ރައީސް މުއިއްޒު ދަނީ ރައްޔިތުންގެ ކަރާމާތް ނަގާލަމުން. އެމަނިކުފާނު ވެރިމުގައި ބަހައްޓަން ހެޔޮނުވާނެ: ދީދީ
ރައީސް މުއިއްޒު ރާއްޖޭގެ ވެރިމުގައި ހުންނަވައިގެން އެގެންދަވަނީ ބޮޑެތި ބުހުތާން ދޮގުތަކެއް ހައްދަވައިގެން ރައްޔިތުންނަށް އޮޅުވާލަމުން
ޑރ. ދީދީ އެމްޑީޕީގެ ހަރުގެ ޖަލްސާގައި ވާހަކަދައްކަވަނީ: ރައީސް މުއިއްޒު އިތުރަށް ވެރިކަމުގައި ބަހައްޓައިފި ނަމަ ރައްޔިތުންނަށް ކަންކަ ހައްލުނުކުރެވޭނޭ ކަމަށް ވިދާޅުވި
މިހާރު ވެރިކަމުގައި ހުންނެވި ރައީސް ޑރ. މުހައްމަދު މުއިއްޒު ގެންދަވަނީ މި ގައުމުގެ ރައްޔިތުންގެ ކަރާމާތް ނަގާލަމުން ކަމަށާއި އެމަނިކުފާނު ދެން އިތުރަށް މި ގައުމުގެ ވެރިކަމުގައި ބަހައްޓަން ހެޔޮނުވާނެ ކަމަށް އެމްޑީޕީގެ ކުރީގެ ރައީސް ޑރ. އިބްރާހިމް ދީދީ ވިދާޅުވެއްޖެ އެވެ.
ޑރ. އިބުރާހީމް ދީދީ މިފަދައިން ވިދާޅުވެފައި ވަނީ ބުރާސްފަތި ދުވަހުގެރޭ އޮތް އެމްޑީޕީ ހަރުގެ ޖަލްސާގައި ވާހަކަދައްކަވަމުންނެވެ.
ދީދީ ވިދާޅުވީ މި އަހަރުގެ އޭޕްރީލް މަހުގެ 15 އާއި ހަމައަށް ބޭސް ނުލިބޭ މައްސަލަ ހައްލުވާނެ ކަމަށް ރައީސް މުއިއްޒު ވިދާޅުވެފައިވާ ކަމަށާއި އެހެން ނަމަވެސް އެކަން ވެސް އަދިވެސް ހައްލު ނުވާކަމަށެވެ. އަދި ރައީސް ޞާލިހުގެ ސަރުކާރުންތައާރަފު ކުރި ހިލޭ ޑްރީއަށް ކިޔެވުމުގެ ސިސާތު ޕްރޮގްރާމް ވެސް މި ސަރުކާރުގެ ހަރަދުތައް ކުޑަކުރުމުގެ ސިޔާސަތުގެ ދަށުން ހުއްޓާލުމަށް ނިންމާފައިވާ ކަމަށް ވެސް އޭނާ ވަނީ ވިދާޅުވެފަ އެވެ.
އަދި މީގެ އިތުރުން ދުވަސްކޮޅަކުން ރާއްޖޭގެ ރައްޔިތުންނަށް ލިބެމުން އަންނަ އާސަންދަވެސް ހުއްޓާލާތަން ފެނިގެން ދާނެ ކަމަށް ވެސް އޭނާ ވިދާޅުވި އެވެ.
ރައީސް މުއިއްޒުގެ މިފަދަ ސިޔާސަތުތަކަށް ވަރަށް ބޮޑަށް ފާޑުވިދާޅުވަމުން، ދީދީ ވިދާޅުވީ ރައީސް މުއިއްޒު ރާއްޖޭގެ ވެރިމުގައި ހުންނަވައިގެން އެގެންދަވަނީ ބޮޑެތި ބުހުތާން ދޮގުތަކެއް ހައްދަވައިގެން ރައްޔިތުންނަށް އޮޅުވާލަމުން ކަމުގައެވެ.
