ޔޯގަޓް ޗީޒް ކޭކް

ފޮނި އެއްޗެހި ކާހިތްވާ ފަރާތްތަކަށް ޗީޒް ކޭކް ވަރެއް ނޯވެއެވެ. މި ކޭކަކީ ފިހަން ނުޖެހޭ ފަސޭހައިން ތައްޔާރުކޮށްލެވިދާނެ ކޭކެކެއެވެ.

ފުރަތަމަ ބިސްކޯދު ފުނޑުކޮށްލުމަށްފަހު، އޭގެ ތެރެއަށް ބަޓަރު އަޅައިގެން އެއްކޮށްލާށެވެ. އެއަށްފަހު ޓްރޭގެ ތެރެއަށް ފުނޑުކޮށްފައިވާ ބިސްކޯދު ފަތުރައި ރަނގަޅަށް އޮތްބާލާށެވެ. ދެން އައިސްއަލަމާރިއަށްލާ އިރުކޮޅަކު ބަހައްޓާށެވެ.

ބޯތައްޓެއްގައި ކްރީމް ޗީޒް، ހަކުރު، ޔޯގަޓް، ވިޕިންގ ކްރީމް، ލެމަން ޖޫސް އަޅައިގެން ހޭންޑް މިކްސަރުން އޮމާންވަންދެން ރަނގަޅަށް އެއްކޮށްލާށެވެ. ދެން ކުޑަ ބޯތައްޓަކަށް ފެން އެޅުމަށްފަހު، އޭގެ ތެރެއަށް ޖެލެޓިން ޕައުޑަރ އަޅާލާށެވެ. 20 ނޫނީ 30 ސިކުންތު ވަންދެން މައިކްރޯވޭވް އަށް ލާށެވެ.

އެއަށްފަހު، އޭގެ ތެރެއަށް މިކްސްކުރި ކްރީމް ޗީޒްއިން 2 ސަމުސާ އަޅައިގެން ގިރާލާށެވެ. ގިރާ ނިމުމުން ކްރީމް ޗީޒް ތެރެއަށް އަޅާލުމަށްފަހު، ރަނގަށް އެއްކޮށްލާށެވެ. ކުރިން ތައްޔާރު ކުރި ބިސްކޯދު ޓްރޭގެ ތެރެއަށް ކްރީމްގަނޑު އަޅާލުމަށްފަހު، 20 މިނިޓް ނޫނީ 30 މިނިޓްވަންދެން ފިނިކޮށްލާށެވެ.