އެވޯޑް ތަކަކީ ބޮޑު އޮޅުވާލުންގަނޑެއް: ކަންގަނާ

އެވޯޑްތަކަކީ ބޮޑު އޮޅުވާލުންގަނޑެއްކަމަށާއި އެވޯޑް ލިބުނަސް ބަލައެއް ނުދާނެ ކަމަށް ބޮލީވުޑްގެ ތަރި ކަންގަނާ ރަނާވަތު ބުނެފިއެވެ.

ކަންގަނާ މިހެން ބުނެފައިވަނީ އޭނާ ދާދިފަހުން އިންޑިއާގެ ނޫހަކަށް ދިން އިންޓަވިއުއެއްގައެވެ.

ކަންގަނާ ބުނީ އޭނާއަށް އޮސްކާ އެވޯޑް ލިބުނުކަމުގައިވިއަސް އެ ހޯދާކަށް ނުދާނެކަމަށާއި އެވޯޑްތަކަކީ ވަކިބައެއްގެ ކޮންޓްރޯލުގެ ދަށުގައި އޮންނަ އެއްޗެއްކަމަށެވެ.

ކަންގަނާ ވަނީ މީގެ ކުރިންވެސް ފިލްމީ ދާއިރާއަށް ފާޑުކިޔާފައެވެ. އޭނާ ވަނީ މީގެކުރިން "ކޮފީ ވިތު ކަރަން" ގައި ކަރަން ފިލްމީ ދާއިރާގެ މީހުންގެ ދަރިންނާއި އެހެން ތަރިންނާނއި ތަފާތުކުރާކަމަށް ވެސް ބުނެފައެވެ.

އެ ޝޯގައި ކަރަން ކަންގަނާއަށް ރައްދެއް ދީފައި ނުވި ނަމަވެސް ފަހުން އޭނާ ރައްދު ދީފައިވެއެވެ.ކަންގަނާ ވަނީ އިންޑިއާގެ ނޫހަކަށް ދިން މި އިންޓަވިއުގައިވެސް އެވާހަކަ ދައްކާފައެވެ.

އޭނާ ވަނީ ބޮލީވުޑްގައި އެކްޓަރުންގެ ދަރިންނަށް ވީތީ ތަފާތު ކުރުން ގެންގުޅޭކަމަށް ބުނެފަ އެވެ.