ފީފާގެ މިއުޒިއަމްގައި ރާއްޖޭގެ ޤައުމީ ޓީމުގެ ޖާޒީ
11 އޮކްޓޯބަރު 2025 | ހޮނިހިރު 04:24ޓޮމް ކޮށްފައިވާ ޕޯސްޓެއްގައި ވިދާޅުވެފައި ވަނީ، ރާއްޖާގެ ޖާޒިއާ އިން ރާއްޖޭގައި އުފައްދާފައިވާ، ސީނިއާ ޤައުމީ ފުޓުބޯޅަ ޓީމުގެ ޖާޒީ މިހާާރު ފީފާގެ މިއުޒިއަމްގައި ބަހައްޓާފައިވާ ކަމަށެވެ. އެ ޖާޒީ ފީފާއާ ހަވާލު ކޮށްދެއްވާފައި ވަނީ ވެސް ޓޮމް އެވެ.
ޤައުމީ ޓީމުގެ ޖާޒީ އާއެކު އެފްއޭއެމްގެ ރައީސް އަޙުމަދު ޠާރިޤު (ޓޮމް)
ދުނިޔޭގެ ފުޓުބޯޅައިގެ މައި އިދާރާ (ފީފާ)ގެ މިއުޒިއަމްގައި ރާއްޖޭގެ ސީނިއާ ޤައުމީ ފުޓުބޯޅަ ޓީމުގެ ޖާޒީ ބަހައްޓައިފި އެވެ.
ސްވިޒަލެންޑުގެ ޒިއުރިޗް ގައި ހުންނަ ފީފާގެ މިއުޒިއަމްގައި ރާއްޖޭގެ ސީނިއާ ޤައުމީ ފުޓުބޯޅަ ޓީމުގެ ޖާޒީ ބަހައްޓާފައިވާއިރު، އެފްއޭއެމްގެ ރައީސް އަޙުމަދު ޠާރިޤު (ޓޮމް) ވަނީ އެކަން ހާމަ ކުރައްވައިފަ އެވެ.
އެގޮތުން ޓޮމް އޭނާގެ ރަސްމީ ފޭސްބުކު އެކައުންޓުގައި ކޮށްފައިވާ ޕޯސްޓެއްގައި ވިދާޅުވެފައި ވަނީ، ރާއްޖާގެ ޖާޒިއާ އިން ރާއްޖޭގައި އުފައްދާފައިވާ، ސީނިއާ ޤައުމީ ފުޓުބޯޅަ ޓީމުގެ ޖާޒީ މިހާާރު ފީފާގެ މިއުޒިއަމްގައި ބަހައްޓާފައިވާ ކަމަށެވެ. އެ ޖާޒީ ފީފާއާ ހަވާލު ކޮށްދެއްވާފައި ވަނީ ވެސް ޓޮމް އެވެ.
އެހެންކަމުން ފީފާގެ މިއުޒިއަމްގައި 211 ޤައުމެއްގެ ޖާޒީ އާއެކު، މިހާރު ރާއްޖޭގެ ޖާޒީ ވެސް ފެންނަން ހުންނާނެ އެވެ. ފީފާގެ މިއުޒިއަމް އަކީ ފުޓުބޯޅައިގެ ތާރީޚާއި ތަރިކަ އާއި، އަދި ފުޓުބޯޅައިގެ އެކި އެކި ކަންކަން ދަައްކުވައިދޭ މިއުޒިއަމް އެކެވެ.
ފީފާ އިން އެންމެ ފަހުން ނެރެފައިވާ ރޭންކިން އަށް ބަލާއިރު، ރޭންކިންގައި ރާއްޖެ އޮތީ 171 ވަނައިގަ އެވެ.
