ލައިފް ސްޓައިލް
ބަދިގެ 1446
ޕޮޓޭޓޯ ޕޭން ކޭކް
މިއީ ރޭގަނޑުގެ ކެއުމަށް ވަރަށް ރަނގަޅު އެއްޗެއް. ބޭނުންނަމަ ކްރެންބެރީ ސޯސް، ނުވަތަ ކޮންމެވެސް ކަހަލަ ސިރަޕް އެއް ބޭނުން ކޮށްލެވިދާނެ.
ނާޒުމީ ސައީދު, ރާއްޖެ އެމްވީ | 15 މާރިޗު 2025 | ހޮނިހިރު 12:22
ޕޮޓޭޓޯ ޕެން ކޭކް
ބޭނުންވާ ތަކެތި
- 2 ބިސް
- 2 މޭޒުމަތީ ސަމުސާ ފުށް
- ¼ ސަމުސާ ބޭކިންގ ޕައުޑަރ
- ½ ސަމުސާ ލޮނު
- ¼ ސަމުސާ އަސޭމިރުސް
- 6 އަލުވި (ފެނުކައްކާ ގާނާލާފައި)
- ½ ޖޯޑި ކުދިކޮށް ކޮށާފައިވާ ފިޔާ
- ¼ ޖޯޑު ތެޔޮ
ތައްޔާރު ކުރާނެ ގޮތް
ފުރަތަމަ ބޮޑު ތަށްޓެއްގައި ބިސް، ފުށް، ބޭކިންގ ޕައުޑަރ، ލޮނު އަދި އަސޭމިރުސް އަޅާފައި ރަނގަޅަށް އެއްކޮށްލާށެވެ. އެއަށްފަހު، އަލުވި އާއި ފިޔާ އެއަށް އަޅައި އެއްކޮށްލާށެވެ.
ދެން ބޮޑު ތަވައެއްގައި މަޑު ގިނީގައި ތެޔޮ ހޫނުކުރާށެވެ. ހޫނުވެފައިވާ ތެލަށް މޭޒުމަތީ ސަމުސާއެއްގެ މިންވަރަށް އަލުވި މިކްސްޗަރ އަޅަމުން ގެންދާށެވެ. އަޅާފައިވާ މިކްސްޗަރ ޕްރެސްކޮށްލާށެެވެ.
ކޮންމެ ފަރާތެއް 3 މިނެޓަށް، ރަތްވަންދެން ތެލުގައި ބަހައްޓާށެވެ.
ތެލުން ނަގައި ޓިޝޫ ޕޭޕަރެއް އަޅާފައިވާ ތަށްޓަކަށް ލާށެވެ. ބާކީ ހުރި މިކްސްޗަރ ވެސް މިގޮތަށް ހަދާށެވެ.
