ކޭ-ޕާކް ރެސިޑެންސީ މަޝްރޫޢު އާއި ގުޅިގެން ރައްޔިތުން މަޖިލީހަށް ހުށަހެޅި ގަރާރު ބަލައިގަނެފި
އަންގާރަ ދުވަހު އެ ގަރާރު ބަލައިގަނެފައި ވަނީ ވޯޓުގައި ބައިވެރިވި 61 މެމްބަރުންގެ ވޯޓާއި އެކުގައި
ރައްޔިތުންގެ މަޖިލީހުގެ ޖަލްސާގެ ތެރެއިން
ކޭ-ޕާކް ރެސިޑެންސީ މަޝްރޫޢު އާއި ގުޅިގެން ރައްޔިތުން މަޖިލީހަށް ހުށަހެޅި ގަރާރު ބަލައިގަނެފިއެވެ.
އަންގާރަ ދުވަހު އެ ގަރާރު ބަލައިގަނެފައި ވަނީ ވޯޓުގައި ބައިވެރިވި 61 މެމްބަރުންގެ ވޯޓާއި އެކުގައެވެ.
އެ ގަރާރަށް ބަހުސްކުރައްވަމުން ގަރާރު ހުށަހެޅުއްވި މެމްބަރު މަޖިލީހުގެ ގަލޮޅު އުތުރު ދާއިރާގެ މެމްބަރު މުޙައްމަދު އިބްރާހިމް (ކުޑޫ) ވިދާޅުވީ ކޭޕާކު ފަދަ މަޝްރޫޢުތައް މޮނިޓަރކޮށް ފާރަވެރިވާނެ ނިޒާމެއް ނެތް ކަމަށެވެ. މި ފަދަ މައްސަަލަތަކަށް ހައްލު ނުހޯދޭތީ ކުޑޫ ވަނީ ކަންބޮޑުވުން ފާޅުކުރައްވާފައެވެ.
ކޭ-ޕާކް ރެސިޑެންސީސް މަޝްރޫޢުއާ ގުޅިގެން ދިގުލައިގެން ގޮސްފައިވާ އަދި ހައްލުނުވެ އޮތް ބޯހިޔާވަހިކަމުގެ މައްސަލަ އާއި ގުޅިގެން ޕެޓިޝަނެއް ވެސް މަޖިލީހަށް ވަނީ ހުށަހަޅާފައެވެ.
މަޖިލީހުގެ ގަލޮޅު އުތުރު ދާއިރާގެ މެމްބަރު މުޙައްމަދު އިބްރާހިމް (ކުޑޫ)، މަޖިލީހުގެ ރައީސް އަށް މި ޕެޓިޝަނާއި ގުޅޭގޮތުން ފޮނުވި ސިޓީގައި ވިދާޅުވެފައި ވަނީ، އެ ޕެޓިޝަންގެ މައްސަލަ އަކީ ކޭ-ޕާކް ރެސިޑެންސީސް މަޝްރޫޢުއާ ގުޅިގެން ދިގުލައިގެން ގޮސްފައިވާ އަދި ހައްލުނުވެ އޮތް ބޯހިޔާވަހިކަމުގެ މައްސަލަ އާއި ގުޅިގެން ހުށަހެޅި ޕެޓިޝަންއެކެވެ.
އެޗްޑީސީ ފަދަ ދައުލަތުގެ ބާރު ލިބިފައިވާ، ވަސީލަތްތައް ތަނަވަސް މުއައްސަސާއަކުން މި މައްސަލައިން އަސަރުކޮށްފައިވާ ފަރާތްތަކަށް އަސާސީ އިންސާފު ނުވަތަ ލުޔެއްވެސް ހޯދައި ނުދީ އޮތުމަކީ ޤަބޫލުކުރެވޭނެ ކަމެއް ނޫން ކަމަށް ވެސް އެ ސިޓީގައި ވަނީ ބުނެފައެވެ.
