ހަނގުރާމަ ހުއްޓާލަންވީ އެއްބަސްވުމާ ޚިލާފު ނުވާތި: ޓްރަމްޕް
ޓްރަމްޕް ކުރެއްވި ޕޯސްޓެއްގައި ވިދާޅުވީ، ހަނގުރާމަ ހުއްޓާލުމުގެ އެއްބަސްވުމަށް އަމަލު ކުރަން ފެށިފައިވާ ކަމަށެވެ.
ޖޫން މަހުގެ 13 ވަނަ ދުވަހު އިސްރާއީލް އިން އިސްވެ އީރާނަށް ދިން ހަމަލާއާ ގުޅިގެން، އީރާން އިން ވެސް ވަނީ އިސްރާއީލަށް ވަރުގަދަ ހަމަލާތަކެއް ދީފަ
އީރާނަށް ހަމަލާ ދިންކަން އިއުލާާން ކުރުމަށް އެމެރިކާގެ ރައީސް ޓްރަމްޕް ބޭއްވި ޕްރެސް ބްރީފިން
އިސްރާއީލް އާއި އީރާނާ ދެމެދު ކުރިއަށް ދިޔަ ހަނގުރާމަ ހުއްޓާލަން ދެ ޤައުމުގެ ދެ މެދުގައި ވެވުނު އެއްބަސްވުމާ ޚިލާފު ނުވާން އެމެރިކާގެ ރައީސް ޑޮނަލްޑް ޓަރަމްޕް އެދިވަޑައިގެންފި އެވެ.
ޖޫން މަހުގެ 13 ވަނަ ދުވަހު އިސްރާއީލް އިން އިސްވެ އީރާނަށް ދިން ހަމަލާއާ ގުޅިގެން، އީރާން އިން ވެސް ވަނީ އިސްރާއީލަށް ވަރުގަދަ ހަމަލާތަކެއް ދީފަ އެވެ.
އޭގެ ފަހުން ބުދަ ދުވަހު ވަނީ ހަނގުރާމަ ހުއްޓާލުމަށް ދެ ޤައުމުން ވެސް އެއްބަސްވެފަ އެވެ. އެކަމާ ގުޅިގެން ޓްރަމްޕް ކުރެއްވި ޕޯސްޓެއްގައި ވިދާޅުވީ، ހަނގުރާމަ ހުއްޓާލުމުގެ އެއްބަސްވުމަށް އަމަލު ކުރަން ފެށިފައިވާ ކަމަށެވެ.
އަދި އެދިވަޑައިގެންނެވީ އެއްވެސް ފަރާތަކުން އެ އެއްބަސްވުމާ ޚިލާފު ނުވުމަށެވެ.
މީގެ އިތުރުން އިސްރާއީލާއި އީރާނާ ދެމެދު ކުރިއަށް ދިޔަ 12 ދުވަހުގެ ހަނގުރާމަ ހުއްޓާލަށް ދެ ޤައުމުން ވެސް އެއްބަސްވުމާ ގުޅިގެން އެކަމަށް މަރުޙަބާ ކިޔާ ކަމަށް ޓްރަމްޕް ވިދާޅުވެފައިވެ އެވެ.
އިތުރަށް ޓްރަމްޕް ވިދާޅުވީ ކުރިއަށް އޮތް ތަނުގައި ހުރިހާ ކަމެއް ވެސް ދެން ކުރިއަށް ދާނީ ރޭވިފައިވާ ގޮތަށް ކަމަށް ޤަބޫލު ކުރައްވާ ކަމަށާއި، ހަނގުރާމަ ނިންމުމަށް އިސްރާއީލާއި އީރާނުން ދައްކާފައިވާ ހިތްވަރާއި، ކެތްތެރިކަން އަދި ވިސްނުންތެރި ކަމަށްޓަކައި ދެ ޤައުމުގެ ލީޑަރުންނަށް ވެސް މަރުޙަބާ ކިޔަން ބޭނުންވާ ކަމަށެވެ.
އިސްރާއީލާއި އިރާނާ ދެމެދު ހަނގުރާމަ ފެށުނީ، އިސްރާއީލް އިން އިސްވެ އީރާނަށް ދިން ހަމަލާއަކާ ގުޅިގެންނެވެ. އޭގެ ފަހުން އީރާން އިން ވެސް ވަނީ އިސްރާއީލަށް ވަރުގަދަ ހަމަލާތަކެއް ދީފަ އެވެ. އެ ހަމަލާތަކުގައި އިސްރާއީލަށް ވަނީ ބޮޑެތި ގެއްލުން ތަކެއް ވެސް ލިބިފަ އެވެ.
އޭގެ ފަހުން އެމެރިކާ އިން ވެސް ވަނީ އީރާނަށް ހަމަލާ ދީފަ އެވެ. އެއާއެކު މަޝްރަހު ވަރަށް ބޮޑަށް ގޯސްވާނެ ކަމަށް ބެލެވިފައި ވަނިކޮށް، ހޯމަ ދުވަހުގެ ރޭ އީރާން އިން ވަނީ ޤަތަރުގައި ހުރި އެމެރިކާގެ ބޭސް އަކަށް ހަމަލާ ދީފަ އެވެ.
