ދައުލަތުގެ މަގާމަކަށް ދާން އެމްޑީޕީ މެމްބަރު ކަމުން މަޚްލޫފު ވަކިވެއްޖެ
އެމްޑީޕީ ސަރުކާރުގެ ކުރީގެ ޔޫތު މިނިސްޓަރު އަހްމަދު މަޚްލޫފް އެމްޑީޕީން އިސްތިއުފާ ދެއްވައިފި
ދިރާގު މޯލްޑިވްސް ޖޫނިއަރ އޯޕަން 2025 ބެޑްމިންޓަން މުބާރާތް ނިންމުމުގެ ރަސްމިއްޔާތުގައި ރައީސް މުއިއްޒު އަރިހުގައި މަޚްލޫފް
ރައީސް ސާލިހް ސަރުކާރުގައި ޔޫތު މިނިސްޓަރުގެ މަގާމުގައި ހުންނެވި އަހްމަދު މަޚުލޫފް އެމްޑީޕީގެ މެމްބަރު ކަމުން ވަކި ވުމަށް ހޯމަ ދުވަހު ސިޓީ ފޮނުއްވައިފިއެވެ.
އެމްޑީޕީގެ ގައުމީ މަޖިލިހުގެ ވަޓްސް އެޕް ގުރޫޕަށް ފޮނުއްވި މެސެޖެއްގައި އޭނާ ވިދާޅުވީ، "ދައުލަތުގެ މަގާމެއްގައި ޚިދުމަތް ކުރުމަށް،" އެމްޑީޕީގެ މެންބަރުކަމުން ވަކި ވާން ނިންމީ ކަމުގައެވެ.
"2015 ވަނަ އަހަރުން ފެށިގެން ތިޔަ ބޭފުޅުންނާއިއެކު ޚިދުމަތް ކުރުމުގެ ފުރުސަތު ލިބުނު ކަމަށްޓަކައި ޝުކުރު ދަންނަވަމެވެ. ވަކިން ޚާއްސަކޮށް ރައީސް ޞާލިހު ރާއްޖެ އަށް ގެނެސްދެއްވި ތަރައްގީގެެ ބައިވެރިއެއްގެ ގޮތުން، އެމަނިކުފާނުގެ ކެބިނެޓުގައި ގިނަ މަސައްކަތްތަކެއް ކުރުމުގެ ފުރުސަތު ލިބުނީތީ ޝުކުރު އަދާކޮށް އުފާކުރަމެވެ." މަހްލޫފްގެ އެމްޑީޕީ އަށް ފޮނުއްވި ސިޓީ ގައި ސިޓީގައި ވެއެވެ.
އެމްޑީޕީގެ ސަރުކާރު ބަދަލުވި ފަހުން އެ ޕާޓީގެ ހަރަކާތްތަކުން މަޚްލޫފް ފެނިފައެއް ނުވެއެވެ.
އެހެން އެކަން ފާހަގަ ވެފައި ވަނިކޮށް މަޚްލޫފް ފެނިގެން ދިޔައީ، ސެޕްޓެމްބާރު 6 ވަނަ ދުވަހުގެ ރޭ ކުޅިވަރު އެކުވެނި ބެޑްމިންގޓަން ހޯލުގައި ބޭއްވި ދިރާގު މޯލްޑިވްސް ޖޫނިއަރ އޯޕަން 2025 ބެޑްމިންޓަން މުބާރާތް ނިންމުމުގެ ރަސްމިއްޔާތުގައި ރައީސް މުއިއްޒު އާ ވަރަށް އަރިހުގައި ހުންނަވަނިކޮށްނެވެ.
