ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުގެ ޢަމަލުތައް ހުރި ގޮތުން އެކަމާއި ދެކޮޅަށް އަޑު އުފުލުމަށް އިދިކޮޅު މޯލްޑިވިއަން ޑިމޮކްރެޓިކް ޕާޓީ، އެމްޑީޕީން ސިލްސިލާ މުޒާހަރާތަކެއް ކޮށް 19 މާރޗް ވަނަ ދުވަހު މުޒާހަރާތައް މެދުކަނޑާލީ، 14 ރޭ މެދު ނުކެނޑި ކުރި ފޯރިގަދަ މުޒާހަރާތަކަށް ފަހުގައެވެ.

2025 މާރިޗު 7 ވަނަ ދުވަހުން ފެށިގެން މޯލްޑިވިއަން ޑިމޮކްރަޓިކް ޕާޓީގެ (އެމް.ޑީ.ޕީ) ފަރާތުން މާލޭގައި ކުރިއަށް ގެންދާ ސިލްސިލާ މުޒާހަރާތައް ވެގެން ދިޔައީ ސަރުކާރު ކައްކުވާލި މުޒަހަރާތަކަށެވެ. އެ ހިސާބުން ފުލުހުން މެދުވެރިކޮށް ހާލަތާއި ނުބައްދަލު މިންވަރަށް ބާރުގެ ބޭނުންކޮށް، ޕެޕަރ ސްޕްރޭ ޖެހުން ފަދަ އެތައް ކަމެއް މި މުޒާހަރާތަކުން ފެނުނެވެ.

އެމްޑީޕީން މުޒާހަރާއަށް ނުކުމެފައިވަނީ ސަރުކާރުން ރައްޔިތުން ބިކަކުރަމުންދާތީ އެކަމާއި ދެކޮޅަށް އަޑު އުފުލުމަށެވެ. ރައްޔިތުން ނުރުހުން ފާޅުކުރަމުން ދިޔައީ އަސާސީ ހައްގުތަކުން މަހުރޫމް ކުރަމުންދާ ކަމަށް ބުނެއެވެ. މީގެ އިތުރުން ސަރުކާރުގެ ތެރޭގައި ކޮރަޕްޝަން އިތުރުވެ، ރައްޔިތުންނަށް އަނިޔާވެރިވަމުންދާ ކަމަށް އެކި ސިނާއާތްތަކުގައި މަސައްކަތްކުރަމުންދާ އާއްމުން އައީ ބުނަމުންނެވެ.

ގޯތިތަކުގެ މައްސަލަ އާއި ޓެކްސީ ޑްރައިވަރުންގެ ވާހަކަ އާއި ވިޔަފާރިވެރިންގެ ވާހަކައިން ވެސް ފެނުނީ އުދާސްކަމެވެ. މަޖިލިސް މެމްބަރުންނާއި ކުރީގެ މެމްބަރުންގެ ވާހަކަތަކުން ވެސް އިވުނީ ސަރުކާރާއި މެދު މާޔޫސްވެ އުދާސްވެފައިވާ މިންވަރުގެ ވާހަކައެވެ.

އެއްގޮތުން ނުވިއްޔާ އަނެއްގޮތުން މުޒާހަރާތައް ހުއްޓުވޭތޯ ބެލިއެވެ. މި މަހުގެ 10 ވަނަ ދުވަހުގެ ރޭ ފުލުހުންނާއި ސިފައިން ގުޅިގެން ގައުމީ ސަލާމަތާއި ގުޅުންހުރި ހާއްސަ އޮޕަރޭޝަނެއް މާލޭގައި ފަށާ ބޮޑު އޮޕަރޭޝަނެއް ހިންގި އިރު އެކަންވީ ބޮޑު ސައިބޯނި ބޮތްކަކަށެވެ. ދެން ފެނުނީ ކަނބަލުންނައް މުޒާހަރާތަކުގައި އަނިޔާކޮށް އެ ކަނބަލުންނާއި އެމްޑީޕީގެ އެހެން މީހުން ޕޮލިހަށް ގެންދަން ޗިޓް ފޮނުވި މަންޒަރެވެ.

އިހުތިޖާޖު ކުރިޔަ ނުދިނުމަށް އެމްޑީޕީ ހަރުގެ ސަރަހައްދު ދެ ފަރާތުން ބެރިކޭޑް ޖަހާ ބަންދު ކުރުމާއި ކަނބަލުންނަށް އަނިޔާކުރުން ފަދަ ނެއެއްގާނީ އެތައް ކަމަކުން ވެސް މުޒާހަރާގެ ބައިވެރިން ފަހަތަކަށް ނުޖެއްސުނެވެ.

އެތައް ކަނބަލުންނެއް ފުލުހަށް ދަމަން ފެށުމުން އެކަމާއި ކެތް ނުކުރެއްވިގެން ޕާޓީގެ ނައިބު ރައީސް ހިސާން ވެސް މުޒާހަރާ އަށް ނުކުމެވަޑައިގެން އާއްމުންނަށް ހިތްވަރުދެއްވިއެވެ. އެމްޑީޕީގެ ކަނބަލުންނަކީ ކަށިން ހިތްވަރު ނެރެގެން އަނިޔާ އާއި ދެކޮޅަށް ނުކުމެ އަޑު އުފުލާ ބައެއްކަން ހިސާން ހަނދާންކޮށްދެއްވީ 16 މާރޗް 2025ގައި އެމްޑީޕީން ބޭއްވި މުޒާހަރާގައި ވާހަކަދައްކަވަމުންނެވެ. އެމްޑީޕީގެ އަންހެނުން ފަހަތަށް މީގެ ކުރިން ވެސް ނުޖެއްސޭ ކަމާއި ކުރިއަށް އޮތްތަނުގައި ވެސް އެ ކަން ނުކުރެވޭނެކަން އެ ދުވަހު ހިސާން ހަނދާންކޮށްދެއްވިއެވެ.

މުޒާހަރާ ކުރާތީ ޗިޓު ފޮނުވައިގެން އެތައް ބަޔަކު ފުލުހަށް ހާޒިރުކޮށްފިއެވެ. ބައެއް މީހުން ދެ ތިން ފަހަރު ހާޒިކޮށްފިއެވެ. އެގޮތުން ހާޒިރު ކުރި މީހުންނަކީ

މަޖިލިސް މެމްބަރުންނާއި ޤައުމީ މަޖިލިސް މެމްބަރުން މި މުޒާހަރާތަކުގައި ދިން މެސެޖަކީ ސަރުކާރު ހޭލަން ވެއްޖެކަމެވެ. ދެން އާއްމުން މަޑުން ނުތިބޭނެކަމެވެ. ސަރުކާރަށް އަޑު ނީވޭނަމަ ރައްޔިތުންގެ އަޑުވާނީ ގަދަކަމެވެ.  

ރޯދަ މަހުގެ ފަހު 10ކަށް މުޒާހަރާ މެދުކަނޑާލި އެއް ކަމަކަު އެމްޑީޕީން ބުނާ ގޮތުން މިއީ ނިމުމެއް ނޫނެވެ. މުޒާހަރާތަކުގެ އަޑު ހަރުކޮށް މުޅި ރާއްޖޭގައި މުޒާހަރާތައް ކުރާނެ ކަމަށް އެމްޑީޕީން ދަނީ ބުނަމުންނެވެ. އެ ޕާޓީން ބުނާ ގޮތުން ދެން ދާނީ ކުރިއަށް ކުރިއަށް ބާރަށް ކުރިއަށެވެ.