ހައުސިން ޑެވެލޮޕްމެންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދުގެ ބޭބެ، އެމްޑަބްލިޔުއެސްސީގެ ޑެޕިއުޓީ މެނޭޖިން ޑިރެކްޓަރު މުޙައްމަދު ފަޒީލް ރަޝީދު މަގާމުން ސަސްޕެންޑުކޮށްފިއެވެ.

އޭނާ ސަސްޕެންޑްކޮށްފައި މިވަނީ، ރައްޔިތުންގެ ބޯހިޔާވަހިކަމުން ވައްކަން ކޮށް އެޗްޑީސީގެ ތެރެއިން ހުޅުމާލޭގެ ބިންތަކެއް އޮޅުވާލައިގެން ދީފައި ވާތީ ކަންބޮޑުވުން ފާޅުކޮށް މައްސަލަ ތަހުގީގުކުރަމުން ދަނިކޮށެވެ.

އެމްޑަބްލިޔުއެސްސީން ބުނީ، ފަޒީލް ސަސްޕެންޑް ކުރީ ހައުސިންގ ޑިވެލޮޕްމަންޓް ކޯޕަރޭޝަންއާއި ގުޅޭގޮތުން މޯލްޑިވްސް ޕޮލިސް ސަރވިސަސް އިން ކުރިޔަށް ގެންދާ ތަހުޤީޤަށް ޖާގަދީ ފުރިހަމަޔަށް އެހީތެރިވުމުގެ ގޮތުން ކަމަށެވެ. އެގޮތުން ބުރާސްފަތި ދުވަހުން ފެށިގެން ފަޒީލް ރަޝީދު މިހާރު ވަނީ، ހުރިހާ ޒިންމާ ތަކަކުން ވަކިކޮށް އޮފީހަށް ނުނިކުމެވޭ ގޮތަށް ސަސްޕެންޑް ކުރެވިފައެވެ.

ގަވައިދާ ޚިލާފަށް ބިންވެރިޔާ ސްކީމުން ގޯތިތަކެއް ދިން މައްސަލަ ފެންމަތިވުމާ ގުޅިގެން އެޗްޑީސީ އިން ބުދަ ދުވަހުގެ ރޭ ކުއްލި ގޮތަކަށް ނޫސްވެރިންގެ ބައްދަލުވުމެއް ބާއްވާ އެމްޑީ ފަޒުލް ވަނީ އެކަން ދިފާއު ކުރައްވަން މަސައްކަތް ކުރައްވާފައެވެ.

ބުރާސްފަތި ދުވަހުގެ ހެނދުނުގެ ވަގުތެއްގައި (އެޗްޑީސީ)ގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ސަސްޕެންޑްކޮށްފައިވާއިރު، (ޕީސީބީ) އިން ބުނީ އެޗްޑީސީ އާއި ގުޅޭގޮތުން ފުލުހުން ކުރިއަށް ގެންދާ ތަހުގީގަށް ޖާގަދީ ފުރިހަމަ އެހީތެރިކަން ދިނުމުގެ ގޮތުން އެތަހުގީގު ނިންމި، ބޯޑުން ވަކި ގޮތެއް އަންގަންދެން ކުންފުނީގެ ޗެއަރމަން އަހުމަދު ނާސިފު ފިޔަވައި ޑިރެކްޓަރުންގެ ބޯޑުގެ ހުރިހާ މެންބަރުން 19 ޑިސެންބަރު 2024 ވަނަ ދުވަހުން ފެށިގެން ސަސްޕެންޑް ކޮށްފައިވާ ކަމަށެވެ.

އިތުރު ތަފްސީލު އަންނަނީ...