ޓޫރިސްޓް ވިސާއާ ހިލާފުވި ދެ ބިދޭސީއަކު އަތުލައިގެންފި
އިމިގްރޭޝަނުގެ ބެލުމުގެ ދަށަށް ގެންގޮސްފައިވަނީ ޖޯޑަންގެ 24 އަހަރުގެ ފިރިހެނަކާއި، ސީރިއާ އަށް ނިސްބަތްވާ 19 އަހަރުގެ އަންހެނެއް
އިމިގްރޭޝަނުގެ ބެލުމުގެދަށަށް ގެންދިޔަ 2 ބިދޭސީން
ޓޫރިސްޓް ވިސާއާ ހިލާފުވި ދެ ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފި އެވެ.
އިމިގްރޭޝަނުގެ ބެލުމުގެ ދަށަށް ގެންގޮސްފައިވަނީ ޖޯޑަންގެ 24 އަހަރުގެ ފިރިހެނަކާއި، ސީރިއާ އަށް ނިސްބަތްވާ 19 އަހަރުގެ އަންހެނެކެވެ.
އިމިގްރޭޝަނުން "އެކްސް" ގައި ކުރި ޕޯސްޓެއްގައި ބުނީ ޓޫރިސްޓް ވިސާއާ ހިލާފުވި ދެ ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފައިވާ ކަމަށާއި މި ދެ ބިދޭސީން އަތުލައިގެންފައިވަނީ ޓޫރިސްޓު ވިސާގައި ރާއްޖެ އައިސް ގަވާއިދާ ހިލާފަށް ވިިޔަފާރި ހިންގަމުންދާ ކަމަށް އާންމުންގެ ފަރާތުން ލިބުނު މައުލޫމާތަކާއި ގުޅިގެން ބެލި ބެލުންތަކަށްފަހު ކަމަށެވެ.
މި ދެ މީހުންގެ ޑީޕޯޓު ކުރުމުގެ މަސައްކަތް މިހާރު ކުރިއަށްދާ ކަމަށް ވެސް އިމިގްރޭޝަނުން މައުލޫމާތުދެ އެވެ.
ބިދޭސީންގެ މައްސަލަ ހައްލުކުރުމަށް ހޯމް މިނިސްޓްރީ، ދިވެހި ފުލުހުންގެ ޚިދުމަތާއި، މޯލްޑިވްސް އިމިގްރޭޝަން ގުޅިގެންދަނީ މަސައްކަތްކުރަމުންނެވެ.
