ފޯނުން ގުޅުއްވައި ރައީސް ޞާލިހު ރައީސް ނަޝީދަށް މަރުހަބާ ވިދާޅުވެއްޖެ
ރައީސް ޞާލިހު މިދިޔަ އަހަރު ވަނީ މި ދައުވަތު ދެެއްވާފައި
ކުރީގެ ރައީސް ޞާލިހު ފޯނުން ގުޅުއްވައި ކުރީގެ ރައީސް ނަޝީދަށް ތަހުނިޔާ ވިދާޅުވެފައިވޭ
ފޯނުން ގުޅުއްވައި ރައީސް އިބްރާހިމް މުހައްމަދު ޞާލިހު ރައީސް މުހައްމަދު ނަޝީދަށް މަރުހަބާ ވިދާޅުވެއްޖެއެވެ.
ރައީސް ޞާލިހު ރައީސް ނަޝީދަށް މަރުހަބާ ވިދާޅުވީ 2 އަހަރަށްފަހު އެމްޑީޕީއާއި އަނބުރާ ގުޅިވަޑައިގަތުމުންނެވެ. ރާއްޖެއިން ބޭރުގައި ހުންނަވާ ފޯނުން ގުޅުއްވާ ރައީސް ޞާލިހު ވަނީ ރައީސް ނަޝީދަށް މަރުހަބާ ވިދާޅުވެ ޑިމޮކްރެޓްސް އިން ވަކިވެ އެމްޑީޕީއާއި އަލުން ގުޅިވަޑައިގެންނެވި މެންބަރުންނަަށްވެސް މަރުހަބާ ވިދާޅުވެފައެވެ.
ރައީސް ނަޝީދު އެމްޑީޕީއާއި ގުޅިވަޑައިގަތުމާއި ގުޅިގެން ހާއްސަ ޖަލްސާއެއް ހޯމަ ދުވަހުގެ ރޭ ސަލްޓަންޕާކުގައި ވަނީ ބާއްވާފައެވެ. ރައީސް ނަޝީދު އެމްޑީޕީއިން ވަކިވެވަޑައިގަތީ 21 ޖޫން 2023 ގައެވެ.
ކުރީގެ ރައީސް މުޙައްމަދު ނަޝީދު އާއި ދަ ޑިމޮކްރަޓްސްގެ މެމްބަރުން، ދިވެހި ރައްޔިތުންގެ ޑިމޮކްރަޓިކް ޕާޓީ (އެމްޑީޕީ)އާ އަލުން ގުޅުމަށް ނިންމި ނިންމުމަށް، ކުރީގެ ރައީސް އިބްރާހީމް މުޙައްމަދު ޞާލިޙު މަރުޙަބާ ވިދާޅުވެ އެކްސްގައި ވެސް ޕޯސްޓެއް ކުރެއްވިއެވެ.
ބުރާސްފަތި ދުވަހު އެމަނިކުފާނުގެ އެކްސް އެކައުންޓުގައި ކުރެއްވި ޕޯސްޓެއްގައި އެ މެމްބަރުންނަށް މަރުޙަބާ ދަންނަވައި ރައީސް ޞާލިޙު ވިދާޅުވެފައި ވަނީ، އިސްލާމްދީނުގެ ޞައްޙަ ޢަޤީދާގެ މަތީގައި ދެމި ތިބެ، ޑިމޮކްރަސީގެ ހަމަތައް ނަގަހައްޓައި، ރައްޔިތުންގެ މަޞްލަޙަތު އަބަދު ވެސް އިސްކުރާ ބަޔަކަށް ވާން ޖެހޭ ކަމަށެވެ. މީގެ އިތުރުން އެ ޕޯސްޓުގައި ރައީސް ޞާލިޙު ވަނީ ޅެން ބައިތެއް ވެސް ހިމަނުއްވައިފަ އެވެ.
އެގޮތުން އެމަނިކުފާނު ލިޔުއްވާފައި ވަނީ، “ހުރަސްތަކާ ދިމާވެދާ ޢަދަދުނުވާނެ ދަތިތަކުން، ފަހަށް ނުޖެހި ދެވޭނެހެން ފަޝާށެވީ ގިރާކުރާން. ޤައުމިއްޔަ އިލްތިމާސުތަކަށް ޢަމަލުކުރާށެ ހެޔޮހިތުން، އަބަދު ކުރާށެ ހިތްވަރެއް ހިނގާނެ އާމަގެއް ކޮށާން.”
މީގެ ކުރިން ވެސް ރައީސް ޞާލިޙު ވަނީ އެމްޑީޕީ އިން ވަކިވެގެން ދިޔަ މެމްބަރުން އަލުން އެ ޕާޓީ އަށް އައުމަށް އިލްތިމާސް ކުރައްވައިފަ އެވެ. އެގޮތުން 2024 ވަނަ އަހަރު އެމްޑީޕީގެ އަހަރީ ދުވަހު ރާއްޖެ ޓީވީގެ ފަށާއިރު ޕްރޮގްރާމްގައި ބައިވެރިވެ ވަޑައިގެން ރައީސް ޞާލިޙު އޭރު ވެސް ވިދާޅުވެފައި ވަނީ، އެމްޑީޕީ އަކީ އެންމެން އެކީގައި އުފައްދާފައި އޮތް ޕާޓީ އެއް ކަމަށާއި، އެއީއެންމެންގެ ވެސް ޕާޓީއެއް ކަމަށެވެ.
މީގެ އިތުރުން ކުރިން އުފެދިފައިވާ މައްސަލަތައް، އަދި އެމަނިކުފާނާ ދޭތެރޭގައި މައްސަލައެއް އޮވެއްޖެ ނަމަ އެކަން ވެސް އެއް ފަރާތުގައި ބޭއްްވުމަށް ފަހު، ދިވެހިޤައުމައިގެން ކުރިއަށް ދާން ޖެހޭ ކަމަށް ވިދާޅުވި އެވެ.
އަދި މީގެ އެތައް އަހަރުތަކެއް ކުރިން އެމްޑީޕީ އިން ފެށި މަސައްކަތް ނިމުނާ ހިސާބަށް ނުދާ ކަމަށް ވެސް އެ ދުވަހުރައީސް ޞާލިޙު ވަނީ ވިދާޅުވެފަ އެވެ. ހަމަ އެހެންމެ، އެމްޑީޕީ އެކަތިގަނޑެއްގެ ގޮތުގައި އޮވެ، ހުރިހާ ބޭފުޅުން ވެސް ގުޅިގެން، އެކު އެކީގައި ކުރިއަށް ދިޔުމުގެ މުހިންމުކަން އެ ދުވަހު ވެސްރައީސް ޞާލިޙު ވަނީ ފާހަގަ ކުރައްވައިފަ އެވެ.
އެމްޑީޕީގެ ރައީސްކަން ވެސް މީގެ ކުރިން ކުރައްވާފައިވާ، ރައީސް ނަޝީދު އާއި އެ ޕާޓީގައި މީގެ ކުރިން އިސްކޮށް މަސައްކަތް ކުރައްވާފައިވާ ގިނަ ބޭފުޅުންތަކެއް އަލުންއެމްޑީޕީއާ ގުޅުމަށް ނިންމާފައިވާއިރު، އެމްޑީޕީ އިން ވެސް ވަނީ އެ ބޭފުޅުންނަށް މަރުޙަބާ ވިދާޅުވާނެ ކަމަށް ބުނެފަ އެވެ.
