އެކަތި ބޮޑުބެރުގެ "އީދު ގޮމާ" ލަވަ ނެރެފި
ލަވައިގެ ޓްރެއިލާ 250,000 އަށްވުރެ ގިނަ މީހުން ބަލާފައިވޭ
އެކަތި ބޮޑުބެރު ގުރޫޕުން ނެރުނު "އީދު ގޮމާ" ލަވައިގެ ކަވާރ ފޮޓޯ
އެކަތި ބޮޑުބެރު ގުރޫޕުން ކުރިއަށް އޮތް ބޮޑު އީދާ ދިމާކޮށް "އީދު ގޮމާ" ގެ ނަމުގައި އަމިއްލަ ވީޑިއޯ ލަވައެއް މިއަދު ނެރެފިއެވެ.
އެކަތި ބޮޑުބެރު ގުރޫޕުން ބުނީ މި ލަވައިގެ ލީޑް ރޯލުގައިފެނިގެން ދާނީ ދިވެހި ފިލްމީ ދާއިރާގެ މަޝްހޫރު ތަރި މަރިޔަމް އައްޒަ އާއި އެކަތި ބޮޑުބެރު ގުރޫޕުގެ ލީޑް ވޯކަލިސްޓް އަދި މެނޭޖަރު ހަމްދާން ސަލީމް ކަމަށެވެ. އަދި މި ލަވައިގައި ދިވެހި ސަގާފީ ހަރަކާތްތަކާއި ޒަމާނީ ކުލަތައް އެއްކޮށްލައިގެން ރާއްޖޭގެ އުތުރުގެ ބައެއް ރަށްރަށުގައި ދަފި ލުމުގެ ސަގާފަތް އޮންނަ ގޮތް ދައްކުވައިދީފައިވާނެ ކަމަށް އެގުރޫޕުން ބުނެއެވެ.
މީގެ އިތުރުން ބ. ކިހާދޫގައި ޝޫޓުކޮށްފައިވާ މި ލަވައިގެ ނެށުމުގެ ބައިތަކުގައި އެކްސްޓްރީމް ލެވެލް އާއި އޮނަހިރި ބޮޑުބެރު ގުރޫޕުން ވަނީ ބައިވެރިވެފައެވެ. އެކަތި ބޮޑުބެރު ގުރޫޕުގެ މި ލަވައަކީ އެ ގުރޫޕުން ނެރުމަށް ރާވާފައިވާ 231 އަލްބަމްގެ ލަވައެކެވެ.
އީދާ ގުޅުވައިގެން މި ފަހަރު މި ނެރޭ ލަވައަކީ ވެސް ގިނަ ބަޔަކަށް ކަމުދާނެ، ކާމިޔާބު ލަވައަކަށް ވާނެ ކަމަށް އުއްމީދުކުރަންއެކަތި ބޮޑުބެރު ގުރޫޕް
މީގެ ތިން ދިވަސް ކުރިން އެކަތި ބޮޑުބެރު ގުރޫޕުގެ "އީދު ގޮމާ" ލަވައިގެ ޓްރެއިލާއަށް ލިބުނު ތަރުހީބު ފާހަގަކޮށް އެ ގުރޫޕުން ބުނީ އެ ޓްރެއިލާއަށް 250,000 އަށްވުރެ ގިނަ މީހުން ބަލާފައިވާ ކަމަށެވެ.
