ. އަދި ބިއޯންޑް ގެ ފްލައިޓްތައް އެކުލަވާލާފައި ވަނީ ކުދި ކުދި ޑީޓެއިލްތަކަށް ޚާއްސަ ސަމާލުކަމެއް ދީގެންނެ އެވެ.
