ލޫޓުވައިފި، ލޫޓުވައިފި އެއްވުމާ ދިމާ ކޮށް ކަސްޓަމްސް އިން ބޮޑު މަސް ރޭހެއް ރާވައިފި
މި މަސްރޭހުގައި އެކި ޒޯން ތަކުން ބައިވެރިވާން ޖެހޭ ޓީމުތަކުގެ އަދަދު ވެސް ކަނޑައެޅިފައިވޭ
ކަސްޓަމްސް އަށް އަލަށް ވަޒީފާއަށް ނެގި އޮފިސަރުންނަށް ބޭއްވި ހުވައި ލައިދިނުމުގެ ރަސްމިއްޔާތެއްގެ ތެރެއިން
އޮކްޓޯބަރ 3 ވަނަ ދުވަހު މާލޭގައި ބާއްވާ ލޫޓުވައިފި، ލޫޓުވައިފި އެއްވުމާ ދިމާ ކޮށް ކަސްޓަމްސް ރެކްރިއޭޝަން ކްލަބުން ބޮޑު މަސްރޭހެއް އިންތިޒާމް ކޮށްފިއެވެ.
ނަން ނުޖެހުމަށް ޝަރުތުު ކޮށް ކަސްޓަމްސްގެ އޮފިޝަލަކު ބުނީ، ހުކުރު ދުވަހަށް ރޭވިފައިވާ މި މަސްރޭހުގައި އެކި ޒޯން ތަކުން ބައިވެރިވާން ޖެހޭ ޓީމުތަކުގެ އަދަދު ވެސް ކަނޑައެޅިފައިވާ ކަމުގައެވެ.
އެ ގޮތުން ސެންޓްރަލް ޒޯނުން 10 ޓީމު އަދި ރީޖަނަލް ޒޯން އިން 5 ޓީމު މަދުވެގެން ބައިވެރި ކުރަން ޖެހޭނެ ކަމަށް އަންގާފައިވާ ކަމަށެވެ.
އުޅަނދުތައް ބްރޭންޑް ކުރުމަށް ހުކުރު ދުވަހު މެންދުރު ފަހު 2:00ށް ޖެޓީ އަށް ގެންނަން ޖެހޭ ކަމަށާއި، ފުރުމަށް ހަމަ ޖެހިފައިވަނީ 2:30 ގައި ކަމަށް ވެސް މައުލޫމާތު ދިން ފަރާތުން ވަނީ ބުނެފައެވެ.
ނަމާދު ގަޑިތައް ވެސް ކަނޑުމަތީގައި ހޭދަވާ ގޮތައް ރޭވިފައިވާ މި ދަތުރު ދާ މީހުން އެނބުރި އަންނަން ހަމަ ޖެހިފައިވަނީ ހުކުރު ދުވަހުގެ ރޭ 10:30 ގައި ކަމަށް ވެސް މައުލޫމާތު ލިބިފައިވެއެވެ.
އެންމެ ބޮޑު އިދިކޮޅު ޕާޓީ - އެމްޑީޕީ އިން ހުކުރު ދުވަހުގެ ރޭ އާޓިފިޝަލް ބީޗް ގައި ބާއްޗާ ބޮޑު އެއްވުމަށް މީހުން އައުން މަދު ކުރެވޭތޯ ސަރުކާރާއި ސަރުކާރުގެ ކުންފުނިތަކުން އެކި ބާވަތްބާވަތުގެ އުކުޅު ތައް ހަދަމުން އަންނަ ކަން ވަނީ ފާހަގަ ކުރެވިފައެވެ.
