ސަޢޫދީ ޢަރަބިއްޔާއަށް މަސްތުވާތަކެތި އެތެރެކުރުމުގެ ކުށުގައި 6 މީހަކަށް މަރުގެ އަދަބު ދީފި
މި މީހުންނަށް މަރުގެ އަދަބު ދީފައިވަނީ "ވަގަށް ސަޢޫދީ ޢަރަބިއްޔާއަށް ހަޝިޝް އެތެރެކުރުމުގެ" ކުށަށެވެ.
ކުވެއިތު ގައި މީހަކު މަރާލުމުގެ ކުށުގައި 1 އޭޕްރިލް 2013 ގައި މަރުގެ އަދަބު ތަންފީޒުކުރުމަށް ސައުދީ ފިރިހެނަކު ގެންދަނީ
ސަޢޫދީ ޢަރަބިއްޔާއަށް މަސްތުވާތަކެތި އެތެރެކުރުމުގެ ކުށުގައި 6 މީހަކަށް މަރުގެ އަދަބު ދީފި ކަމަށް ސައުދީ ސަރުކާރުން ހާމަ ކޮށްފިއެވެ.
ސަޢޫދީ ޢަރަބިއްޔާގެ ދާޚިލީ ވުޒާރާ އިން ބުދަ ދުވަހު އިޢުލާނުކުރި ގޮތުގައި، މަސްތުވާތަކެތި ޓްރެފިކްކުރުމުގެ ކުށަށް މަރުގެ ޙުކުމް އިއްވާފައިވާ 6 އީރާނު މީހުންގެ މައްޗަށް އެ ގައުމުގައި މަރުގެ އަދަބު ތަންފީޒުކޮށްފިއެވެ.
މި 6 މީހުންގެ މައްޗަށް މަރުގެ އަދަބު ތަންފީޒުކޮށްފައިވަނީ ސަޢޫދީ ޢަރަބިއްޔާގެ ޚަލީޖު ސަރަޙައްދުގައި އޮންނަ ދަންމާމް ގައެވެ.
މިނިސްޓްރީން ބުނެފައިވާ ގޮތުގައި، މި މީހުންނަށް މަރުގެ އަދަބު ދީފައިވަނީ "ވަގަށް ސަޢޫދީ ޢަރަބިއްޔާއަށް ހަޝިޝް އެތެރެކުރުމުގެ" ކުށަށެވެ.