ދީދީ ވިދާޅުވީ ރައީސް މުއިއްޒުގެ ވެރިކަމުގައި އަދިވެސް ބާކީ ތިންވަރަކަށް އަހަރު އޮތްއިރު، އެ ތިން އަހަރުގައި ވެސް ރައީސް މުއިއްޒު ވެރިކަމުގައި ހައްޓައިގެން ރައްޔިތުންނަށް ވާނީ ގެއްލުންކަމަށާއި ދެން އިތުރަށް މުއިއްޒު ވެރިކަމުގައި ބަހައްޓައިގެން ރައްޔިތުންނަށް އެއްވެސް ކަމެއްގައި ހައްލެއް ލިބިދާނެ ކަމަށް ގަބޫލު ނުކުރައްވާކަމަށެވެ.
ކަންމިހެން އޮތްއިރު، މިއަދު ރައްޔިތުން މިފަދަކަންކަމާއި އަޅާނުލާ މަޑުން ތިބެއްޖެ ނަމަވެސް މިހާރަށް ވުރެވެސް ކަންކަން ގޯސްވެދާނޭ ކަމަށާއި އޭގެ ކުރިން ރައީސް މުއިއްޒުގެ ކިބައިނ މިގައުމުގެ ސަލާމަތް ކުރަން ޖެހޭ ކަމަށް ދީދީ ވިދާޅުވި އެވެ.
ދެން ޑރ. މުޙައްމަދު މުއިއްޒު ވިދާޅުވަނީ އަޅުގަނޑުމެން މަގުމައްޗަށް ނުކުމެ، ފުލުހުން ކިތަންމެވަަރަކަސް ބަޔާން ނެރެފަ ހުރަސްތަކެއް އެޅިޔަސް އަޅުގަނޑުމެންނަށް މަގުމައްޗަށް ނުކުމެ އިހުތިޖާޖުވެސް ކުރެވޭނޭ ކަމަށް. އެކަމަކު ހަމަ އަޅުގަނޑުމެން މުގުމައްޗަށް ނުކުންނައިރަށް ދެއިރުދެދަޅައަށް ފުލުހަށް އެބަހާޒިރުކުރޭ. ނުވިތާކަށް އަދި ހާޒިރުކޮށްފަ ދައުވާވެސް އެބަކުރޭ.އެމްޑީޕީގެ ކުރީގެ ރައީސް ޑރ. އިބްރާހިމް ދީދީ
ދީދީ ވިދާޅުވީ އެމްޑީޕީގެ ސީނިއަރ މަގާމެއްގައި ހުންނަވާ މަރިޔަމް ޒުބެއިރު (މަންދީ) އާއި އެމްޑީޕީގެ ގައުމީ މަޖިލީހުގައި ހިމެނިވަޑައިގަންނަވާ މާޒް ސަލީމު ކްރިމިނަލް ކޯޓުގެ އަމުރު ނުލިބުނު ނަމަވެސް ބަރަހަނާކޮށް ފޮޓޯ ނެގިކަން އެއީ ފެންނަން އޮތް ހަގީގަތެއް ކަމަށެވެ.
ކަންމިހެން ހުރިއިރު، މިއަދުގެ ރައީ ޑރ. މުޙައްމަދު މުއިއްޒަކީ ރައްޔިތުންގެ ކަރާމާތްވެސް ނަގާލައި ރައްޔިތުންގެ ކަރާމަތަށް އަރައިގަންނަމުން ގެންދާ ވެރިއެއް ކަމަށް ދީދީ ވިދާޅުވި އެވެ. އަދި މިފަދަ ވެރިއަކު މި ގައުމުގެ ވެރިކަމުގައި ބެހެއްޓުމަކީ ހެޔޮވާވަރުގެ ކަމެއް ނޫން ކަމަށް ވެސް ދީދީ ވިދާޅުވި އެވެ.
ދީދީ އިތުރަށް ވިދާޅުވީ ބާކީ މިއޮތް ތިން އަހަރުގައި ވެސް ރައީސް މުއިއްޒު ވެރިމުގައި ބަހައްޓައިގެން ގައުުގެ ރައްޔިތުންނަށް އެއްވެސް ކަމެއް ރަނގަޅަށް ކޮށް ނުދެވޭނޭ ކަމަށް ވެސް ދީދީ ވިދާޅުވި އެވެ.
