ހިރިނައިދޫ އަކީ އެ އަތޮޅު ނެއްލައިދޫގެ ބައެއް ކަމަށް ކަނޑައަޅައިފި
ނެއްލައިދޫ ރައްޔިތުންނަށް އިގްތިސާދީ ނަފާ އެރަށުން ހޯދޭނެ
ހިރިނައިދޫ އަކީ އެ އަތޮޅު ނެއްލައިދޫގެ ބައެއް ކަމަށް ކަނޑައެޅުން
ނެއްލައިދޫ ރައްޔިތުންނަށް އިގްތިސާދީ ނަފާ ހޯދޭނެ މަގުފަހިކުރުމަށް ތިލަދުންމަތީ ދެކުނުބުރީ "ހިރިނައިދޫ" އަކީ އެ އަތޮޅު "ނެއްލައިދޫ" ގެ ބައެއް ކަމަށް ކަނޑައަޅައިފިއެވެ.
ނެއްލައިދޫގެ ބަޔެއްގެ ގޮތުގައި ހިރިނައިދޫ ކަނޑައެޅުއްވީ ރައީސް ޑރ. މުހައްމަދު މުއިއްޒު ނެރުއްވި ގަރާރަކުންނެވެ.
އެގަރާރުގައި ތިލަދުންމަތީ ދެކުނުބުރީ ހިރިނައިދޫގެ ނަން ދިވެހިބަހުންނާއި އިނގިރޭސިބަހުން ލިޔަންވީ ގޮތާއި، ދިވެހިރާއްޖޭގައި މީހުން ދިރިއުޅޭ ރަށްތައް ކަނޑައެޅުމަށް އެކަށައަޅައިފައިވާ ރައީސުލްޖުމްހޫރިއްޔާގެ ގާރާރު ނަންބަރު 2/2025 (ދިވެހިރާއްޖޭގައި މީހުން ދިރިއުޅޭ ރަށްތައް ކަނޑައެޅުން) ގެ ޖަދުވަލުގައި ހިމަނައިފައިވާ ދިވެހިރާއްޖޭގައި މީހުން ދިރިއުޅޭ ރަށްތަކުގެ ލިސްޓަށް ތިލަދުންމަތީ ދެކުނުބުރީ ހިރިނައިދޫ އެ އަތޮޅުގެ ނެއްލައިދޫގެ ބައެއްގެ ގޮތުގައި ވަނީ އިތުރުކޮށްފައެވެ.
ނެއްލައިދޫ ރައްޔިތުންނަށް އިގްތިސާދީ ނަފާ ހޯދޭނެ ރަށެއްގެ ގޮތުގައި ކައިރީގައިވާ ހިރިނައިދޫ ހަމަޖައްސަވައި ދެއްވާނެކަން ރައީސް މުއިއްޒު އިއުލާން ކުރެއްވީ 25 ފެބުރުވަރީ 2024ން 27 ފެބުރުވަރީ 2024ށް އެމަނިކުފާނު ހދ. އަތޮޅަށް ކުރެއްވި ދަތުރުފުޅުގައި ހދ. ނެއްލައިދޫއަށް ވަޑައިގެން ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައެވެ.
ހިރިނައިދޫއަކީ ހަތް ހެކްޓަރުގެ ރަށެކެވެ.
