އެންޑްރޫ ހީލީ ލީކް ޔުނައިޓްގެ ސީއީއޯ ކަމަށް!
ބީއެމްއެލްގެ ސީއީއޯ އަދި މެނޭޖިން ޑިރެކްޓަރުގެ މަގާމާއި އެންޑްރޫ ހީލީ ހަވާލު ވެވަޑައިގެންނެވީ 2014 ވަނަ އަހަރު
ބީއެމްއެލްގެ ސީއީއޯ އެންޑްރޫ ހީލީ
ބޭންކް އޮފް މޯލްޑިވްސްގެ ސީއީއޯ އެންޑްރޫ ހީލީ އިނގިރޭސިވިލާތުގެ ފައިނޭންޝަލް ކުންފުންޏެއް ކަމަށްވާ ލީކް ޔުނައިޓެޑާ ގުޅިވައިޑައިގަންނަވަން ނިންމަވައިފިއެވެ.
ލީކް ޔުނައިޓަޑްގެ ވެބްސައިޓށް ދެއްވި އިންޓަވިއުގައި އެންޑްރޫ ވިދާޅުވީ އޭނާ އަށް އެ ފުރަސަތު ލީކް ޔުނައިޓަޑްގެ ފަރާތުން ދިނުމުން އެކަމާއި ފަހަރުވެރިވެލައްވާ ކަމަށާއި ލީކް ޔުނައިޓަޑް ފަދަ ތަނެއްގައި މަސައްކަތް ކުރެއްވުމަކީ ވަރަށް ޗެނެލެންޖިންގް ކަމަކަށްވާނެ ކަމަށެވެ.
ބީއެމްއެލްގެ ސީއީއޯ އަދި މެނޭޖިން ޑިރެކްޓަރުގެ މަގާމާއި އެންޑްރޫ ހީލީ ހަވާލުވެވަޑައިގެންނެވީ 2014 ވަނަ އަހަރުން ފެށިގެންނެވެ.
ލީކް ޔުނައިޓެޑުގެ ވެބްސައިޓުގައި ބުނެފައި ވަނީ އެ ކުންފުނީގެ ސީއީއޯގެ މަގާމުގައި ހުންނެވި ކެވިން ވިލްސަން މަގާމުން ދުރު ވާނީ މިއަހަރުގެ ޑިސެމްބަރު މަހު ކަމަށާއި އެއަށް ފަހު ހީލީއާ ކުންފުނި ހަވާލުކުރުމުގެ ކަންތައް ކުރިއަށް އޮތް ދުވަސްތަކުގައި ކުރިއަށްދާނެ ކަމަށެވެ.
ހީލީ އަކީ 25 އަހަރަށް ވުރެ ގިނަ އަހަރު ފައިނޭންޝަލް ދާއިރާގައި މަސައްކަތް ކުރައްވާފައިވާ ބޭފުޅެކެވެ. އަދި ޔޫރަޕާއި އޭޝިއާގެ ގިނަ ގައުމުތަކެއްގައި ބޭންކިން އާއި ފައިނޭންޝަލް ދާއިރާގައި މަސައްކަތް ކުރައްވާފައިވާ ހީލީގެ ލީޑަރޝިޕްގެ ދަށުން ބޭންކް އޮފް މޯލްޑިވްސް އަށް ވަނީ ގިނަ ކާމިޔާބީތަކެއް ހޯއްދަވައި ދެއްވާފައެވެ.
