ކ. މާލެ
|
2 ޖޫން 2025 | ހޯމަ 18:18
ވައިކަރަދޫ ދާއިރާގެ މެންބަރު ހުސެއިން ޒިޔާދު (ފިއްޓެ)
ރައްޔިތުންގެ މަޖިލިސް
ތަހުގީގުކުރާ މައްސަލަތައް
ބޮޑެތި ތުހުމަތުތަކާއެކު ކުންފުނިތަކުގެ ވެރިން މަގާމުން ދުރުކުރި ނަމަވެސް އެ މައްސަލަތައް މިއަދާ ހަމައަށް ނުބެލޭ، މިއީ ބަލައިގަނެވެނޭ ކަމެއް ނޫން : މެންބަރު ޒިޔާދު
ޝަރުއީ ނިޒާމަށް އިތުބާރު ނެތްތަނެއްގައި ރައްޔިތުންނަށް އިތުބާރެއް ނޯންނާނެ
ސަރުކާރުން ފެށި ތަހުގީގެއް ސަބަބުން ބީއެމްއެލްއަށް ވެސް އިތުބާރެއް ނެތް
ގާނޫނު އަސާސީއަށް ގެނައި އިސްލާހުގެ ސަބަބުން މިއަދު ރައްޔިތުން މަޖިލީހުގައި ރައްޔިތުންގެ މެންބަރުން ވެސް ނެތް
2,831
ބޮޑެތި ތުހުމަތުތަކާއެކު ކުންފުނިތަކުގެ ވެރިން މަގާމުން ދުރުކުރި ނަމަވެސް އެ މައްސަލަތައް މިއަދާ ހަމައަށް ނުބެލި އޮތުމަކީ ބަލައިގަނެވޭނެ ކަމެއް ނޫން ކަމަށް ރައްޔިތުން މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު ވިދާޅުވެއްޖެއެވެ.
ހޯމަ ދުވަހު ކުރިއަށް ގެންދިޔަ ރައްޔިތުން މަޖިލީހުގެ ޖަލްސާގައި މޯލްޑިވްސް ސިވިލް އޭވިއޭޝަން އޮތޯރިޓީގެ ގާނޫނަށް އިސްލާހު ގެނައުމުގެ ބިލުގެ އިބްތިދާއީ ބަހުސްގައި މެންބަރު ޒިޔާދު ވިދާޅުވީ ޝަރުއީ ނިޒާމަށް އިތުބާރު ނެތްތަނެއްގައި ރައްޔިތުންނަށް އިތުބާރެއް ނޯންނާނެ ކަމަށާއި، މިއަދު މިގައުމުގެ ފެނާއި ކަރަންޓަށް ވެސް މިހާރު އިތުބާރެއް ނެތް ކަމަށެވެ. އަދި ސަރުކާރުން ފެށި ތަހުގީގެއް ސަބަބުން ބީއެމްއެލްއަށް ވެސް އިތުބާރެއް ނެތް ކަމަށް މެންބަރު ޒިޔާދު ވިދާޅުވިއެވެ.
ރައްޔިތުންގެ މަޖިލީހަށް އިޝާރާތް ކުރައްވައި މެންބަރު ޒިޔާދު ވިދާޅުވީ މިއީ ރައްޔިތުންގެ ހައްގުގައި ބަސް ބުނުމަށް ރައްޔިތުން އިންތިޚާބު ކުރި މެންބަރުންތަކެއް ކަމަށެވެ. ނަމަވެސް ރައްޔިތުން މަޖިލީހުގެ ގާނޫނު އަސާސީއަށް އެގެނައި އިސްލާހުގެ ސަބަބުން މިއަދު ރައްޔިތުން މަޖިލީހުގައި ރައްޔިތުންގެ މެންބަރުން ވެސް ނެތް ކަމަށް މެންބަރު ޒިޔާދު ވިދާޅުވިއެވެ.
