ކ. މާލެ
|
30 މާރޗް 2017 | ބުރާސްފަތި 16:24
ހަސަނުއްލާ މަރުވެފައި އޮއްވާ ފެނުނު ސަރައްދު ފުލުހުން ކޯޑަން ކޮށްފަ
ހަސަނުއްލާ މަރުވެފައި އޮއްވާ ފެނުނު ސަރައްދު ފުލުހުން ކޯޑަން ކޮށްފަ
ރާއްޖެއެމްވީ
ލ. ފޮނަދޫ
ލ. ފޮނަދޫގައި ބިދޭސީއަކު މަރުވެފައި އޮއްވާ ފެނިއްޖެ
ފުލުހުން ދަނީ މި މައްސަލަ ތަޙްގީގް ކުރަމުން
މަރުވެފައި އޮއްވައި ފެނިފައި ވަނީ ހަސަނުއްލާ ކިޔާ މީހެއް

ހައްދުންމަތީ ފޮނަދޫގައި އަތިރިމަތީގައި ބިދޭސީއަކު މަރުވެފައި އޮއްވަ ފެނިއްޖެއެވެ.

ފުލުހުންގެ މީޑިއާ އޮފިޝަލް ވިދާޅުވީ ބުރާސްފަތި ދުވަހު ހެނދުނު ލ. ފޮނަދޫ އަތިރިމަތީގައި އުމުރުން 27 އަހަރުގެ ބަގްލަދޭޝްގެ ފިރިހެނަކު މަރުވެފައި އޮއްވާ ފެނިފައިވާ ކަމަށެވެ. އަދި އޭނާއަކީ މީގެ ދެ ދުވަސް ކުރިން ވީނުވީއެއް ނޭނގި ގެއްލިގެން ހޯދަމުން އަންނަ މީހެއް ކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި މަރުވެފައި އޮއްވައި ފެނިފައި ވަނީ ހަސަނުއްލާ ކިޔާ މީހެކެވެ. މީގެ ދެ ދުވަސް ކުރިން އޭނާ ގެއްލިގެން ފުލުހުންނަން ވަނީ ރިޕޯޓް ކޮށްފައެވެ.

 

އޭނާ މަރުވެފައި އޮއްވާ ފެނުނީ ލ. ފޮނަދޫ ބަރާސިލް އަވަށު ސްޓޭޖާ ދިމާ އަތިރިމަތީގައި ހޭޅި ފަށުގައި އޮއްވައެވެ.

  ފުލުހުން ބުނީ މި މައްސަލަ މިހާރު ތަޙްގީގް ކުރަމުން އަންނަ ކަމަށެވެ.  އަދި އޭނާ މަރުވެފައި އޮއްވާ ފެނުނު ސަރަހައްދު ފުލުހުން މިހާރު ވަނީ ކޯޑަން ކޮށްފައެވެ.

އެންމެ ފަހުން އަޕްޑޭޓް ކުރީ: 1 ދުވަަސް ކުރިން
ރިވިއު ކުރީ: އަލީ ޔޫސުފް
- ކޮމެންޓް