އއ. ތޮއްޑޫގައި މަސައްކަތް ކުރާ ތައިލެންޑް އަންހެނަކަށް އަނިޔާކުރި މައްސަލައެއް ބަލަމުންދާ ކަމަށް ފުލުހުން ބުނެފި އެވެ.
ފުލުހުން ބުނީ ބިދޭސީ އަންހެން މީހާގެ ސްޕޮންސަރު އޭނާއަށް އަނިޔާ ކުރި ކަމަށް ބުނާ މައްސަލަ އެ އިދާރާއަށް ހުށަހެޅީ އިއްޔެ 18:50 ހާއިރު ކަމަށެވެ.
ނަމަވެސް އެ އަންހެން މީހާއަށް ލިބުނީ ކިހާވަރެއްގެ އަނިޔާއެއް ކަމެއް ފުލުހުން ހާމައެއް ނުކުރެއެވެ. ފުލުހުން ބުނީ އެ މައްސަލަ މިހާރު ތަހުގީގުކުރަމުންދާ ކަމަށެވެ.
ތޮއްޑޫގައި ބިދޭސީ އަންހެނަކަށް އަނިޔާދިން ކަމަށް ބުނާ މައްސަލައެއް ސޯޝަލް މީޑިއާގައިވެސް ދައުރުވަމުން ދާއިރު، އެ އަންހެން މީހާއަކީ ތޮއްޑޫ ސީރީން ސްކައި ގެސްޓްހައުސްގައި މަސައްކަތްކުރާ މުވައްޒަފެއްކަމަށް މައުލޫމާތު ލިބެއެވެ.
މައުލޫމާތު ލިބިފައިވާ ގޮތުން އެ ގެސްޓް ހައުސް އަކީ އެ ރަށުގެ ކައުންސިލް ރައީސް, އަހުމަދު ކަރަމް ހިންގާ ތަނެކެވެ.