އިއްޒަތްތެރި ރައީސް އެކަން ގަބޫލުފުޅެއް ނުކުރައްވާ. އެހެންނަމަވެސް ގާނޫނު އަސާސީ އޮތީ އެހެން. ފިޔަވަޅު އަޅާ ކޮމެޓީއަށް ބޭނުންވެއްޖެއްޔާ މެންބަރުގެ ގޮނޑި ގެއްލޭނެ. އެހެން އެހާލަތުގައި ތިއްބެވި މެންބަރުންތަކެއް ލައްވާ މި ސުޕްރީމްކޯޓެއް ނަގަނީ. އެ އިތުބާރު ރައްޔިތުންނަށް އޮންނާނެތޯ ނޫންތޯ މިއީ މިއަދު އުފެދޭ ސުވާލެއް. އެންމެ ބޮޑަށް ރައްޔިތުންގެ އިތުބާރު އުފެދޭނީ ރައްޔިތުންގެ މަޖިލިސް މިނިވަންކަމާއެކު ބަހުސްކޮށްލާ ރައްޔިތުން މަޖިލިސް މެންބަރުންނަކީ މިނިވަންކަމާއެކު ބަސް ބުނެވޭ ހާލަތެއްގައި ގައުމު އޮތީމަ ނޫނިއްޔާ ރައްޔިތުންގެ އިތުބާރެއް އިތުރު އެއްވެސް މުއައްސަސާއަކަށްނުކުރާނެ. ސަބަބަކަށް ވަނީ މި މުއައްސަސާތަކަށް މީހުން ނަގަނީ މި ރައްޔިތުން މަޖިލިސް މެދުވެރިކޮށް. އެހެންވީމަ ރައްޔިތުން މަޖިލީހުގެ މެންބަރުންނަށް އޮންނަންޖެހޭ ފުރިހަމަ ބާރާ އިހުތިޔާރާއި މިނިވަންކަން. އެހެންވެ ގާނޫނު އަސާސީގައި އެބާބު އެގޮތަށް ލިޔެފައި އެއޮތީ. ރައްޔިތުން މަޖިލީހުގެ މެންބަރުންނަށް މިއަދު މިހިނގާ ދިޔަ ކަންތައްތައް ރައްޔިތުން މަޖިލީހުގެ ކޮމެޓީއަކުން ބަލަން ގެންނައިރުގައި މިއީ ސަރުކާރުގެ މެންބަރުންނޭ.
ރައްޔިތުން މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު
ބޮޑެތި ތުހުމަތުތައް އަމާޒުވާ ކުންފުނިތަކުގެ ވެރިން ދުރުކުރާކަން ފާހަގަކުރައްވައި މެންބަރު ޒިޔާދު ވިދާޅުވީ އެފަދަ ބޭފުޅަކާ މެދު ފިޔަވަޅު އެޅިފައިނުވާ ކަމަށާއި، ކުރިއަށް ގެންދާ ތަހުގީގަށް ވާނުވާ ނޭނގޭ ކަމަށެވެ. އަދި އާއްމު ރައްޔިތުންގެ ފާޑުކިޔުންތައް އަމާޒުވުމުން ކުންފުނިތަކުން އެފަދަ ބޭފުޅުން ދުރުކުރި ނަމަވެސް އެކަން ރައްޔިތުން ބަލައި ނުގަންނާނެ ކަމަށާއި، އެވަރުން ނުފުދޭ ކަމަށް މެންބަރު ޒިޔާދު ވިދާޅުވިއެވެ.
ސަރުކާރުގެ އެމްޑީއެކޭ އަދި ތަޑިދޮންވެފައި ހުއްޓަސް އެ މެންބަރަށް އެބަޖެހޭ ބަލަން. އެ އެމްޑީ ބަހައްޓަންޖެހޭ. ކޮންމެވެސް މެންބަރުންތަކެއް ނުކުންނާނެ އެމްޑީގެ ދިފާއުގައި. އެހެންނަމަވެސް މިއީ މިއަދު މިހެން އޮތީމަ. އަޅުގަނޑުމެންނަށް ފެނުނު ސަރުކާރު ވަރަށް ބޮޑެތި ވެރިންނާ އެކިއެކި ތަންތަނުގެ ކުންފުނިތަކުގެ ވެރިން ބަދަލުވެގެން ދިޔަ ތަން. ހަމަ ބޮޑެތި ތުހުމަތުތަކެއް ކުރެވުނު. އެ ތުހުމަތުތައް ނުބެލި މިއަދާ ހަމައަށް އޮތުމަކީ ރައްޔިތުންގެ އިތުބާރު ގެއްލޭ ކަމެއް. އިއްޒަތްތެރި ރައީސް ބަލަން އެބަޖެހޭ. ތުހުމަތުކުރެވެނީ ވައްކަމަކަށް ވެއްޖެއްޔާ އަދި ވަޒީރު ނުވަތަ އެމްޑީ ބަދަލުކޮށްލާގެން ނުފުދޭ. އެ ތަހުގީގެއް ދާންޖެހޭ. ދާދިފަހުން ވިދާޅުވީ އެޗްޑީސީގެ އެމްޑީ ބަދަލުކުރީމަ ނަތީޖާ އެބަ ފެނޭ. ފަހަރުގައި ވެދާނެ ރައީސުލްޖުމްހޫރިއްޔާ ބަދަލުވީމަ އޭގެ ނަތީޖާތަކެއް ފެންނާނެ ކަމަށް.
