މިފްކޯއަށް އައްޔަންކުރި އެމްޑީ އަދި ސީއީއޯ ޑރ. ވިޓާލީ ވަކިކުރައްވައިފި
3 މާރިޗު 2025 | ހޯމަ 17:18ޑރ. ވިޓާލީ ލިއުބިމޮވް ހޯމަ ދުވަހު އެ މަޤާމުން ވަކިކޮށްފައިވީ ނަމަވެސް އޭނާ މަގާމުން ވަކިކުރި ސަބަބެއް ހާމަކޮށްފައި ނުވެއެވެ.
މިފްކޯގެ މެނޭޖިން ޑިރެކްޓަރ އަދި ޗީފް އެގްޒެކްޓިވް އޮފިސަރ ކަމުގެ މަޤާމުގައި ހުންނެވި ޑރ. ވިޓާލީ ލިއުބިމޮވް
މި ސަރުކާރުން މިފްކޯއަށް އައްޔަންކުރި ބޭރުގެ އެމްޑީ އަދި ސީއީއޯ ޑރ. ވިޓާލީ ލިއުބިމޮވް އެ މަގާމުން ވަކިކޮށްފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ބުނީ މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) ގެ މެނޭޖިން ޑިރެކްޓަރ އަދި ޗީފް އެގްޒެކްޓިވް އޮފިސަރ ކަމުގެ މަޤާމުގައި ހުންނެވި ޑރ. ވިޓާލީ ލިއުބިމޮވް ހޯމަ ދުވަހު އެ މަޤާމުން ވަކިކޮށްފައިވާ ކަމަށެވެ. ނަމަވެސް އޭނާ މަގާމުން ވަކިކުރި ސަބަބެއް ހާމަކޮށްފައި ނުވެއެވެ.
ޑރ. ވިޓާލީ އެ މަގާމަށް އައްޔަންކުރެއްވީ މިދިޔަ އަހަރުގެ ޑިސެމްބަރު މަހުގެ 9 ވަނަ ދުވަހުއެވެ. ވިޓާލީ އަކީ މިފްކޯއަށް އައްޔަންކުރެއްވި ބޭރުގެ ފުރަތަމަ މެނޭޖިން ޑިރެކްޓަރެވެ.
