ވަކި ފިކުރަކަށް ނިސްބަތްވާ މީހުންނަކީ ލާދީނީ ބައެއްކަމަށް ބުނުމަކީ ނާތަހުޒީބީ ކަމެއް ކަމަށާއި އެއީ މިއަދު ޒުވާނުން ވެސް ހަރު އުމުރުފުރާގެ މީހުން ވެސް ބަލައިގަންނާނެ ވާހަކައެއް ނޫން ކަމަށް ނިމިދިޔަ އެމްޑީޕީ ސަރުކާރުގެ ސީނިއަރ ޕޮލިޓިކަލް ޑިރެކްޓަރ އަދި އެމްޑީޕީގެ ގައްދޫ ދާއިރާގެ ނައިބުރައީސް އަޝްޖައު ޝަހީދު ވިދާޅުވެއްޖެއެވެ.
އޭނާ އެފަދައިން ވިދާޅުވީ ރާއްޖެ ޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުންނެވެ.
ބުރާސްފަތި ދުވަހު މިނިސްޓްރީގެ އިތުރުން، ކޮންސްޓްރަކްޝަން މިނިސްޓްރީ އަދި އެންވަޔަރަމަންޓް މިނިސްޓްރީ ހިންގަމުން އަންނަ އިމާރާތުގައި އަލިފާން ރޯވެ ވަނީ އަނދާފައެވެ. މިނިސްޓްރީން ބުނީ މިހާދިސާއާ ގުޅިގެން މިނިސްޓްރީން ކުރަމުންގެންދާ ގެދޮރުވެރިޔާ ސްކީމާ ގުޅޭ ހުރިހާ މައުލޫމާތާއި، ލިޔުންތަކަކީ މިނިސްޓްރީގެ ކްލައުޑް ހޯސްޓިންގައި ޑިޖިޓަލްކޮށް ބަލަހައްޓާ މައުލޫމާތު ކަމަށެވެ. އަދި މިހާދިސާގެ ސަބަބުން އެ މައުލޫމާތުތަކަށް އެއްވެސް އަސަރެއް ނުކުރާނެ ކަމަށް މިނިސްޓްރީން ބުނެއެވެ.
މިއީ އެމްޑީޕީން ކުރިކަމެއް ކަމަށް ތުހުމަތުކޮށް ސަރުކާރުގެ އެކި ފެންވަރުގެ މީހުން ދަނީ އެމްޑީޕީއަށް ސީރިއަސް ތުހުމަތުތަކެއް ކުރަމުންނެވެ. އެކަމަށް އިޝާރާތްކުރައްވާ އަޝްޖައު ވިދާޅުވީ އެފަދަ ވާހަކަތައް ދައްކައިގެން އާއްމުންގެ ހިތުގައި ވަކި ބަޔަކާއި މެދު ނަފްރަތު އުފެއްދުމަކީ އެމްޑީޕީ ނޫން ދެން ތިބި ފިކުރުތަކުން ކުރަމުން އަންނަ ކަމެއް ކަމަށެވެ. އެގޮތުން ޕީޕީއެމް، ޑީއާރްޕީ އިން ވެސް ޢަމަލުކުރަމުން އައީ އެގޮތަށް ކަމަށް އޭނާ ވިދާޅުވިއެވެ. ނަމަވެސް މިއަދު އާއްމުން އެ ވާހަކަތައް ބަލައިނުގަންނާނެ ކަމަށް އަޝްޖައު ވިދާޅުވިއެވެ.
އެހެންނަމަވެސް އެމްޑީޕީއަކީ ޤައުމިއްޔަތާއި ދީނުގެ ދިފާއުގައި ފުރިހަމައަށް މަސައްކަތްކުރާ ޕާޓީއެއް ކަމަށް އޭނާ ވިދާޅުވިއެވެ. އެގޮތުން އެންމެ ފުރަތަމަ ގައުމިއްޔަތު މެންޑޭޓް އެކުލަވާލީ އެމްޑީޕީ ސަރުކާރެއްގައި ކަމަށާއި އެންމެ ފުރަތަމަ އިސްލާމިކް މިނިސްޓްރީ އެއް އުފެއްދީވެސް އެމްޑީޕީގެ ސަރުކާރުގައިކަން އޭނާ ވަނީ ފާހަގަކުރައްވާފައެވެ.
ދުންފަތް ކޮންޓްރޯލުކުރުމާބެހޭ ޤާނޫނުގެ ދަށުން އިލެކްޓްރޯނިކް ސިނގިރޭޓާއި ވޭޕްކުރުމަށް ބޭނުންކުރާ އެފަދަ އާލާތްތަކާއި އެ އެއްޗެއްސާއެކު ބޭނުންކުރުމަށް ތައްޔާރުކޮށްފައިވާ އުފެއްދުންތައް ދިވެހިރާއްޖެއަށް އެތެރެކުރުމާއި، ވިއްކުމާއި، ހިލޭ ބެހުމާއި، އެ ތަކެތި ބޭނުންކުރުން ހޮނިހިރު ދުވަހުގެ ރެއިން ފަށައިގެން ވަނީ މަނާވެފައެވެ. އެކަމާއި ގުޅޭގޮތުން ވާހަކަދައްކަވަމުން، ވިޔަފާރީގެ ދާއިރާގައި ވެސް ހަރަކާތްތެރިވާ އަޝްޖައު ވަނީ ސަރުކާރުން އެ ނިންމުން ނިންމީ ވަކި ވަކި ވިޔަފާރިތަކާއި މަޝްވަރާނުކޮށް ކަމަށެވެ. އެކަމުގެ ސަބަބުން އެތައް ބައެއްގެ ވިޔަފާރި ބަނގުރޫޓުވެގެންދުޔަ ކަމަށް އޭނާ ވަނީ ފާހަގަކުރައްވާފައެވެ. އަޝްޖައު ވިދާޅުވީ ޒުވާނުން މިއަދު ތިބީ ސަރުކާރާއި މެދު އިންތިހާ އަށް މާޔޫސްވެފައި ކަމަށެވެ.
ހޮނިހިރު ދުވަހުން ފެށިގެން ދުންފަތް ހެއްދުމާއި ދުންފަތާއި ދުންފަތުގެ ބާވަތްތައް އުފެއްދުން މަނާކުރާ މާއްދާގެ ދަށުން، ދުންފަތުގެ އެއްވެސް ބާވަތެއްގެ ގަހެއް، އެއްވެސް މިންވަރަކަށް ހެއްދުން ނުވަތަ ދިވެހިރާއްޖޭގައި އެއްވެސް މިންވަރަކަށް ދުންފަތް އުފެއްދުންވެސް މަނާކޮށްފައިވެއެވެ. އެއާއި އެކު ދައުލަތުގެ އެންމެހައި އިދާރާތައް ހިންގާ އިމާރާތްތަކާއި އެ ތަންތަނުގެ ގޯތިތެރޭގައި ދުންފަތުގެ އިސްތިޢުމާލުކުރުން މަނާވެގެންދާނެއެވެ.