ރައްޔިތުން މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު
ބޮޑެތި ތުހުމަތުތަކާއެކު ކުންފުނިތަކުގެ ވެރިން މަގާމުން ދުރުކުރި ނަމަވެސް އެ މައްސަލަތައް މިއަދާ ހަމައަށް ނުބެލި އޮތުމަކީ ބަލައިގަނެވޭނެ ކަމެއް ނޫން ކަމަށް މެންބަރު ޒިޔާދު ވިދާޅުވެފައިވާއިރު، 15 މެއި 2025 ގައި ޕީޕަލްސް ނެޝަނަލް ކޮންގްރެސް (ޕީއެންސީ)ން ބޭއްވި ޖަލްސާގެ ކުރީ ސަފުން ވަނީ ފެނިގެން ގޮސްފައެވެ.
މީގެ ކުރިން ކޮރަޕްޝަންގެ ތުހުމަތު ކުރެވިގެން މަގާމުން އިސްތިއުފާ ދެއްވި އެޗްޑީސީގެ ކުރީގެ އެމްޑީ ފަޒުލް ރަޝީދު އާއި ފެނަކާގެ ކުރީގެ އެމްޑީ މުއާޒް މުހައްމަދު ރަޝީދު އާއި ފިއުލް ސަޕްލައި މޯލްޑިވްސް (އެފްއެސްއެމް) ކުރީގެ އެމްޑީ އިސްމާއިލް ސުހައިލްގެ އިތުރުން ތުހުމަތުތަކާ ގުޅިގެން މަގާމުން ވަކިކުރި އެމްޕީއެލްގެ ކުރީގެ އެމްޑީ މުހައްމަދު ވަޖީހު އިބްރާހިމް އަދި ކޮރަޕްޝަންގެ ތުހުމަތު ކުރެވިފައިވާ އަބްދުﷲ މުހައްމަދު ވަނީ ޕީއެންސީއާ ރަސްމީކޮށް ގުޅިވަޑައިގެން ރައީސް ޑރ.މުހައްމަދު މުއިއްޒުއަށް ބޯލަނބައި ކިޔަމަން ވާން އެއްބަސްވެ، އިގުރާރުވެވަޑައިގެންފައެވެ.
މިއިން އެއްވެސް ބޭފުޅެއްގެ މައްސަލައެއްގެ ތަހުގީގެއް ކުރިއަށް ނުގެންދެއެވެ.
- ކޮމެންޓް
- އިތުރަށް ކިޔާލަން
ނޮން ރެސިޑެންޓް ސަފީރުން އައްޔަން ކުރުމުގެ މައްސަލަ ކޮމެޓީ އަށް
ކަރަންޓު ކެނޑުނު މައްސަލަ އާއްމު ރައްޔިތުންނަށް ގަބޫލުކުރެވޭ ގޮތަށް ތަހުގީގު ކުރިއަށް ގެންދިއުމަށް މެންބަރު މީކާއިލް ގޮވާލައްވައިފި
މާލެ، ހުޅުމާލެއިން ކަރަންޓު ކެނޑުމާ ގުޅިގެން ހުށަހެޅި ކުއްލި މައްސަލަ ބޭރުކޮށްލައިފި
މަޖިލީހުގެ ދެ ވަނަ ދައުރު ހޯމަ ދުވަހު ފަށަނީ، ސުޕްރީމް ކޯޓު ފަނޑިޔާރުން އައްޔަން ކުރުން އެޖެންޑާގައި
