ޣައްޒާ "ސާފުކޮށްލަން" ޓްރަމްޕް ގެންގުޅުއްވާ ޕްލޭނަށް އުރުދުން އިން ވެސް ދެކޮޅު ހަދައިފި
ޓްރަމްޕްގެ ޕްލޭނަށް ހަމާސް އާއި މިސްރުން ވެސް ދެކޮޅު ހަދާކަން ވަނީ ހާމަ ކޮށްފައި.
އުރުދުންގެ ޚާރިޖީ ވަޒީރު އައިމަން ސަދަފީ
އެމެރިކާގެ ރައީސް ޑޮނަލްޑް ޓްރަމްޕް ޣައްޒާގެ ރައްޔިތުން މިޞްރަށާއި އުރުދުން އަށް ފޮނުވާލުމަށް ވިސްނަވާ ކަމަށް ވިދާޅުވުމާ ގުޅިގެން، ފަލަސްޠީނު ރައްޔިތުން މަޖުބޫރުން އެހެން ތަނަކަށް ބަދަލުކުރުމަށް އެ ޤައުމުން ހަރުކަށި ގޮތެއްގައި ދެކޮޅު ހަދާ ކަމަށް އުރުދުންގެ ޚާރިޖީ ވަޒީރު އައިމަން ސަފަދީ އާދީއްތަ ދުވަހު ވިދާޅުވެއްޖެއެވެ.
"ފަލަސްޠީނު މީހުން އެހެން ތަނަކަށް ބަދަލުކުރުމަށް އަޅުގަނޑުމެން ދެކޮޅު ހެދުމަކީ ބަދަލުނުވާނެ ކަމެކެވެ. އުރުދުން އަކީ އުރުދުންގެ ރައްޔިތުންނަށް އޮތް ތަނެކެވެ. އަދި ފަލަސްތީނަކީ ފަލަސްތީނު މީހުންނަށް އޮތް ތަނެކެވެ،" ސަފަދީ ވިދާޅުވިއެވެ.
ހޮނިހިރު ދުވަހު ޓްރަމްޕް ވިދާޅުވީ ހަނގުރާމައިގެ ސަބަބުން ވީރާނާވެފައިވާ ޣައްޒާއިން އިތުރު ފަލަސްތީނު މީހުން އުރުދުން އިންނާއި މިޞްރުން ބަލައިގަންނަންވާނެ ކަމަށެވެ.
ޣައްޒާ ގެ ސަރުކާރު ހިންގާ ޙަމާސްއިން އިން ވެސް ވަނީ ޓްރަމްޕްގެ މި ހުށަހެޅުމަށް ދެކޮޅު ހަދާފައެވެ.
ޓްރަމްޕްގެ ޕްލޭނަށް މިސްރުން ވެސް ދެކޮޅު ހަދާކަން ވަނީ ހާމަ ކޮށްފައެވެ.
