ވައިޓް ޗީޒް ޗިކަން ލަޒާނިއާ

ބޭނުންވާ ތަކެތި

• 9 ލަޒާނިއާ ޝީޓް
• ½ ތަށި ބަޓަރު
• 1 ފިޔާ (ކުދިކޮށް ކޮށާފައި)
• 1 ލޮނުމެދު (ކުދިކޮށް ކޮށާފައި)
• ½ ޖޯޑު ފުށް
• 2 ޖޯޑު ޗިކަން ބްރޮތް
• 1 ½ ޖޯޑު ކިރު
• 1 ސަމުސާ ލޮނު
• 4 ޖޯޑު މޮޒެރެލާ ޗީޒް
• 1 ޖޯޑު ޕާމެސަން ޗީޒް
• 1 ސަމުސާ ހިއްކާފައިވާ ބާސިލް
• 1 ސަމުސާ އޮރެގާނޯ
• ½ ސަމުސާ އަސޭމިރުސް
• 2 ޖޯޑު ކިއުބްކޮށް ކޮށާފައިވާ ކުކުޅު މަސް
• 1 މޭޒުމަތީ ސަމުސާ ޗޮޕްކޮށްފައިވާ ތާޒާ ޕާސްލޭ

ތައްޔާރު ކުރާނެ ގޮތް

ފުރަތަމަ އަވަން 350 ޑިގްރީ ފެރެންހައިޓް، 175 ޑިގްރީ ސެލްސިއަސް އަށް ހޫނުކޮށްލާށެވެ.

ބޮޑު ތެއްޔެއްގައި ލޮނުކޮޅެއް އަޅާ ފެންކައްކާލުމަށްފަހު، ލަޒާނިއާ ޝީޓް އަޅާފައި 8-10 މިނެޓަށް ކައްކާލާށެވެ. ގަޑި ހަމަވުމުން ފެނުން ނަގާފައި ފިނި ފެނުން ދޮވެލާށެވެ.

އެއަށްފަހު، ބޮޑު ސޯސްޕޭނެއްގައި ބަޓަރު ވިރުވާލާށެވެ. ދެން ފިޔާ އަދި ލޮނުމެދު އެއަށް އަޅާލާށެވެ. ފުށް އަޅާފައި ލައިޓް ބްރައުން ކުލައަށް ވަންދެން ރަނގަޅަށް ކައްކާލާށެވެ. ދެން ފިޔާ މުށިވަންދެން ގާތްގަނޑަކަށް 2 މިނެޓަށް އެއްކޮށްލުމަށްފަހު، ޗިކެން ބްރޮތު، ކިރު، އަދި ލޮނު އަޅައިގެން އެއްކުރަމުން 1 މިނެޓަށް ކައްކާލާށެވެ.

2 ޖޯޑު މޮޒަރެލާ އަދި ¼ ޖޯޑު ޕާމެސަން ރަނގަޅަށް އެއްވަންދެން އެއްކޮށްލުމަށްފަހު، ބޭސިލް، އޮރެގާނޯ، އަދި އަސޭމިރުސް ރަހަލާ ވަރަށް އަޅާފައި އުނދުންމަތިން ބާލާފައި އެއްފަރާތުގައި ބަހައްޓާށެވެ.

ބޭކިންގ ޓްރޭއެއްގައި ސޯސް މިކްސްޗަރުގެ 1/3 އެއް އަޅާލާށެވެ. 3 ލަޒާނިއާ ޝީޓް، ޗީޒް އަދި ކުކުޅު މަހުގެ ފަށަލައެއް އަޅާލާށެވެ.

އަނެއްކާ ވެސް ކުކުޅު މަހުގެ މަތީގައި 3 ލަޒާނިއާ ޝީޓް އަތުރާލާފައި ސޯސް މިކްސްޗަރުގެ 1/3 ބައި އަދި ކުކުޅު މަހާއި ބާކީ ހުރި 2 ޖޯޑު މޮޒެރެލާ، އަދި ½ ޖޯޑު ޕާމެސަންގެ ފަށަލައެއް އަޅާލާށެވެ.

ބާކީ ހުރި ލަޒާނިއާ ޝީޓު ޗީޒުގެ މަތީގައި އަތުރާލާފައި ބާކީ ހުރި ސޯސް ހަމަހަމަކޮށް މައްޗަށް އަޅާލާށެވެ. ޕާސްލޭ އަދި ބާކީ ހުރި ¼ ޖޯޑު ޕާމެސަން މަތީގައި އަޅާލާށެވެ.

ހޫނުކޮށްފައިވާ އަވަނުގައި 35 ނުވަތަ 40 މިނެޓަށް ބޭކްކޮށްލާށެވެ.