އިންޑިއާގެ ކާގޯ ބޯޓަކުން މީހަކު ވެއްޓިގެން އެމްއެންޑިއެފް އިން ހަރަކާތްތެރިވާން ފަށައިފި
23 ސެޕްޓެމްބަރު 2025 | އަންގާރަ 04:49އެމްއެންޑީއެފްގެ މާލޭ އޭރިއާ ކޮމާންޑް ކޯސްޓްގާޑް ސެކަންޑް ސްކޮޑްރަންއިން ކަނޑާއި ވައިގެ މަގުން އޭނާ ހޯދަމުންދޭ
އަލީ ޝާހީން | 23 ސެޕްޓެމްބަރު 2025 | އަންގާރަ 04:49
އެމްއެންޑީއެފް ކޯސްގާޑު
ވިލިމާލެއާ ދިމާލު ބޭރުގައި އޮތް އިންޑިއާގެ ކާގޯ ބޯޓު "އެމްއެސްވީ ޑައުލާ"އިން އިންޑިއާގެ ރައްޔިތަކު ކަނޑަށް ވެއްޓިގެން އޭނާ ހޯދުމުގެ މަސައްކަތް އެމްއެންޑިއެފް އިން ފަށައިފި އެވެ.
އެމްއެންޑީއެފް އިން މީޑިއާތަކަށް ފޮނުވި މެސެޖެއްގައި ބުނީ، އެމީހާ ހޯދުމުގެ މަސައްކަތް އެމްއެންޑީއެފް މާލޭ އޭރިއާ ކޮމާންޑް ކޯސްޓްގާޑް ސެކަންޑް ސްކޮޑްރަންއިން ކުރަމުންދާ ކަމަށެވެ.
އަދި އޭނާ ހޯދުމުގެ މަސައްކަތް ކަނޑާއި ވައިގެ މަގުން ދަނީ ކުރަމުން ކަމަށާއި މިހާތަނަށް ކުރެވުނު މަސައްކަތުން އެމީހާ އަދިވެސް ފެނިފައި ނުވާކަމަށް އެމްއެންޑީއެފް އިން ބުންޏެވެ.
އެމްއެންޑީއެފް އިން ބުނީ، މި ހާދިސާގެ މަޢުލޫމާތު ލިބުނީ ރޭ 23:35 ހާއިރު ކަމަށެވެ.
