Advertisement
ކ. މާލެ
|
29 އޯގަސްޓް 2025 | ހުކުރު 10:13
ރައީސް ޑރ.މުހައްމަދު މުއިއްޒު އާއި ނޫސްވެރިން ސުވާލުކުރަނީ - 28.08.2025
ރައީސް ޑރ.މުހައްމަދު މުއިއްޒު އާއި ނޫސްވެރިން ސުވާލުކުރަނީ - 28.08.2025
މުހައްމަދު ޝާބިން
ނޫސްވެރިން އުލު ބައިންދަން ގޮވާލުން
ނޫސްވެރިން އުލު ބައިންދަން ފަލާހު ބުނުން: މައްސަލަ ބަލާނެ ކަމަށް ރައީސް ވިދާޅުވި، ކުށްވެރި އެއް ނުކުރައްވާ!
ފަލާހް ދެއްކެވި ވާހަކައަކީ އިސްލާމްދީނުގެ އަސްލަކާ ހިލާފު ވާހަކައެއް ކަމަށް އެމްޖޭއޭ އިން ބުނޭ
މީޑިއާ ކޮންޓްރޯލް ބިލާ ގުޅިގެން ނޫސްވެރިން ވަނީ ރައީސް އޮފީސް ކުރިމަތީގައި އިހުތިޖާޖުކޮށްފަ
ފަލާހުގެ ވާހަކަތަކާއި ގުޅިގެން އެމްޖޭއޭ އިން ވަނީ ފުލުހުންނަށް މައްސަލަ ހުށަހަޅާފަ

ނޫސްވެރިން ލާންވީ ޖަލަށް ނޫން ކަމަށާއި އެ މީހުން "އުލު ބައިންދަންވީ" ކަމަށް ވިދާޅުވެ ޕީއެންސީގެ ޕީޖީ ގްރޫޕްގެ ލީޑަރު އަދި ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހު މަޖިލީހުގައި ދައްކަވާފައިވާ ވާހަކަތަކުގެ މައްސަލަ ބަލާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

ބުރާސްފަތި ދުވަހު މެންދުރު ނޫސްވެރިން ވަނީ ރައީސް އޮފީސް ކުރިމަތީގައި ތިބެ މީޑިއާ ކޮންޓްރޯލް ބިލާއި މެދު އަޑު އުފުލާފަ އެވެ. ބުރާސްފަތި ދުވަހު ހެނދުނުން ފެށިގެން ރައީސް އޮފީސް ކުރިމަތީގައި އިހުތިޖާޖު ކުރި ނޫސްވެރިން ވަނީ ރައީސް އަށް ގިނަ ސުވާލުތަކެއް ކުރިމަތިކުރުވާފަ އެވެ.

އެގޮތުން ފަލާހުގެ ވާހަކަތަކާއި މެދު ތަކުރާރުކޮށް ނޫސްވެރިން ސުވާލުކުރުމުން ރައީސް ވަނީ ވަރަށް ކުރުކޮށް "އެހެން ނުބުނެވޭނެ،" ކަމަށް ވިދާޅުވެފަ އެެވެ. މީގެ އިތުރުން އެ މައްސަލައިގައި ފަލާހު އަށް ފިޔަވަޅު އަޅާނަންތޯ ވެސް ނޫސްވެރިން ސުވާލުކުރި އެވެ. އެ މައްސަލަ ބަލާނެ ކަމަށް ރައީސް ވިދާޅުވި ނަމަވެސް އެކަން ކުށްވެރިކުރައްވާނަންތޯ ނޫސްވެރިން ކުރި ސުވާލަށް ރައީސް ޖަވާބެއް ނުދެއްވަ އެވެ.

ނޫސްވެރިން ލާންވީ ޖަލަށް ނޫން ކަމަށާއި އެ މީހުން "އުލުބައިންދަންވީ" ކަމަށް ވިދާޅުވެ ޕީއެންސީގެ ޕީޖީ ގްރޫޕްގެ ލީޑަރު އަދި ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހު މަޖިލީހުގެ އިއްޔެގެ ޖަލްސާގައި ގޮވާލެއްވި މައްސަލަ ނޫސްވެރިންގެ ޖަމިއްޔާ (އެމްޖޭއޭ) އިން ވަނީ ފުލުހަށް ހުށަހަޅާފަ އެވެ.

ބުރާސްފަތި ދުވަހު އެމްޖޭއޭއިން ނެރުނު ބަޔާނެއްގައި ބުނެފައި ވަނީ އިސްލާމްދީނުގެ މައިގަނޑު އަސާސްތަކުގެ ތެރޭގައި އެއްވެސް މީހަކަށް އަނިޔާވެރިނުވުން ހިމެނޭ އިރު، ފަލާހް ދެއްކެވި ވާހަކައަކީ އިސްލާމްދީނުގެ އަސްލަކާ ހިލާފު ވާހަކައެއް ކަމަށެވެ.

- ކޮމެންޓް