އޮޅުވާލައިގެން މީހުން ވެއްދި ފޯމްތައް ހިމެނޭހެން ޕީއެންސީގެ މެންބަރުންގެ އަދަދު 68،000 ގައި
ޕީޕަލްސް ނެޝަނަލް ކޮންގްރެސް (ޕިއެންސީ) ގައި ތިބީ 68,665
ކޮންމެ 6 މަހަކުން އިލެކްޝަންސް ކޮމިޝަނުން އާންމުކުރާ ސިޔާސީ ޕާޓީތަކުގެ މެންބަރުންގެ އަދަދު ވަނީ ހާމަކޮށްފައި
ޕީއެންސީއަކީ އެންމެ ބޮޑު ސިޔާސީ ޕާޓިއަށް ހެދުމަށް ރައީސް ޑރ. މުހައްމަދު މުއިއްޒު އަންގަވައިގެން މީހުންނަށް އެންގުމެއްނެތި ޕީއެންސީއިން ފުރި ވަގު ފޯމްތަކާއެކު އެ ޕާޓީގެ މެންބަރުންގެ އަދަދު 68،000 އަށް ވުރެ އިތުރުވެއްޖެއެވެ.
އިލެލްކްޝަންސް ކޮމިޝަނުން ޤާނޫނު ނަންބަރު 2013/4 (ސިޔާސީ ޕާޓީގެ ޤާނޫނު) ގެ 28 ވަނަ މާއްދާގެ (ށ) ގައިވާ ގޮތުގެ މަތީން، ކޮންމެ 6 މަހަކުން ސިޔާސީ ޕާޓީތަކުގެ މެންބަރުންގެ ޢަދަދު ހާމަކޮށްފައިވާއިރު، 9 ޕާޓީއެއްގެ މައުލޫމާތު ވަނީ ހާމަކޮށްފައެވެ.
ސިޔާސީ ޕާޓީތަކުގެ މެންބަރުންގެ ޢަދަދު
- ޕީޕަލްސް ނެޝަނަލް ކޮންގްރެސް (ޕިއެންސީ) - 68,665
- ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) - 43,765
- ޖުމްހޫރީ ޕާޓީ (ޖޭޕީ) - 13,456
- މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) - 9,011
- ޢަދާލަތު ޕާޓީ (އޭޕީ) - 8,844
- މޯލްޑިވްސް ނެޝަނަލް ޕާޓީ (އެމްއެންޕީ) - 5,836
- ދަ ޑިމޮކްރެޓްސް - 3,547
- ޕީޕަލްސް ނޭޝަނަލް ފްރަންޓް (ޕިއެންއެފް) - 3,046
ވެރިކަމަށް އައިސް ސަރުކާރުން ނުފޫޒު ފޯރުވައިގެން ޕީއެންސީއަށް ގިނަ އަދަދެއްގެ މެންބަރުން ވައްދާފައިވާއިރު، ބައެއް ފަރާތްތަކަށް ނޭނގި ޒާތީ މައުލޫމާތު ބޭނުންކޮށްގެން ވަގަށް ވައްދާފައިވާ މައްސަލަ ވަނީ ފެންމަތިވެފައެވެ.
ޑީއެންއާރުގެ ޑޭޓާ ބޭސްއިން މައުލޫމާތު ލީކުވި މައްސަލަ ފުލުހުން ތަހުގީގު ކުރިއަށް ނުގެންދިއުމަށް ނިންމާފައިވެއެވެ. މީގެ އިތުރުން އެމްޑީޕީއިން ވެސް މި މައްސަލަ ހުށަހެޅިނަމަވެސް މިހާތަނަށް މި މައްސަލަ ބަލާފައި ނުވެއެވެ.
