ސްޕެއިންގެ ބާސެލޯނާގައި ވޭނެއް ބޭނުންކޮށްގެން ބުރާސްފަތި ދުވަހު ދިން ހަމަލާގައި ވޭން ދުއްވި މީހާ ނުވަތަ ހަމަލާ ދިން އިސް މިހާ އަދިވެސް ހައްޔަރު ނުކުރެވޭ ކަމަށާއި އޭނާ ފްރާންްސް އަށް ގޮސްފައިވާ ކަމަށް ބެލެވޭ ކަމަށް ފުލުހުން ބުނެފިއެވެ.
ސްޕެއިންގެ ފުލުހުން ބުނާ ގޮތުން ހަމަލާ ދިނުމުގައި އިސްކޮށް ހުރި މީހާއަކީ މޮރޮކޯ އަށް އުފަން އުމުރުން 22 އަހަރުގެ ޔޫނުސް އަބޫޔައުގޫބު ނަމަކަށް ކިޔާ މީހެކެެވެ.
ހަމަލާ ދިނުމުގައި 12 މީހުން ބައިވެރިވި ކަމަށް ބެލެވޭ އިރު މިހާރު ހައްޔަރު ނުކުރެވި ނުވަތަ މަރާނުލެވި ހުރި މީހާއަކީ އަބޫޔައުގޫބު އެކަންޏެވެ.
ބާސެލޯނާގައި ދިން ހަމަލާ އަށް ފަހު އޭގެ ގަނޑިއިރުތަކެއް ފަހުން ސްޕެއިންގެ ޓައުންއެއް ކަމަށްވާ ކެމްބްރިލްސްގައި ވެސް ވަނީ ހަމަލާއެއް ދީފައެވެ. ފޭކް އެކްސްޕްލޮސިވް ބެލްޓްތަކެއް ބޭނުންކޮށްގެން ފަސް މީހަކު ވެގެން ކާާރެއް އާންމުންގެ ތެރެއަށް ދުއްވައި އަދި އެމީހުން ވަނީ ވަޅިން ވެސް މީހުންނަށް ހަމަލާ ދީފައެވެ. މިހަަމަލާ ދިން އެންމެން ފުލުހުން މަރާލައިފައިވާއިރު ހަމަލާ ދިން މީހުން ވަނީ އަންހެނަކު މަރާލާފައެވެ.
ބާސެލޯނާ އަށް ދިން ހަމަލާ ގައި 13 މީހުން ވަނީ މަރުވެފައެވެ.
