ރަޝިޔާއަށް ޔޫރަޕްގެ ފުޓްބޯޅައަށް އާދެވޭނީ ހަނގުރާމަ ހުއްޓާލުމުން ކަމަށް ޔޫއެފާއިން ބުނެފި
4 އެޕްރީލު 2025 | ހުކުރު 10:50ރަޝިއާފެ ފުޓުބޯޅަ އާއި ބެހޭގޮތުން ކެފަރިން ބުނެފައިވަނީ ރަޝިޔާގެ ސަސްޕެންޝަން އުވާލުމާއިމެދު ޔޫއެފާއިން ނުވިސްނާ ކަމަށާއި އެކަމާއި ގުޅޭގޮތުން ވިސްނާނީ ވެސް ޔުކްރޭނާއި ދެކޮޅަށް އެގައުމުން ކުރަމުން އަންނަ ހަނގުރާމަ ނިމުމުން ކަމަށް
ޔުކްރޭނާއި ދެކޮޅަށް ކުރާ ހަގނުރާމަ ހުއްޓާލުމުން ނޫނީ ރަޝިއާގެ ފުޓުބޯޅައާއި މެދު ނުވިސްނާނޭ ކަމަށް ޔޫއެފާގެ ރައީސް އެލެކްސަންޑަރ ކެފެރިން ވަނީ ބުނެފަ
ސަސްޕެންޑް ކޮށްފައިވާ ރަޝިޔާގެ ފުޓްބޯޅަ ފެޑަރޭޝަނަށް އަލުން އަނބުރާ ޔޫރަޕްގެ ފުޓްބޯޅައަށް އާދެވޭނީ މިހާރު ކުރިއަށްދާ ހަނގުރާމަ ހުއްޓާލުމުން ކަމުގައި ޔޫއެފާގެ ރައީސް އެލެކްޒެންޑަރ ކެފަރިން ބުނެފި އެވެ.
ޔޫއެފާގެ ރައީސް އެލެކްޒެންޑަރ ކެފަރިން މިފަދައިން ބުނެފައި ވަނީ ސާބިއާގެ ބެލްގްރޭޑްގައި ބުރާސްފަތި ދުވަހު ބޭއްވި ޔޫއެފާގެ އަހަރީ އާންމު ބައްދަލުވުމުގައި ވާހަކަ ދައްކަމުން ނެވެ.
ރަޝިއާފެ ފުޓުބޯޅަ އާއި ބެހޭގޮތުން މި ބައްދަލުވުމުގައި ކެފަރިން ބުނެފައިވަނީ ރަޝިޔާގެ ސަސްޕެންޝަން އުވާލުމާއިމެދު ޔޫެއފާއިން ނުވިސްނާ ކަމަށާއި އެކަމާއި ގުޅޭގޮތުން ވިސްނާނީ ވެސް ޔުކްރޭނާއި ދެކޮޅަށް އެގައުމުން ކުރަމުން އަންނަ ހަނގުރާމަ ނިމުމުން ކަމަށެވެ.
އޭނާ ބުނީ އެންމެ ފުރަތަމަ ރަޝިޔާ ސަސްޕެންޑް ކޮށްފައިވާނީ ފީފާ އާއިއެކު ކުރެވުނު މަޝްވަރާތަކަށްފަހު ކަމަށާއި އަދި އެ ނިންމުން ބަދަލުކުރާނީވެސް އެފަރާތާއި މަޝްވަރާ ކުރުމަށްފަހުގައި ކަމަށެވެ. އަދި އެކަމާއި މަޝްވަރާ ކުރާނީ ރަޝިޔާއިން މިހާރު ކުރަމުންދާ ހަނގުރާމަ ނިމުމުން ކަމަށް ކެފަރިން ބުންޏެވެ.
ރަޝިޔާ އާއި އިޒްރޭލާއި ދެމެދު ތަފާތެއް އޮތް ކަމަށް ގަބޫލުކުރަންތޯ ނޫސްވެރިއަކު ކުރި ސުވާލެއްގެ ޖަވާބުގައި ކެފަރިން ބުނެފައިވަނީ އެ ދެ ގައުމުގެ ދެމެދުގައި އޮތް ފުޓްބޯޅައިގެ ތަފާތު ރޭންކިންއިން ފެނިގެންދާ ކަމަށާއި ނަމަވެސް ސިޔާސީ ގޮތުން ދެ ގައުމާއި ގުޅޭ ގޮތުން ސުވާލު ނުކުރުމަށްވަނީ އޭނާ ވަނީ އެދިފައެވެ.
ރަޝިޔާއަށް ޔޫރަޕްގެ އެއްވެސް ފުޓުބޯޅަ މުބާރާތެއްގައި ވާދަކުރުމުގެ ފުރުސަތު ނުލިބޭ ގޮތަށް އެގައުމުގެ ގައުމީ ޓީމާއި ކްލަބްތައް ސަސްޕެންޑްކޮށްފައި ވަނީ 2022 ވަނަ އަހަރު އެގައުމުން ޔުކްރޭން އާއި ދެކޮޅަށް ހަނގުރާމަ ފެށުމުންނެވެ.
ރަޝިޔާއިންއެންމެ ފަހުން ވޯލްޑް ކަޕެއްގައި ކުޅެފައި ވަނީ 2018 ވަނަ އަހަރު އަމިއްލަ ގައުމުގައި ބޭއްވި މުބާރާތުގަ އެވެ.
