ފ.ނިލަންދޫ އަދި ދ.ކުޑަހުވަދޫއަށް ބޯކޮށް ވާރޭވެހި މަގުތަކުގައި ފެން ބޮޑުވެއްޖެއެވެ.
ހުކުރު ދުވަހު އެ ދެރަށަށް ބޯކޮށް ވާރޭ ވެހުމާ ގުޅިގެން ފެން ބޮޑުވެފައިވާތީ އެހީތެރިކަން ފޯރުކޮށްދިނުމުގައި އެމްއެންޑީއެފް ސެންޓްރަލް އޭރިއާ ކޮމާންޑުން ހަރަކާތްތެރިވަމުން ދާ ކަމަށް އެމްއެންޑީއެފް އިން ވަނީ ބުނެފައެވެ.
އދ. މާމިގިއްޔާއި ށ. ނަރުދޫ ގައިވެސް ހުކުރު ދުވަހު ވަނީ ފެން ބޮޑުވެފައެވެ. ނަރުދޫ ގައި ފެން ބޮޑުވެފައިވަނީ ރަށަށް އުދަ އަރައިގެންނެވެ.
މޫސުން ގޯސްވެ، ބ. އަތޮޅުން ފެށިގެން ތ. އަތޮޅަށް އޮރެންޖު އިންޒާރު ނެރެފިއެވެ.
މޫސުމާ ބެހޭ އޮފީހުން އިންޒާރު ނެރެފައިވަނީ ހުކުރު ދުވަހުގެ މެންދުރު ފަހު 3:00ން ރޭގަނޑު 7:00 އަށެވެ.
މޯލްޑިވްސް މީޓިއޮރޮލޮޖީން ބުނެފައިވާ ގޮތުގައި މި އަތޮޅުތަކަށް ގުގުރުމާއެކު ބޯކޮށް ވާރޭވެހި ފެންބޮޑުވާނެ ކަމަށް ލަފާ ކުރެވޭ ކަމަށެވެ.
ހުކުރު ދުވަހު މެންދުރު މެޓުން ވަނީ ބ. އަތޮޅުން ފެށިގެން ލ. އަތޮޅަށް ރީނދޫ ސަމާލު ނެރެފައެވެ.
