ބީބީސީން މިޔަންމާގެ ޓީވީ ޗެނަލް އާއި އެއްކޮށް ހަދައިފައިވާ އެއްބަސްވުން އުވާލައިފި
"އެމްއެންޓީވީ" އަކީ 2014 ވަނަ އަހަރުގެ އޭޕްރިލް މަހުން ފެށިގެން ބަރުމާގެ 3.7 މިލިއަން ރައްޔިތުން ބަލަމުން އަންނަ މަޝްހޫރު ޓީވީ ޗެނަލެއް
ރޮހިންޖާ މުސިލިމުންނަށް ދެމުންގެންދާ ލާއިންސާނީ އަނިޔާތައް
ބީބީސީން މިޔަންމާގެ ޓީވީ ޗެނަލް އެއްކަމަށްވާ "އެމްއެންޓީވީ" އާއި އެއްކޮށް ހަދަފައިވާ އެއްބަސްވުން އުވާލައިފައިވާ ކަމަށް ރިޕޯޓްތައް ބުނެފިއެވެ.
"އެމްއެންޓީވީ" އަކީ 2014 ވަނަ އަހަރުގެ އޭޕްރިލް މަހުން ފެށިގެން ބަރުމާގެ 3.7 މިލިއަން ރައްޔިތުން ބަލަމުން އަންނަ މަޝްހޫރު ޓީވީ ޗެނަލެކެވެ.
ބީބީސީން އެއްބަސްވުން އުވާލައިފައިވަނީ "އެމްއެންޓީވީން" ރޮހިންޖާގެ ކަވަރޭޖް ގެނެސްދިނުމުގައި ޕާޓްނަރުންގެ ދެމެދުގައި އުފެދު ޙިޔާލު ތަފާތުވުންތަކުގެ ސަބަބުންނެވެ.
ބީބީސިން ބުނެފައިވަނީ ޕްރޮގްރާމްތައް ސެންސަރުކޮށް، ބެލުންތެރިންނާއި ބީބީސީއާ ދެމެދު އޮތް އިތުބާރަށް ހުރަސް އެޅޭ ކަންތައް ކުރުމަކީ އެއްވެސް ހާލެއްގައި ބަލައިގަނެވޭނެ ކަމެއް ނޫން ކަމަށެވެ.
މިކަމާއި ގުޅިގެން ބީބީސިން ނެރުނު ސްޓޭޓްމަންޓުގައި ސެންސަރުކުރެވުނީ ކޮން މަންޒަރެއްކަން ބަޔާންކޮށްފައެއް ނުވެއެވެ. އެހެންނަމަވެސް ރިޕޯޓްތައް ބުނާގޮތުން "އެމްއެންޓީވީން" ރޮހިންޖާ މި ބަސް އެމީހުން ގެސްދިން ރިޕޯޓްތަކުގައި ބޭނުން ކުރުމަށް ވަނީ ދެކޮޅުހަދާފައެވެ.
މިޔަންމާގެ ސިފައިން ރޮހިންޖާ މުސްލިމުންނަށް އަމާޒުކޮށްގެންދަނީ ގުނާ އަދަދު ނުކުރެވޭހާ ބޮޑެތި ލާއިންސާނީ އަނިޔާތައް ދެމުންނެވެ. އެގޮތުން މިޔަންމާގެ ސިފައިން ދަނީ މުސްލިމް ކުޑަކުދިންނާ އަންހެނުންނާ ފިރިހެނުން ރޯމާ ދުވާލު ކަތިލަމުން، މަރަމުން އެމީހުންގެ ގެދޮރާ މުދާ ސުންނާފަތިކޮށް އަންދާ އަޅިޔަށް ހަދަމުންނެވެ.
މިކަމާއި ދުނިޔޭގެ އެކި ކަންކޮޅުތަކުންދަނީ ނުރުހުން ފާޅުކޮށް މި އަމަލުތައް ހަރުކަށި އިބާރާތުން ކުށްވެރިކުރަމުންނެވެ.
