މުޢިއްޒުގެ ސަރުކާރުގައި ކޮރަޕްޝަނާއި ރިޝްވަތު އެބަ ހިނގާ، މިސަރުކާރުން ވަރަށް އަނިޔާ އެބަ ކުރޭ: ޑރ. ޖަމީލް
22 ސެޕްޓެމްބަރު 2025 | ހޯމަ 05:04ދީނުގައި ކަންތައް އޮންނަ ގޮތަށް ޢިލްމުވެރިން ބަސް ވިދާޅުނުވުމަކީ ޢިލްމު ފޮރުވުން ކަމަށް ޑރ ޖަމީލް ވިދާޅުވި
ކުރީގެ ރައީސް ޔާމީންގެ ޤާނޫނީ ވަލީކް ޑޮކްޓަރު މުޙައްމަދު ޖަލީމް އަޙުމަދު
ރައީސް މުޢިއްޒުގެ ސަރުކާރުން ކޮރަޕްޝަނާއި ރިޝްވަތު އެބަ ހިނގާ ކަމަށާއި މިސަރުކާރުން ވަރަށް އަނިޔާ ކުރާ ކަމަށް ޑރ. މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ޑރ. ޖަމީލު މިހެން ވިދާޅުވީ، މަޝްހޫރު އިލްމުވެރިޔާ ޝައިހް މުހައްމަދު ލަތީފް މީސްމީޑިއާގައި ޙިއްސާކުރެއްވި މެސެޖަކަށް ރައްދު ދެއްވަމުންނެވެ. ޖަމީލް ވިދާޅުވީ، މިހާރުގެ ސަރުކާރުގައި ކޮރަޕްޝަނާއި ރިޝްވަތުގެ ޢަމަލުތައް ހިނގަމުންދާ ކަމަށާއި މިސަރުކާރު އައިފަހުން އަނިޔާކުރަމުންދާ ކަމަށެވެ.
އަދި ގާނޫނުތަކުން ދުލާއި ގަލަމުގެ ޙައްގު ނިގުޅައިގަތުމާއި، ރައްޔިތުންގެ ވެރިކަމުގެ ބާރުތައް ނެގުމާއި، މީހުންގެ މެދުގައި ތަފާތުކުރުމާއި، ސިޔާސީގޮތުން މަގާމުތައް ދީ ނާޖާއިޒު ފައިދާ ނެގުމާއި، ބައިތުލްމާލުގެ ބާރު ވެރިމީހާ ނެގުން ފަދަ ކަންކަމަކީ ބަސްބުނަންޖެހޭ ކަންތައްތައް ކަމަށް ޖަމީލް ވިދާޅުވި އެވެ.
އޭގެ އިތުރުން ކެމްޕޭންގައި ރައީސް ޔާމީނުގެ ހުސްގޮނޑި ދައްކައިގެން ވަޢުދުވެފައިވާތީ، އެއީ ދީނީ ގޮތުން ބަލާއިރު ފުއްދަންޖެހޭ އަމާނާތެއްކަމަށް ޖަމީލް ވިދާޅުވި އެވެ. އަދި ދީނުގައި ކަންތައް އޮންނަ ގޮތަށް ޢިލްމުވެރިން ބަސް ވިދާޅުނުވުމަކީ ޢިލްމު ފޮރުވުން ކަމަށް ވެސް ޖަމީލް ވިދާޅުވި އެވެ.
އެހެން ބަޔަކު ވެރިކަމުގައި ތިބިއިރު ބަސް ވިދާޅުވީ ޙަސަދައިން ކަމަށް މިއަދު ތިޔަ ބަސްފުޅުން މާނަ ނަގަންވީތޯ؟ ނުވަތަ މިއަދު ކަންހިނގާ ގޮތާމެދު ދީނުގައި އޮތްގޮތް ވަންހަނާ ކުރަނީތޯ؟ޑރ. މުޙައްމަދު ޖަމީލް އަޙްމަދު
މީގެއިތުރުން، ސަމޯއާ އެއްބަސްވުމުގައި ސޮއިކުރުމާއި، ކުރިން ރަނގަޅުނުވި ޔޯގާ ދުވަސް ފާހަގަކުރުން ފަދަ ނުރަނގަޅު ކަންތައްތައް މިސަރުކާރުން ކޮށްފައިވާ ކަމަށް ޑރ. ޖަމީލް ފާހަގަކުރެއްވިއެވެ.
ޑރ. ޖަމީލް އިތުރަށް ވިދާޅުވި ގޮތުގައި، މީގެކުރީގެ ވެރިކަންތަކުގައި ގޯސްކަމަށް ބުނި ކަންތައްތައް މިއަދުވެސް ހިނގަމުންދާއިރު، އަދި ފެންނަ ގޯސްތަކަށް ބަސް ވިދާޅުނުވެވޭނަމަ، ދިވެހި ގައުމުގެ ޒުވާން ޖީލު ދީނާމެދު ދެކޭނެ ގޮތާމެދު ކަންބޮޑުވާ ކަމަށެވެ. އަދި މިފަދަ ކަންކަން ހިނގަމުންދާއިރު ދީނުގައި ކަންތައް އޮންނަ ގޮތަށް ޢިލްމުވެރިން ބަސްވިދާޅު ނުވުމަކީ ޢިލްމު ފޮރުވުން ކަމުގައި ޙަދީސުން ދަލީލު ދައްކަވައި ވިދާޅުވިއެވެ.
