ބްރެންޓްފޯޑު ބަލިކޮށް، ޗެލްސީ ކުރިއަށް
މޮޅާއެކު ޗެލްސީ ދެ ވަނައިގައި އޮތީ މިހާތަނަށް އެ ޓީމު ކުޅެފައިވާ 16 މެޗުން 34 ޕޮއިންޓާ އެކު އެވެ. ޗެެލްސީ އަށް ވުރެ އެއް މެޗު މަދުން ކުޅެގެން، އެއް ވަނައިގައި ލިވަޕޫލަށް ލިބެނީ 36 ޕޮއިންޓެވެ.
މެޗުގައި ލަނޑު ޖެހުމަށްފަހު ޗެލްސީގެ ކުޅުންތެރިން އުފާ ފާޅު ކުރަނީ
އިނގިރޭސި ޕްރިމިއަރ ލީގުގައި ބްރެންޓްފޯޑާ ދެކޮޅަށް ކުޅުނު މެޗުން މޮޅުވެ، ޗެލްސީން ފަރަގު ކުޑަ ކޮށްފި އެވެ.
ޗެލްސީގެ އަމިއްލަ ދަނޑުގައި އާދީއްތަ ދުވަހުގެ ރޭ ކުޅުނު މެޗު އެ ޓީމުން ކާމިޔާބު ކުރީ 2-1 އިންނެވެ. މެޗުގެ ފުރަތަމަ ހާފުގައި ޗެލްސީން އެއް ލަނޑު ޖެހިއިރު، އަނެއް ލަނޑު ޖެހީ ދެ ވަނަ ހާފުގަ އެވެ. މި ހާފުގައި ބްރެންޓްފޯޑުން ވެސް ވަނީ ލަނޑެއް ޖަހައިފަ އެވެ.
މެޗުގެ ފުރަތަމަ ހާފުގެ ފުރިހަމަ ވަގުތު ހަމަވާން ދެ މިނެޓަށް ވެފައި ވަނިކޮށް، ޗެލްސީ އަށް ލީޑު ނަގައިދިނީ މާކް ކުކުރޭލާ އެވެ. އެ ލަނޑު ޖަހަން އޭނާ އަށް ފުރުސަތު ތަނަވަސްކޮށްދިނީ ނޯނީ މަޑުއޭކޭ އެވެ. މެޗުގައި ޗެލްސީގެ ދެ ވަނަ ލަނޑު، މެޗުގެ 80 ވަނަ މިނެޓުގައި ޖެހީ ނިކޮލަސް ޖެކްސަން އެވެ. އެއީ އެންޒޯ ފެނާންޑޭސް ތަނަވަސްކޮށްދިން ފުރުސަތެއްގައު އޭނާ ޖެހި ލަނޑެކެވެ. މެޗުގައި ބްރެންޓްފޯޑުގެ ހަމައެކަނި ލަނޑު، 90 ވަނަ މިނެޓުގައި ޖެހީ ބްރަޔާން އެމްބުއޭމޯ އެވެ.
މޮޅާއެކު ޗެލްސީ ދެ ވަނައިގައި އޮތީ މިހާތަނަށް އެ ޓީމު ކުޅެފައިވާ 16 މެޗުން 34 ޕޮއިންޓާ އެކު އެވެ. ޗެެލްސީ އަށް ވުރެ އެއް މެޗު މަދުން ކުޅެގެން، އެއް ވަނައިގައި ލިވަޕޫލަށް ލިބެނީ 36 ޕޮއިންޓެވެ. ދެ ޓީމުގެ ދެ މެދުގައި ދެ ޕޮއިންޓުގެ ފަރަގެއް އޮތްއިރު، މި ފަހުން އައިސް ޗެލްސީން ވަނީ އެ ޓީމުގެ ނަތީޖާތައް ރަނގަޅު ކޮށްފަ އެވެ.
