އިސްރާއީލާ ދެކޮޅަށް އީރާނުން ދިން ވަރުގަދަ ހަމަލާތަކުގެ ކާމިޔާބީ ފާހަގަ ކުރަން އެތައް ހާސް މީހުން ނުކުމެއްޖެ
އެއްވުމުގައި ބައިވެރިވި މީހުން އިސްރާއީލުން ހިންގި ޖަރީމާތައް ކުށްވެރިކޮށް، އެމެރިކާ އަކީ މި ޖަރީމާ ތަކުގެ ބައިވެރި އެއް ކަމަށް ބުނެ އަޑު އުފުލާފައިވޭ
12 ދުވަހުގެ ހަނގުރާމައިގައި އިސްރާއީލުގެ މައްޗަށް ލިބުނު ކާމިޔާބީ ފާހަގަ ކުރަން އީރާނުގެ އެތައް ހާސް މީހުން ޖަމާވި- ޖޫން 24، 2025
އިސްރާއީލުގެ އަނިޔާވެރިކަމާ ކުރިމަތިލާ އީރާނުގެ ހަތިޔާރުއެޅި ބާރުތަކުން ދެއްކި ވަރުގަދަ ހިތްވަރަށް ތާއީދު ކޮށް އެތައް ހާސް އީރާނުގެ ރައްޔިތުން ޝުއޫރު ފާޅު ކޮށްފިއެވެ.
އަންހެނުންނާއި ފިރިހެނުންނާއި ކުޑަކުދިން ހިމެނޭ ގޮތައް ގިނަ އަދަދެއްގެ ބަޔަކު ޖަމާވީ ތެހެރާންގެ މެދުތެރޭގައިވާ އިންޤިލާބު މައިދާނަށެވެ. އެއްވި މީހުން ވަނީ އިސްރާއީލުގެ ހަމަލާތަކާ ދެކޮޅަށް ޖިހާދު ކޮށް ގައުމުގެ މިނިވަންކަން ދިފާޢު ކުރި ސިފައިންނަށް ތާއީދު ފާޅު ކޮށްފައެވެ.
އެއްވުމުގައި ބައިވެރިވި މީހުން އިސްރާއީލުން ހިންގި ޖަރީމާތައް ކުށްވެރިކޮށް، އެމެރިކާ އަކީ މި ލޭއޮހޮރުވުމުގައި ބައިވެރިވާ ފަރާތެއް ކަމަށް ބުނެ، "އެމެރިކާ އަށް މަރު"، "ކުޑަކުދިން މަރާ އިސްރާއީލަށް މަރު"، އަދި "އެއްވެސް އެއްބަސްވުމެއް ނެތް، އަމާން ދިނުމެއް ނެތް - އެމެރިކާ އާ ދެކޮޅަށް ހަނގުރާމަ" ފަދަ ބާރުގަދަ ޝިއާރުތައް ފާޅުކޮށްފައި ވެއެވެ.
އީރާނުގެ ދިދަތަކާއި، އިސްލާމީ އިންޤިލާބުގެ ލީޑަރު އާޔަތު ﷲ ސައްޔިދު ޢަލީ ޚާމަނާއީގެ ފޮޓޯތަކާއި، އިސްރާއީލާ އެކު ކުރި 12 ދުވަހުގެ ހަނގުރާމައިގައި ޝަހީދުވި މީހުންގެ ފޮޓޯތައް ހިފައިގެން ތިބި މީހުން، "އަހަރެމެން އެންމެ ފަހު ވަގުތައް ދާންދެން ތިބޭނަން"، "އެމެރިކާ އަކީ އިސްރާއީލުގެ ހުރިހާ ޖަރީމާ އެއްގެ ބައިވެރިއެއް"، "މަޖުބޫރުކުރާ ސުލްހައަކަށް ނޫނެކޭ، ދެމިގެންދާ ސުލްހައަކަށް އާނއެކޭ"، ފަދަ ލިޔުންތައް ލިޔެފައިވާ ބޯޑުތައް އުފުލާފައި ވެއެވެ.
އެއްވި މީހުން އިސްލާމިކް ރިވޮލިއުޝަނަރީ ގާޑްސް ކޯޕްސް (އައި.އާރް.ޖީ.ސީ)، އާއި ސިފައިންނާއި، ފުލުހުންގެ ސާބިތުކަމާއި ހިތްވަރަށް ތަޢުރީފު ކޮށްފައި ވެއެވެ.
