އައްޑޫ ކަނޑަށް ގެއްލުނު ނޭޕާލު މީހާ ހޯދުން މެދުކަނޑާލިކަމަށް ބުނެވުނީ ލިޔުމުގެ ކުށަކުން، އޮޅިގެން - އެމްއެންޑީއެފް
އެމްއެންޑީއެފް ފަޔަރ އެންޑް ރެސްކިއުގެ އުޅަނދެއް
އައްޑޫ ކަނޑަށް ގެއްލުނު ނޭޕާލު މީހާ ހޯދުން މެދުކަނޑާލާފައިވާ ކަމަށް ބުނެވުނީ ލިޔުމުގެ ކުށަކުން އޮޅިގެން ކަމަށް އެމްއެންޑީއެފުން ވަނީ ބުނެފައެވެ.
އައްޑޫ ކަނޑަށް ގެއްލުނު ނޭޕާލު މީހާ ހޯދުން މެދުކަނޑާލާފައިވާ ކަމަށް ހުކުރު ދުވަހު އެމްއެންޑީއެފުން ވަނީ ބުނެފައެވެ. އެ މީހާ ހޯދުން މެދުކަނޑާލި ސަބަބެއް ހާމައެއް ނުކުރެއެވެ. ނަމަވެސް އެ ސަރަހައްދުގެ މޫސުން ގޯސްވުމާއި ގުޅިގެން މެޓް އޮފީހުން ވަނީ ރީނދޫ ސަމާލު ނެރެފައެވެ.
މީގެ ކުރީގެ އިންފޯރ ގައި އޮޕަރޭޝަން ހުއްޓާލި ކަމަށް ލިޔެވިފައިވަނީ މައުލޫމާތުގެ ކުށަކުން ކަމަށް ފާހަގަކޮށް ހޮނިހިރު ދުވަހު އެމްއެންޑީއެފުން ވަނީ އެކަމަށްޓަކާ މަޢާފަށް އެދިފައެވެ.
ސީމެކްސް ބޯޓުން ގެއްލުނު ފަޅުވެރިޔާ ހޯދުމަށް ކުރެވޭ މަސައްކަތުގެ އަދާހަމަ ހިއްސާކުރަމުން އެމްއެންޑީއެފުން ބުނީ ސީމެކްސް ބޯޓުން ގެއްލުނު ފަޅުވެރިޔާ ހޯދުމަށްޓަކާ، އޮޔާއެކު މީހާ ދާނެކަމަށް ގަބޫލުކުރެވޭ ދިމާތަކުގައި ހޮނިހިރު ދުވަހު ސަރޗް އޮޕަރޭޝަން ހިންގާފަިއވާ ކަމަށެވެ.
އެމްއެންޑީއެފުން ބުނީ 18 ވަނަ ދުވަހު 304 ނޯޓިކަލް މޭލުގެ ސަރަހައްދެއް ބަލާފަވާ ކަމަށެވެ.
އަދި19 ވަނަ ދުވަހު ފޯއްމުލަކު ގެ ވަށައިގެން ބަލާފަވާ ކަމަށާއި އަދި ގެއްލުނު މީހާ ފެނިފަ ނުވާ ކަމަށެވެ.
އޭގެ އިތުރުން މިސަރަހައްދުގައި ދަތުރުކުރާ އިންޓަރނޭޝަނަލް އުޅަނދުފަހަރާ ވެސް ދަނީ ކޯޑިނޭޓް ކުރަމުން ކަމަށް އެމްއެންޑީއެފުން ވަނީ ބުނެފައެވެ.
އެމްއެންޑީއެފުން ބުނިގޮތުގައި އައްޑޫއިން ފުރައިގެން މާލެއަށް ދަތުރު ކުރަމުންދިޔަ ބޯޓެއްގައި ހުރި ނޭޕާލުގެ ފަޅުވެރިޔަކު ގެއްލުނީ ފުވައްމުލަކާއި އައްޑޫއާ ދެމެދު ކަނޑަށެވެ.
އޭނާ ގެއްލުމާ ގުޅިގެން އެ މީހާ ހޯދުމަށް މަސައްކަތްކުރަމުންދާ ކަމަށް ފުލުހުން ހާމަކުރީ ޑިސެމްބަރު 17، ގައެވެ.
އޭނާ ގެއްލިފައި ވަނީ ޑިސެމްބަރު 16، ގެ ރޭ ދަންވަރު ކަމަށް އެމްއެންޑީއެފުން ވަނީ ފަހުން ހާމަކޮށްފައެވެ.
މި އޮޕަރޭޝަނުގައި ފުވައްމުލަކު ވަށައިގެންވާ ސަރަހައްދާއި އައްޑޫ ކަނޑުގެ 304 ނޯޓިކަލް މޭލުގެ ސަރަހައްދެއް ބަލާފައިވާ ކަމަށް އެމްއެންޑީއެފުން ވަނީ ބުނެފައެވެ.
