ބަނޑުހައި ހޫނުކަން ތަހައްމަލުކުރަމުން ދިޔަ ޣައްޒާގެ 30 ރައްޔިތަކު ޝަހީދުކޮށްލައިފި
އިސްރާއީލުގެ އަސްކަރިއްޔާގެ ހަމަލާތަކުން 30 ރައްޔިތަކު ޝަހީދުވެފައިވާ އިރު، ގަޑިއަކަށްވުރެ ގަޑިއެއް މި އަދަދު ދަނީ އިތުރުވަމުންނެވެ.
ޣައްޒާގެ ކުޑަކުއްޖެއް ވެއްޓިފައިވާ އިމާރާތަކަށް އިމާރާތެއްގެ މަތީގައި ހުރެ ބަލަހައްޓައިގެން
ބަނޑުހައި ހޫނުކަން ތަހައްމަލުކުރަމުން ދިޔަ ޣައްޒާގެ 30 ރައްޔިތަކު ޝަހީދުކޮށްލައިފިއެވެ.
އަލްޖަޒިރާގައި ބުނެފައިވާގޮތުން ދުވަސް ކުރިއަށްދާ ވަރަކަށް ޝަހީދުވާ މީހުންގެ އަދަދު ގަޑިއަކަށްވުރެ ގަޑިއެއް ދަނީ އިތުރުވަމުންނެވެ. ޣައްޒާ ސިޓީގެ ހުޅަނގު އުތުރު ސަރަހައްދުގައި އެއް ހަމަލާއެއްގައި އާއިލާގެ ފަސް މީހަކު ޝަހިދުވެފައިވާ އިރު، އަލް ޝިފާ ހޮސްޕިޓަލުގައި 13 މީހަކު ވަރަށް ބޮޑަށް ޒަހަމްވެފައިވެއެވެ.
ޒަހަމްވެގެން ގެންނަ މީހުންގެ އަދަދު އިތުރުވުމާއި ގުޅިގެން އަލް ޝިފާ ހޮސްޕިޓަލަށް އެ މީހުންނަށް ފަރުވާ ދިނުމަށް ދަތިވެފައިވާ ކަމަށް އެ ހޮސްޕިޓަލުން އަންނަނީ ބުނަމުންނެވެ.
އިސްރާއީލުން އީރާނަށް މިސައިލް ހަމަލާ ދެމުން ދިޔަ ނަމަވެސް، ޣައްޒާގެ އެކި ސަރަހައްދުތައް ދެމުން އަންނަ ހަމަލާތައް އިތުރުކޮށް، ވަގުތީ ހިޔާވަހިކަން ހޯދަމުންދާ ޓެންޓް ތަކާއި އާންމުންގެ ގެދޮރަށް އަމާޒުކޮށް އަންނަނީ ހަމަލާތައް ދެމުންނެވެ.
މީގެ އިތުރުން ރަފާ ނުވަތަ ނެޓްޒަރީމް ކޯރިޑޯގައި ކާބޯތަކެތި ބެހުމުގެ މަރުކަޒުތަކަކަށް ގިނަ އަދަދެއްގެ ބަޔަކު އެއްވެފައިވާއިރު، މިހާތަނަށް އެހީ ހޯދަން ތިބި 13 މީހަކު ވަނީ ބަޑިޖަހައި ޝަހީދުކޮށްލާފައެވެ. އެއީ ހެނދުނުން ފެށިގެން އިސްރާއީލުގެ އަސްކަރިއްޔާއިން ޝަހީދުކޮށްލި 30 މީހުންގެ ތެރޭގައި ހިމެނޭ މީހުންނެވެ.
