އިސްރާއީލުން ޣައްޒާގައި ކްލިނިކެއްގައި ބޮން ގޮއްވާލާ، ގާތްގަނޑަކަށް 80 މީހުން މަރާލައިފި

އިސްރާއީލުން ޣައްޒާއަށް ދިން ހަމަލާތަކުގައި ފަލަސްތީނުގެ ގާތްގަނޑަކަށް 80 މީހުން މަރާލައި، އދ.ގެ ކްލިނިކަށް ބޮން ގޮއްވާލައިފި އެވެ.

މިހަމަލާ ދީފައިވަނީ ޣައްޒާގައި 15 ޕެރެމެޑިކްސް މީހުން ތިބި ޖަމާއަތުގެ ބައެއްގެ މަރުވެފައިވާ ހަށިގަނޑު ފެނުނު ކަމަށް އދ އިން ރިޕޯޓް ކުރިތާ އެންމެ ދެ ދުވަސް ފަހުންނެވެ.

އެ ޖަމާއަތަކީ ޣައްޒާގެ ސިވިލް ޑިފެންސް އެޖެންސީ ޔޫއެންއާރުޑަބްލިއުއޭ އާއި ފަލަސްތީނުގެ ރެޑް ކްރެސެންޓް ސޮސައިޓީ (ޕީއާރުސީއެސް) ގެ މަސައްކަތްތެރިންނެވެ. ގަބުރު ފެންނަންދެން އެ މަސައްކަތްތެރިން ގެއްލިގެން އުޅޭތާ ދުވަސްތަކެއް ވެއްޖެ ކަމަށް ރިޕޯޓްތައް ބުނެއެވެ. އަދި ޕީއާރުސީއެސްގެ އެއް މެޑިކަލް މީހުން އަދިވެސް ގެއްލިފައިވާ ކަމަށް އެ ގްރޫޕުން ބުނެ އެވެ.

މީޑިއާ ރިޕޯޓްތަކުން އެނގޭ ގޮތުން އިސްރޭލް ސިފައިން ބުދަ ދުވަހު ޣައްޒާގައި ގެދޮރު ގެއްލިފައިވާ ފަލަސްތީނުގެ މީހުންގެ ހިޔާއެއްގެ ގޮތުގައި ހިދުމަތްދޭ އދ.ގެ ކްލިނިކަކަށް އިސްރާއިލުން ހަމަލާ ދިނުމުން އެތައް ހާސް ބަޔަކަށް ވަނީ އަނިޔާވެފަ އެވެ. ހަމަލާދީފައި ވަނީ ޖަބަލިއާ ރެފިއުޖީ ކޭމްޕްގައި ހުންނަ އދ. ކްލިނިކަށެވެ.

ޣައްޒާ ސަރުކާރުގެ މީޑިއާ އޮފީހުން ބުނާ ގޮތުގައި މި ހަމަލާފައި މަދުވެގެން ނުވަ ކުއްޖަކު މަރުވެފައި ވާއިރު، އޭގެ ތެރޭގައި 1 ހަފްތާގެ ތުއްތު ކުއްޖަކު ވެސް ހިމެނެ އެވެ. މި ޤަތުލުއާންމުގެ ފޫޓޭޖްތަކުން މީގެ ހަފްތާ އެއްހާ ދުވަސް ކުރިން އުފަންވި ކުއްޖެއްގެ ފުރާނަ ނެތް ހަށިގަނޑު ހިފައިގެން އާއްމު މީހަކު ހުރި މަންޒަރު ފެނެއެވެ. އަދި އެ ހަމަލާ އަށް ފަހު އެ ތަނުގައި އަލިފާން ރޯވެފައިވާ މަންޒަރު ފެނެއެވެ.

"އަހަރެންގެ އާއިލާއާ އެކު އިށީނދެގެން އިންއިރު ކުއްލިއަކަށް މިސައިލެއް އަމާޒުކޮށްލީ. މުޅިތަނުގައި ދޮންވެލިގަނޑު ހުއްޓެވެ. ޝަހީދުން އަނދާ ހުލިވެއްޖެ. އަހަރެމެންނަށް ފެނުނީ އިންސާނުންގެ މަސް. އަހަރެމެންނަށް ފެނުނީ އިންސާނުންގެ ކަށިތައް،" މަންޒަރު ދުށް މީހަކު އަލްޖަޒީރާއަށް ކިޔައިދިނެވެ.

ފަލަސްތީނުގެ ރައްޔިތުން އޮންލައިންކޮށް އާންމުކުރި އެހެން ވީޑިއޯ ފޫޓޭޖްތަކުން ފެންނަ ގޮތުގައި ޒުވާން އަންހެން ކުއްޖަކު ހާސްވެފައި ހުރެ އެ ހަމަލާގައި މަރުވެފައިވާ އޭނާގެ ބައްޕަ އާއި މެދު ހިތާމަ ކުރަމުންދާ މަންޒަރު ވެސް ފެނެ އެވެ. އަދި މި ހަމަލާ އަކީ އަނިޔާވެރި އަމަލެއް ކަމަށް އާއްމުން ދަނީ ބުނަމުންނެވެ.

"މައުސޫމް އަންހެނުންނާއި ކުޑަކުދިން މަރާލި. ވަކި ބޮލާއި ހަށިގަނޑުގެ އެކި ގުނަވަންތައް ހުރިހާ ތަނެއްގައި ވެސް ހުއްޓެވެ. އެއީ ލަޖިކް އަށް ވުރެ މާ ބޮޑަށް އަދި ޚިޔާލަށް ވެސް ބޭރު ކަމެއް." މަންޒަރު ދުށް އިތުރު މީހަކު މީޑިއާ އަށް ކިޔާދިނެވެ.

މީޑިއާތަކުން ބުނާ ގޮތުގައި އިސްރާއީލު ސިފައިން ވަނީ ނަސްލު ނައްތާލުމުގެ އަމަލުތަކުގެ ތެރެއިން ފަލަސްތީނުގެ އާންމުންނަށް ހާއްސަކޮށްގެން މަދުވެގެން 228 ހިޔާއެއްގައި ހަމަލާދީފައެވެ. އަދި ގެދޮރު ގެއްލިފައިވާ ފަލަސްތީނުގެ މީހުންނަށް ނިޒާމީ ގޮތެއްގައި މި ހަމަލާތައް އަމާޒުކުރާ ކަމަށް މީޑީއާ ރިޕޯޓްތައް ބުނެއެވެ.

އިސްރާއީލުގެ ސިފައިން ވަނީ 2023 ވަނަ އަހަރުގެ އޮކްޓޯބަރު މަހުގެ ހަތް ވަނަ ދުވަހުން ފެށިގެން ޔޫއެންއާރުޑަބްލިއުއޭގެ ފެސިލިޓީތަކާއި މުވައްޒަފުންނަށް ތަކުރާރުކޮށް ހަމަލާތައް އަމާޒުކޮށްފައެވެ. އަދި ޔޫއެންއާރުޑަބްލިއުއޭގެ 284 މަސައްކަތްތެރިން މަރުވެ، ގާތްގަނޑަކަށް 650 ފަހަރު ޔޫއެންއާރުޑަބްލިއުއޭގެ އިމާރާތްތަކަށް ގެއްލުންދީ، ހަމަލާ ދީފައިވެ އެވެ.