ފްލެޓު އަތުލުމުގެ މައްސަލަ ޖިނާއީ މައްސަލައެއްގެ ގޮތުގައި ތަހުގީގު ކޮށްދިނުމަށް ޕީޖީ އަށް ގޮވާލައިފި
އެގްރިމެންޓުގައި ސޮއިކޮށްފައިވާއިރު، ދައުލަތަށް ފްލެޓު ނިގުޅައިނުގަނެވޭނެ
ގެދޮރުވެރިޔާ ސްކީމުގެ ދަށުން އަޅާފައިވާ ފްލެޓް ޓަވަރެއް
ގެދޮރުވެރިޔާ ސްކީމުން ފްލެޓު ލިބިފައިވާ މީހުންގެ އެގްރިމެންޓުތައް ބާތިލްކުރާ މައްސަލަ ޖިނާއީ މައްސަލައެއްގެ ގޮތުގައި ތަހުގީގު ކޮށްދިނުމަށް ގޮވާލައިފިއެވެ.
ބުރާސްފަތި ދުވަހު އެމްޑީޕީގެ ބޯހިޔާވަހިކަމާ ގުޅޭ ކޮމެޓީން ބޭއްވި ނޫސްވެރިންގެ ބައްދަލުވުމުގައި ގާނޫނީ ވަކީލު މުހައްމަދު ނިޝާން އިބްރާހިމް ވިދާޅުވީ ކުރީ ސަރުކާރުގައި އެގްރިމެންޓް ހަދައި، އެ އެގްރިމެންޓުގެ ދަށުން ފްލެޓު ދީފައި އޮތް ފަރާތުގެ ފްލެޓުތައް ދާއިމަށް ދައުލަތުން ނިއުޅައިގަންނަމުންދާ ކަމަށާއި، އެހެން ފްލެޓު ނިގުޅައި ނުގަނެވޭނެ ކަމަށެވެ.
ނިޝާން ވިދާޅުވީ ގާނޫނުލްއުގޫބާތުގެ 2011 ވަނަ މާއްދާގައި ހ ގައި ބަޔާންކޮށްފައިވާ ގޮތުގައި، އެއީ ޖިނާއީ ކުށެއް ކަމަށް ބަޔާންކޮށްފައިވާ ކަމަށެވެ. އެހެން މީހެއްގެ މުދަލަށް ނުވަތަ އެމީހަކަށް ނޭނގި ސިއްރުން ނެގުން ނުވަތަ އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތުގައި ތިމާގެ އަމިއްލަ ބާރު ހިންގާނަމަ ޖިނާއީ މައްސަލައެއްގެ ގޮތުގައި ބެލޭނެ ކަމަށް އޭނާ ވިދާޅުވިއެވެ.
އެހެންކަމުން ޕްރޮސެކިއުޓަރ ޖަނަރަލް އައްބާސް ޝަރީފް މިމައްސަލަ ޖިނާއީ މައްސަލައެއްގެ ގޮތުގައި ބަލައިދިނުމަށް ނިޝާން ގޮވާލެއްވިއެވެ.
މީގައި އެގްރިމެންޓްގެ ދަށުން ފްލެޓު ދީފައި އޮތް ފަރާތުގެ ފްލެޓުތައް ދާއިމަށް ދައުލަތުން ނިގުޅައިގަންނަނީ. އެހެންވީމަ މިހާލަތުގައި ޕްރޮސެކިއުޓަރ ޖެނަރަލް އަޅުގަނޑު ގޮވާލަން ޕްރޮސެކިއުޓަރ ޖެނަރަލް އަކީ ޖިނާއީ ކަންކަމުގައި ދައުލަތުގެ މަންމަ ވީމަ ޕްރޮސެކިއުޓަރ ޖެނަރަލްވީމަ މި ޖިނާއީ މައްސަލަ ތަހުގީގު ކުރަށްވާށޭ. މީގައި ތުހުމަތު ކުރެވޭ ފަރާތްތަކެއް އެބައުޅޭ. މީހެއްގެ މުދަލެއް ނިގުޅައިގަތުގައި ގާނޫނުލްއުގޫބާތުގެ 2011 ވަނަ މާއްދާ އެބަ ފޯލްވޭ. މިމައްސަލަ ތަހުގީގުކޮށް ދައުވާ ކުރުމަށްޓަކައި ކަމާގުޅުންހުރި ކޯޓުތަކަށް އުފުލާށޭ. މީގައި ތުހުމަތުވާ ބައިވަރު ފަރާތްތައް ތިބޭނެ. މިމައްސަލަ ބައްލަވާ ދެއްވާށޭ.ގާނޫނީ ވަކީލު މުހައްމަދު ނިޝާން
ގެދޮރުވެރިޔާ ސްކީމުން ކުރީ ސަރުކާރުގައި ފްލެޓު ދީފައިވާ ބައެއް މީހުންގެ އަތުން ފްލެޓްތައް އަތުލައި، މިސަރުކާރުން ބޭނުންވާ ބަޔަކަށް އެތަންތަން ދޫކުރުމަށް މަސައްކަތް ކުރަމުންދާ ކަމަށް ދަނީ ތުހުމަތު ކުރެވެމުންނެވެ. ނަމަވެސް ފްލެޓު ލިބި، އެގްރިމެންޓްގައި ސޮއިކޮށްފައިވާ އެއްވެސް މީހެއްގެ އަތުން ފްލެޓު އަތުނުލެވޭނެ ކަމަށް ގާނޫނީ ޓީމުން ބުނެފައިވެއެވެ.
