އދ. ގެ އާންމު މަޖިލީހުގެ ހަވާސާ ގައި ބޭއްވުނު ޖަލްސާއެއްގައި ފަލަސްތީނުގެ ރައީސް މަހުމޫދު އައްބާސް ތަޤްރީރު ކުރެއްވި އިރު އޭނާ ތުރުކުރައްވައިގެން ހުންނެވި ކޯޓުގައި ޖައްސަވާފައިވާ ތަޅުދަނޑިއެއްގެ ބައްޓަމުގައި އިން ޕިން އަކާ ހެދި އިސްރާއީލުން ރުޅި ގަދަ ވެއްޖެއެވެ.

ފަލަސްތީނުގެ ރައްޔިތުންނަށް ތަޅުދަނޑި ރަމްޒު ކޮށްދެނީ 1948 ގައި ހިނގި އެމީހުންގެ ގެދޮރުން ނެރެ ބޭރު ކުރެވުނު ހިތްދަތި ހާދިސާގެ ނިޝާނެކެވެ. އަދި އެމީހުންގެ ބިންތަކަށް "އަނބުރާ ދިޔުމުގެ ޙައްޤު" އޮތް ކަމަށް ދޭހަކޮށްދޭ ނިޝާނެކެވެ.

ނަމަވެސް އިސްރާއީލުން ބުނާގޮތުގައި ތަޅުދަނޑި ރަމްޒު ކޮށްދެނީ "އެއްވެސް ޝައްކެއްނެތް" ގޮތުގައި އިސްރާއީލު ފުހެލުމުގެ ނިޝާނެއްގެ ގޮތުގައެވެ.

ތަޅުދަނޑީގެ މި ނިޝާނަކީ ގަދަކަމުން އެތައް ހާސް ފަލަސްތީނު ރައްޔިތުން އެމީހުންގެ ބިމުން ނެރެ ބޭރު ކޮށްލިި އިރު އެމީހުންގެ އަތުގައި އެމީހުންގެ ގޭގެ ތަޅުދަނޑި އޮތް ކަމަށާއި، އަދި އެމީހުންގެ ގެތައް އެމީހުންގެ ބިމުގައި ހުންނާނެ ކަމުގެ އުންމީދުގައި ތިބި ހުރިހާ ފަލަސްތީނު ރައްޔިތުންނަށް ކުރެވޭ އިޙްތިރާމެއްގެ ގޮތުގައި ބޭނުން ކުރެވޭ އެއްޗެކެވެ.

އިސްރާއީލުގެ ފޮރިން މިނިސްޓްރީން އެކްސްގައި ޕޯސްޓްކޮށްފައިވަނީ މަހްމޫދު އައްބާސް ގެ މި އަމަލަކީ "އިސްރާއީލު ނައްތާލުމުގެ އެދޭ އެދުމެއް" ކަމަށެވެ. އަދި އެހެން ގައުމުތަކުގައި ދިރިއުޅޭ ފަލަސްތީނުގެ ރެފިއުޖީންނަށް އަރަބި ޤައުމުތަކުން އެމީހުންނަށް ރައްޔިތުކަން ދިނުމަށް ގޮވާލާފައިވެއެވެ. މިއީ ފަލަސްތީނުގެ ރެފިއުޖީން އަނބުރާ އެމީހުންގެ ވަޒަނަށް ދިޔުމުގެ ޙައްޤަށް އިސްރާއީލުން ދެކޮޅުހަދާކަން ދައްކުވައިދޭ ކަމެކެވެ.

ބުރާސްފަތި ދުވަހު ދެއްވި ރެކޯޑް ކޮށްފައިވާ ތަގުރީރުގައި، އައްބާސް ގޮވާލައްވާފައިވަނީ ޙަމާސް އިން ހަތިޔާރު ބެހެއްޓުމަށާއި، މިހާރު ޣައްޒާ ގައި ހިނގަމުންދާ ހަނގުރާމަ ނިމުމަކަށް ގެނައުމަށާއި، އިސްރާއީލާއި ފަލަސްތީނު އެކުއެކީގައި ދެމިއޮތުމަށްޓަކައި ދެމެހެއްޓެނިވި ސުލްޙައެއް ޤާއިމު ކުރުމަށެވެ.

އެމެރިކާ އިން ވަނީ އައްބާސް އދ ގެ އާންމު މަޖިލީހުގެ ޖަލްސާ ގައި ބައިވެރިވެވަޑައިގަތުމަށް ނިއުޔޯކަށް ވަޑައިގަތުމަށް ބޭނުންވާ ވިސާ ނުދީފައެވެ.