ރައީސް ޒޫމާގެ ދަރިފުޅުގެ މައްޗަށް ކުރެވޭ ކޮރަޕްޝަނުގެ ތުހުމަތުތައް އޭނާ ދޮގުކޮށްފި

ވިޔަފާރިވެރިންނާ އާދަޔާ ޚިލާފު ގުޅުންތަކެއް އޮތް ނަމަވެސް ތުހުމަތު ކުރެވޭ ކޮރަޕްޝަނުގެ އެއްވެސް ކަމެއްގައި ބައިވެރިވުމެއް ނޯންނާނެ ކަމަށް ދެކުނުއެފްރިކާގެ ރައީސް ޖޭކޮބް ޒޫމާގެ ފިރެހެން ދަރިކަލަކު ވިދާޅުވެއްޖެއެވެ.

ޑުޑުޒޭން ޒޫމާ ބީބީސީގައި ވިދާޅުވީ ގުޕްތާ އާއިލާއާއެކު އޮތް ވިޔަފާރީގެ ބައިވެރިވުމުގައި "ނުކިއްސަރު އެއްވެސް ކަމެއް" ނޯންނާނެ ކަމަށެވެ.

ރައީސް ޒޫމާގެ އާއިލާއާ ގުޕްތާއާދެމެދު ބަދަލު ކުރެވިފައިވާ އީމެއިލް ތަކެއް ލީކުވުމުގެ ނަތީޖާއަކަށް ވެގެންދިޔައީ ސިޔާސީ އެއްވެސް ނުފޫޒެއް ވަދެފައިވޭތޯ ބެލުމަށް ތަހުގީގެއް ހިންގަން ޖެހުމެވެ.

ރައީސް ޒޫމާ އަދި ގުޕްތާ ފެމިލީން ވެސް ދަނީ ނުރަނގަޅު އެއްވެސް ކަމެއް ހިނގާފައި ނުވާނެ ކަމަށް ތަކުރާރުކޮށް ބުނަމުންނެވެ.

ބީބީސީއަށް ދެއްވި ޚާއްސަ އިންޓަވިއުއެއްގައި ޑުޑްޒޭން ވިދާޅުވީ މުއްސަނދި ގުޕްތާ ފެމިލީއާ އޭނާއާ ގުޅުމަށް އޭނާއަކީ ގަޔާވާ ގޮތެއް ހުންނަ މީހަކަށްވުން ފިޔަވައި އިތުރު އެއްވެސް ކަމެއް ނެތް ކަމަށެވެ.

"އަޅުގަނޑެއް ގަބޫލެއް ނުކުރަން އެމީހުން އަޅުގަނޑު ފަރާތުން އެއްވެސް ކަމެއް ބޭނުންވާނެ ކަމަކަށް" "އެމީހުން ވެސް އަހަންނާ ގަޔާވޭ.އަހަރެންވެސް އެމީހުންނާ ގަޔާވާތީ"

ދެކުނު އެފްރިކާގެ ރައީސްގެ 21 ބޭފުޅުންގެ ތެރެއިން އެއް ބޭފުޅެއް ކަމަށްވާ ޑުޑުޒެން ވަނީ އޭނާއަކީ "ކޮރަޕްޓް ބޭފުޅެއްނޫން"ކަމަށް ވިދާޅުވެފައެވެ.