މިނިވަން ދުވަހާ ގުޅިގެން ބައެއް ވަގުތުތަކުގައި އުޅަނދު ދުއްވުން މަނާކޮށްފި
24 ޖުލައި 2025 | ބުރާސްފަތި 14:20މިނިވަން ދުވަހުގެ ހަރަކާތްތަކާ ގުޅިގެން ގްރޭޓާ މާލެ ސަރަހައްދުގައި ބައެއް ވަގުތުތަކުގައި އެއްގަމު އުޅަނދު ދުއްވުން ވަނީ މަނާކޮށްފަ
މިނިވަން ދުވަހާއި ގުޅިގެން މާލޭގައު އުޅަނދުތައް ދުއްވުމަށް ވަނީ ވަކި ގަނޑުތަކެއް ކަނޑައަޅާފަ
އްޖޭގެ 60 ވަނަ މިނިވަން ދުވަހުގެ ހަރަކާތްތަކާ ގުޅިގެން ގްރޭޓާ މާލެ ސަރަހައްދުގައި ބައެއް ވަގުތުތަކުގައި އެއްގަމު އުޅަނދު ދުއްވުން މަނާކޮށްފި އެވެ.
ޓްރާންސްޕޯޓް މިނިސްޓްރީން މިއަދު ނެރުނު އިއުލާނެއްގައިވާ ގޮތުން ވަކި ވަގުތުތަކެއްގައި އެއްގަމު އުޅަނދު ދުއްވުން މަނާ ވަނީ ޖުލައި 25، 26 އަދި 27 ވަނަ ދުވަހު އެވެ.
ޓްރާންސްޕޯޓް މިނިސްޓްރީން ބުނީ ބައެއް ވަގުތުތަކުގައި މާލެ ސަރަހައްދުތަކުގައި އެއްގަމު އުޅަނދު ދުއްވުން މަނާކުރަން ނިންމީ މިނިވަން ދުވަހުގެ ހަރަކާތްތައް ކުލަގަދަ ގޮތެއްގައި ކުރިއަށް ގެންދިއުމަށް ހަމަޖެހިފައިވާތީ މަގުމަތީގެ ސަލާމަތާ ރައްކާތެރިކަން ކަށަވަރު ކުރުމަށާއި މަގުމަތީގެ ތޮއްޖެހުން ކުޑަކުރުމަށާއި އަދި ސެކިއުރިޓީ މަސައްކަތައް ފަސޭހަކުރުމަށް ކަމަށެވެ.
އުޅަނދު ދުއްވުން މަނާ ވަގުތުތަކަށް ބަލާއިރުގައި ޖުލައި، 25 ވަނަ ދުވަހު، ބަރު އުޅަނދުގެ ތެރެއިން C0, C2, D, E އަދި V ކެޓަގަރީގެ އެއްގަމު އުޅަނދު ދުއްވުން މަނާ ގަޑިއަކީ 13:00 އިން 18:00 އަށެވެ.
އަދި ޖުލައި 26 ވަނަ ދުވަހު ހުރިހާ ބާވަތެއްގެ އެއްގަމު އުޅަނދު، ދުއްވުން މަނާ ގަޑިއަކީ 15:00 އިން 18:30 އަށެވެ.
ޖުލައި 27 ވަނަ ދުވަހު، ބަރު އުޅަނދުގެ ތެރެއިން C0, C2, D, E އަދި V ކެޓަގަރީގެ އެއްގަމު އުޅަނދު ދުއްވުން މަނާ ގަޑިއަކީ 18:00 އިން 00:00 އަށެވެ.
ޓްރާންސްޕޯޓް މިނިސްޓްރީން ބުނީ އުޅަނދު ދުއްވުން މަނާ ވަގުތުތަކުގައިވެސް ސަލާމަތީ ބާރުތަކުން ބޭނުންކުރާ އިންޖީނުލީ އެއްގަމު އުޅަނދާއި، އެމްބިއުލެންސް އަދި ޕަބްލިކް ޓްރާންސްޕޯޓްގެ ގޮތުގައި ދެމުންގެންދާ ބަހުގެ ހިދުމަތް ކުރިއަށް ގެންދެވޭނެ ކަމަށެވެ.
މިނިސްޓްރީގެ އެންގުމާ ހިލާފަށް އަމަލުކުރާ ފަރާތްތަކަށް އެއްގަމު ދަތުރުފަތުރުގެ ގާނޫނުގެ 67 އަދި 68 ވަނަ މާއްދާގެ ދަށުން ފިޔަވަޅު އަޅާނެ ކަމަށްވެސް މިނިސްޓްރީން ބުން ވަނީ ބުނެފައެވެ.
