އޮރެންޖް މެރިންގ ޕައި

ބޭނުންވާ ތަކެތި

• 1 (9 އިންޗި) އަންބޭކްޑް ޕައި ކްރަސްޓް
• ¾ ޖޯޑު ހަކުރު
• ⅓ ޖޯޑު ކޯން ސްޓާރޗް
• 1 ޕިންޗް ލޮނު
• 1 ތަށި އޮރެންޖް ޖޫސް
• ½ ތަށި ލެމަން ޖޫސް
• ¼ ތަށި ފެން
• 4 ބިސް، ހުދުބައި ވަކިކޮށްފައި
• 4 މޭޒުމަތީ ސަމުސާ ބަޓަރު ނުވަތަ މާޖަރިން
• 2 މޭޒުމަތީ ސަމުސާ އޮރެންޖް ފޮތި ގާނާފައި
• ½ ތަށި ކުދިކޮށް ކޮށާފައިވާ އޮރެންޖް ފަޅި
• ½ ޖޯޑު ހަކުރު
• ¼ މޭޒުމަތީ ސަމުސާ ކްރީމް އޮފް ޓާޓަރ

ތައްޔާރު ކުރާނެ ގޮތް

އެންމެ ފުރަތަމަ އަވަން 400 ޑިގްރީ ފެރެންހައިޓް، 205 ޑިގްރީ ސެލްސިއަސް އަށް ހޫނުކޮށްލާށެވެ. ޕޭސްޓްރީގައި އެލުމިނިއަމް ފޮއިލް އަޅާފައި ހޫނުކޮށްފައިވާ އަވަނުގައި ކްރަސްޓްގެ ކައިރިތައް ރަތް ވަންދެން، ގާތްގަނޑަކަށް 10 މިނެޓް ފިހެލާށެވެ.

ކުޑަ ސޯސްޕޭނެއްގައި، ހަކުރު، ކޯންސްޓާޗް، އަދި ލޮނު އެއްކޮށްލުމަށްފަހު، އޮރެންޖް ޖޫސް، ލެމަން ޖޫސް، އަދި ފެން އެއްކޮށްލާށެވެ. ބިހުގެ ރީނދޫ ބައި އެއަށް އަޅާފައި އެއްކޮށްލުމަށްފަހު، މަޑު ގިނީގައި ބޯވަންދެން ގާތްގަނޑަކަށް 5 މިނެޓު ކައްކާލާށެވެ. ދެން އުނދުންމަތިން ބޭލުމަށްފަހު، ބަޓަރު އަދި ގާނާފައިވާ އޮރެންޖް އެއްކޮށްލާށެވެ. ތައްޔާރުކޮށްފައިވާ ޕައި ކްރަސްޓަށް އަޅާފައި، ޕްލާސްޓިކް ރެޕްއަކުން ބަންދުކޮށް، ފިނިވާން ބަހައްޓާށެވެ.

ޕައިގެ ފިލިން ރޫމް ޓެމްޕަރޭޗަރއަށް ފިނިވުމުން އަވަން 175 ޑިގްރީ ސެލްސިއަސް، 350 ޑިގްރީ ފެރެންހައިޓް އަށް ހޫނުކޮށް، މެރިންގ ތައްޔާރުކުރަން ފަށާށެވެ. ބޮޑު ތަށްޓެއްގައި ބިހުގެ ހުދު ބައި ވިޕް ވަންދެން ގިރާލާށެވެ. ދެން މަޑުމަޑުން 1/2 ޖޯޑު ހަކުރާއި ކްރީމް އޮފް ޓާޓަރ އަޅަމުން، ހަރު ޕީކްތަކެއް އުފެދެންދެން ގިރާށެވެ. މެރިންގ ޕައިގެ މަތީގައި ފަތުރާލާއިރު، ފިލިން އެއްކޮށް ނިވާވެ، ޕައި ކްރަސްޓްގެ ކައިރިތަކާ ހަމައަށް ފިލްކޮށްލަން ވާނެއެވެ.

ހޫނުކޮށްފައިވާ އަވަނުގައި މެރިންގ ޓޮޕިންގ ރަތް ވަންދެން، ގާތްގަނޑަކަށް 15 މިނެޓު ބޭކް ކޮށްލާށެވެ.