ރައީސް މުއިއްޒު އާއި އެކު ދިވެހިން ކުރި ތަޖުރިބާ އަކީ ޕީއެޗްޑީ އެއް އޮތަސް ވެރިކަން ނުކުރެވޭނެކަން - ސަނީފް
ރިޔާސީ އިންތިޚާބުގައި ވީ ވައުދުތަކުގެ ތެރެއިން ތަންތަނުގެ ބިންގާ އެޅުން ފިޔަވާ އިތުރު މާ ބޮޑު ކަމެއް ސަރުކާރަށް ނުކުރެވޭ ކަމަށް އޭނާ ވަނީ ވިދާޅުވެފަ
ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ ކުރީގެ މެންބަރު އަބްދުﷲ ސަނީފް
ރައީސް ޑރ.މުހައްމަދު މުއިއްޒު އާއި އެކު ދިވެހިން ކުރި ތަޖުރިބާ އަކީ އަތުގައި ޕީއެޗްޑީ އެއް އޮތް ކޮންމެ ބޭފުޅަކަށް ވެރިކަން ނުކުރެވޭނެކަން ކަމަށް ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ ކުރީގެ މެންބަރު އަބްދުﷲ ސަނީފް ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުން ސަނީފް ވިދާޅުވީ ވެރިކަން ކުރުމަށް ބޭނުންވާ ހިލްމުވެރިކަން ރައީސް މުއިއްޒުގެ ކިބައި ނެތްކަން ވަރަށް ބޮޑަށް ސާފުވާ ކަމަށެވެ. ކުރީ ސަރުކާރުން ހިންގަމުން އައި މަޝްރޫޢުތައް ވެސް މި ސަރުކާރަށް ނު ހިންގުމުން ސަރުކާރުގެ ޤާބިލްކަމެއް ނެތް މިންވަރު ހާމަވާ ކަމަށް އޭނާ ވިދާޅުވިއެވެ.
ސަނީފު އިތުރަށް ވިދާޅުވި ރައީސް ޑރ.މުއިއްޒުގެ ސަރުކާރަށް 2 އަހަރު ވެގެންދާ އިރު ރާއްޖޭގެ އިގްތިސާދު ނަގަހައްޓަން މަސައްކަތް ނުކުރެވޭ ކަމަށެވެ. ރާއްޖެ ހިންގުމަށްޓަކާ އެކުލަވާލި ބަޖެޓް މި އަހަރާއި ނިމިދިޔަ އަހަރު ވެސް ތަންފީޒު ނުކުރެވޭ ކަމަށް ފާހަގަކުރައްވާ އޭނާ ވަނީ އެކަމަށް ވަރަށް ބޮޑަށް ފާޑު ވިދާޅުވެފައެވެ. އެހެންކަމުން އާއްމުން ތިބީ ސަރުކާރާއި މެދު ވަރަށް ބޮޑަށް ނުރުހިފައި ކަމަށް އޭނާ ވިދާޅުވިއެވެ. ސަރުކާރުން ރާއްޖޭގެ ރައްޔިތުންނަށްޓަކާ އިޚުލާސްތެރިކޮށް އެއްވެސް ކަމެއް ކޮށް ނުދޭ ކަމަށް އޭނާ ވިދާޅުވިއެވެ. އަދި ރާއްޖޭގެ ބޮޑެތި ރަށްތަކަށް އެކަނި ބެލިއަސް ތަރައްޤީގެ އެއްވެސް މަޝްރޫޢު އެއް ރަނގަޅަށް ނުހިނގާ ކަމަށް އޭނާ ވަނީ ފާހަގަކުރައްވާފައެވެ.
ރިޔާސީ އިންތިޚާބުގައި ވީ ވައުދުތަކުގެ ތެރެއިން ތަންތަނުގެ ބިންގާ އެޅުން ފިޔަވާ އިތުރު މާ ބޮޑު ކަމެއް ސަރުކާރަށް ނުކުރެވޭ ކަމަށް އޭނާ ވަނީ ވިދާޅުވެފައެވެ.
