ސްޕައިސީ ޗިލީ ޕޮޓޭޓޯ

އަލުވިން ތައްޔާރުކުރާ ގިނަ ބާވަތްތަކަކީ ދިވެހިންނަށް ވަރަށް ކަމުދާ ބާވަތްތަކެކެވެ.

ފުރަތަމަ އަލުވި ކޮށާފައި ފެނުކައްކާލާށެވެ. އަލުވި މަޑުވުން އޭގެ ތެރެއަށް ފުށާއި ލޮނު އަދި ކުޑަ ފެން ފޮދެއް އަޅައިގެން އަލުވިތައް ފުނޑުނުވާނެ ގޮތަށް އެއްކޮށްލާށެވެ. ދެން ތެޔޮ އެއްޗެއްގެ ތެރެއަށްލާ ތެލުލާށެވެ. މަޑު މޮށިކުލައެއް އަރަން ފެށުމުން ތެޔޮގަނޑުން ނަގާލާށެވެ.

އެއަށްފަހު ތަވައެއްގެ ތެރެއަށް ތެޔޮ ފޮދެއް އެޅުމަށްފަހު، ހިކިމުރުސް، ފިޔާ، ލޮނުމެދު، ޗިލީ ޕޭސްޓް، އަސޭމިރުސް، ސޯޔާސޯސް، ޓޮމާޓޯ ކެޗަޕް އަޅައިގެން ދޭފަތުން ހަލާށެވެ. ފިޔާތައް ވަޅޯވުމުން އޭގެ ތެރެއަށް ހަތަރު ބައި ކޮށްފަ އެއްބައި ޖޯޑު ފެން އަޅާލާށެވެ. ދެން ރަނގަޅަށް ކައްކާލުމަށްފަހު، ތެލުލި އަލުވި ކޮޅު ސޯސްގަނޑު ތެރެއަށް އަޅާލުމަށްފަހު ރަނގަޅަށް އެއްކޮށްލާށެވެ. ދެން އޭގެ މައްޗަށް އެއް ސަމުސާ ލެމަން ޖޫސް ފޮދަކާއި، ސްޕްރިންގ އޮނިއަން އަޅާލާށެވެ. މިހާރު މިހިރީ ސްޕައިސީ އަލުވި ތައްޔާރުކޮށް ނިމިފައެވެ.