މުދާ އުފުލާ ބޯޓެއްގައި އަލީފާން ރޯވެ، އަނދަނީ
ހޮޅުދޫ ބޯޓު ކިޔާ މުދާ އުފުލާ ބޯޓެއްގައި އަލިފާން ރޯވެގެން ކައްދޫ ފަޔާ ސްޓޭޝަނުން އަންނަނީ ހަރަކާތްތެރިވަމުން
ހޮޅުދޫ ބޯޓުގައި އަލިފާން ރޯވެފައި: އެމްއެންޑީއެފުން ވަނީ އަލިފާން ނިއްވަން މަސައްކަތް ކުރަމުން ދާ ކަމަށް ބުނެފައި
ހޮޅުދޫ ބޯޓުގައި އަލިފާން ރޯވެ އަނދަމުންދާ ކަން އެމްއެންޑީއެފް އިން ހާމަކޮށްފި އެވެ.
އެމްއެންޑީއެފުން މީޑިއާތަކާ ހިއްސާކުރި މެސެޖެއްގައި ބުނީ، ހޮޅުދޫ ބޯޓު ކިޔާ މުދާ އުފުލާ ބޯޓެއްގައި އަލިފާން ރޯވެގެން ކައްދޫ ފަޔާ ސްޓޭޝަނުން ހަރަކާތްތެރިވަމުން އަންނަ ކަމަށެވެ.
އެމްއެންޑީއެފް އިން ހިއްސާކުރި ވީޑިއޯއިން ފެންނަނީ މުޅި ބޯޓުގައި އަލިފާން ރޯވެގެން އުޅޭ މަންޒަރެވެ.
ބޯޓު އޮތް ސަރަހައްދެއް ސިފައިންނެއް އަދި ހާމައެއް ނުކުރެ އެވެ.
މައުލޫމާތު ލިބިފައިވާ ގޮތުން މި ބޯޓު ދަތުރުކުރަމުން ގެންދަނީ ލ. އޮތޮޅުގައެވެ. އަދި މި ބޯޓަކީ އެ އަތޮޅު މާވަށު ބޯޓެކެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި މި ބޯޓު ގައި އަލިފާން ރޯވެފައި ވަނީ މާލެ ދަތުރުކުރަމުން ދަނިކޮށެވެ. އަދި މި ބޯޓުގައި 11 ދިވެހިން ނާއި 7 ބިދޭސީން ތިބިކަމަށް ވަނީ މައުލޫމާތު ލިބިފައެވެ.
ލ މާވަށުގައި ދުއްވާ “ހޮޅުދޫ ބޯޓު”ގައި ރޯވީ ހިރިލަންދޫއިން ފުރައިގެން މާލެ ދަނިކޮށް ތ. ކަނޑޫދޫ ކައިރިން ކަމަށް ވަނީ މައުލޫމާތު ލިބިފައެވެ.
މި ހާދިސާގައި އަނިޔާވި 2 މީހަކަށް ތ.ކަނޑޫދޫ މަރުކަޒުގައި މިހާރު ފަރުވާދެމުން ދާ ކަމަށާއި އަދި އެއް ދިވެއްސަކު ގެއްލިގެން ހޯދައި ނުފެނިފައިވާ ކަމުގެ މައުލޫމާވެސް ވަނީ ލިބިފައި އެވެ. ގެއްލިގެން ހޯދަމުން ދަނީ އެ ބޯޓުގައި ދަތުރުކުރި ދިވެއްސެއް ކަމަށް ވެސް ވަނީ މައުލޫމާތު ލިބިފައެވެ.
އެހެން ނަމަވެސް މީގެ އެއްވެސް މައުލޫމާތެއް ކަމާއިގުޅޭ ފަރާތްތަކުން އަދި ހާމަކޮށް، ކަށަވަރުކޮށްދީފައެއް ނުވެއެވެ.
