އިސްރާއީލް އިން ޔަމަންގެ ހުދައިދާ ބަނދަރަށް ހަމަލާ ދީފި
ހޫތީން އިން ހިންގާ އަލް މަސީރާ ޓީވީ އިން ބުނެފައިވާ ގޮތުގައި، އިސްރާއީލްގެ އަސްކަރިއްޔާ އިން ވަނީ ހުދައިދާ ބަނދަރަށް އަމާޒުކޮށް ދެ ފަހަރެއްގެ މަތިން ހަމަލާ ދީފައި.
ހުދައިދާ ބަނދަރަށް އަމާޒުކޮށް އިސްރާއީލް ދިން 2024 ވަނަ އަހަރު ދިން ހަމަލާގެ ތެރެއިން
ޔަމަންގެ ރަތް ކަނޑުގެ ހުދައިދާ ބަނދަރަށް އަމާޒުކޮށް، އިސްރާއީލްގެ އަސްކަރިއްޔާ އިން ހަމަލާ ދީފި އެވެ.
އިސްރާއީލްގެ އަސްކަރީ ރޭޑިއޯ އިން ހާމަކޮށްފައިވާ ގޮތުގައި، އެ ޤައުމުގެ އަސްކަރިއްޔާ އިން ވަނީ ހުދައިދާ ބަނދަރަށް އަމާޒުކޮށް އަންގާރަ ދުވަހު ހަމަލާ ދީފަ އެވެ.
ހޫތީން އިން ހިންގާ އަލް މަސީރާ ޓީވީ އިން ބުނެފައިވާ ގޮތުގައި، އިސްރާއީލްގެ އަސްކަރިއްޔާ އިން ވަނީ ހުދައިދާ ބަނދަރަށް އަމާޒުކޮށް ދެ ފަހަރެއްގެ މަތިން ހަމަލާ ދީފަ އެވެ. ނަމަވެސް އެ ދެ ހަމަލާގައި ވެސް އެއްވެސް މީހަކަށް އަނިޔާވެފައިވާ ކަމަށް ރިޕޯޓު ކޮށްފައި ނުވެ އެވެ.
އިސްރާއީލް އިން މި ހަމަލާތައް ދީފައި ވަނީ ހޯމަ ދުވަހު ދިން އިންޒާރަކަށް ފަހު އެވެ. އެގޮތުން ހޫތީންގެ ބެލުމުގެ ދަށުގައި ނުވަތަ ބާރުގެ ދަށުގައިވާ ރަސް އީސާ، ހުދައިދާ އަދި ސަލީލް ބަނދަރުތައް ހުސް ކުރުމުގެ އިންޒާރު ހޯމަ ދުވަހު އިސްރާއީލް އިން ވަނީ ދީފަ އެވެ.
އިސްރާއީލް އިން ޣައްޒާގައި ހިންގަމުން އަންނަ ހަނގުރާމައާ ގުޅިގެން، ޣައްޒާގެ ރައްޔިތުންނާ އެކު ތިބިކަން ހާމަ ކުރުމުގެ ގޮތުން ކަމަށް ބުނެ ހޫތީން އިން އަންނަނީ ރަތް ކަނޑުން ދަތުރު ކުރާ އިސްރާއީލާ ގުޅުން ހުރި އުޅަނދުތަކަށް ހަމަލާ ދެމުންނެވެ. އަދި އިސްރާއީލަށް އަމާޒުކޮށް ވެސް ހަމަލާތަކެއް ވަނީ ދީފަ އެވެ.
