ސިނަމާލެ ބްރިޖުގައި ޕިކަޕެއް ކޮންޓްރޯލް ނުވެ ހިނގި ނުރައްކާތެރި އެކްސިޑެންޓެއްގައި ދެމީހަކަށް އަނިޔާވެ ފަރުވާ ދެނީ

ސިނަމާލެ ބްރިޖުގައި ޕިކަޕެއް ކޮންޓްރޯލް ނުވެ ހިނގި ނުރައްކާތެރި އެކްސިޑެންޓެއްގައި ދެމީހަކަށް އަނިޔާވެ ފަރުވާ ދޭން ފަށައިފިއެވެ.

ހޯމަ ދުވަހު ފުލުހުން ބުނީ، މާލެއިން ހުޅުމާލެއަށް ދުއްވާފައި ދިޔަ ޕިކަޕެއް ބްރިޖް އެއަރޕޯޓް ލައިޓް ކައިރިން ކޮންޓްރޯލް ނުވެގޮސް ބްރިޖް މެދުގައި ޖަހާފައިވާ ޑިވައިޑަރތަކުގައި ޖެހި އެކްސިޑެންޓް ވެފައިވާކަމުގެ މައުލޫމާތު އާދިއްތަ ދުވަހުގެ ރޭ 02:42 އެހާކަށްހާއިރު ރިޕޯޓުކޮށްފައިވާ ކަމަށެވެ.

މި އެކްސިޑެންޓްގައި ޕިކަޕް ދުއްވަން އިން ޑްރައިވަރަށާއި ޕިކަޕުގައި އިން ބިދޭސީ ފިރިހެނަކަށް އަނިވެފައިވާ ކަމަށެވެ. އަދި ދެމީހުންނަށް ވެސް ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ބުނެއެވެ.

ނަމަވެސް އެ ދެމީހުންނަށް ލިބިފައިވާ އަނިޔާގެ ތަފްސީލެއް ހިއްސާކޮށްފައިނުވެއެވެ.

މީގެ އިތުރުން ފުލުހުން ބުނީ، މި އެކްސިޑެންޓްގައި ޕިކަޕަށާއި ޑިވަރައިޑަރއަށް ބޮޑެތި ގެއްލުންވެފައިވާ ކަމަށެވެ.

މިމައްސަލައާ ގުޅިގެން ޕިކަޕް ޑްރައިވަރުގެ ލައިސަންސް ހިފަހައްޓައި، ޕިކަޕް ޓޯކޮށްފައިވާ ކަމަށް ފުލުހުން ބުނެއެވެ.

މި މައްސަލަ ފުލުހުންގެ ގެންދަނީ އިތުރަށް ތަހުގީގު ކުރަމުންނެވެ.

އާދިއްތަ ދުވަހުގެ ރޭސިނަމާލެ ބްރިޖުގައި ޕިކަޕެއް ކޮންޓްރޯލް ނުވެ ނުރައްކާތެރި އެކްސިޑެންޓެއް ހިނގާފައިވާއިރު، މިމަހުގެ 5 ވަނަ ދުވަހު ވެސް ހުޅުމާލެ ހައިވޭ ގައި ބާރަށް ދުއްވާފައި ދިޔަ އެޗްޑީސީގެ ވެހިކަލެއް ކޮންޓްރޯލުން ނެެއްޓި ނުރައްކާތެރި އެކްސިޑެންޓެއް ހިނގައިވެއެވެ.