މަސްތުވާތަކެތި އެތެރެކުރިކަމުގެ ތުހުމަތުގައި ހައްޔަރުކުރި 18 އަހަރުގެ ޒުވާނާގެ ބަންދު ކޯޓުން ދަމަހައްޓައިފި
13 ޑިސެމްބަރު 2024 | ހުކުރު 14:30މި މައްސަލައިގައި ހިމެނެނީ 2 ދިވެހިންނާއި ބިދޭސީއެއް
މަސްތުވާކަތެކީގެ މައްސަލައިގައި ހިމެނޭ އައިހަމް
ރާއްޖެއަށް މަސްތުވާތަކެތި އެތެރެކުރިކަމުގެ ތުހުމަތުގައި ހައްޔަރުކުރި 18 އަހަރުގެ ޢަލީ އައިހަމްގެ ބަންދު ކޯޓުން ދަމަހައްޓައިފިއެވެ.
ކްރިމިނަލް ކޯޓުން އޭނާގެ ބަންދުގެ މުއްދަތަށް އަނެއްކާވެސް ދީފައިވަނީ 15 ދުވަހެވެ. މި މައްސަލައާއި ގުޅިގެން 3 މީހަކު ހައްޔަރުކުރިއެވެ. 5 ކިލޯއަށްވުރެ ގިނަ އަދަދެއްގެ މަސްތުވާތަކެތި ރާއްޖެއަށް އެތެރެކުރިކަމުގެ ތުހުމަތުގައި ހައްޔަރުކުރީ ހއ. ދިއްދޫ / ފާގަތިގެ، އަަޙްމަދު ނަޞީރު (45އ)، ގއ. ކަނޑުހުޅުދޫ / ނެސްޓް، ޢަލީ އައިހަމް (18އ) އަދި ރޮހަމާން، ބަނގްލަދޭޝް (29އ) އެވެ.
މި ތިން މީހުންގެ ތެރެއިން، އަަޙްމަދު ނަޞީރު ހައްޔަރުކޮށްފައިވަނީ ކަސްޓްމަސް އިން ފުލުހުންނާ ހިއްސާކުރި މައުލޫމާތަކާ ގުޅިގެން އޮކްޓޫބަރު 31 ވަނަ ދުވަހުގެ ރޭ ވެލާނާ އިންޓަނޭޝަނަލް އެއާޕޯޓުންނެވެ. އޭނާ ހައްޔަރުކޮށް، ކައުންޓަރ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓު ގުޅިގެން ކުރިއަށް ގެންދިއަ ކޮންޓްރޯލް ޑެލިވަރީ އޮޕަރޭޝަނުގައި އަނެއް ދެމީހުން ހައްޔަރުކޮށްފައިވަނީ މާލޭންނެވެ.
ދިވެހި ރާއްޖެއަށް މަސްތުވާތަކެތި އެތެރެކޮށް، ގެންގުޅެ، ބޭނުންކޮށް އަދި މަސްތުވާތަކެތީގެ ވިޔަފާރިކުރާ ކަމުގެ ތުހުމަތުގައި މި ތިން މީހުން ހައްޔަރުކޮށް ބަލައިފާސްކުރިއިރު މަސްތުވާތަކެތި ކަމަށް ބެލެވޭ ތަކެތި ފެނިފައިވެއެވެ. އެ ތަކެތީގެ ވަގުތީ ބަރުދަނަކީ 5 ކިލޯ 936 ގްރާމެވެ.
މި މައްސަލައިގައި ހައްޔަރުކުރި އަަޙްމަދު ނަޞީރު ފަހުން ވަނީ ޝަރުތުތަކާއެކު ދޫކޮށްލާފައެވެ.
އައިހަމްގެ ބަންދުގެ މުއްދަތު 4 ވަނަ ފަހަރަށް އިތުރުކޮށްފައިވާއިރު، ސަބަބެއްގެ ގޮތުގައި ކްރިމިނަލް ކޯޓުން ބުނެފައިވަނީ އޭނާ ދޫކޮށްލައިފިނަމަ މުޖްތަމައުގެ ސަލާމަތާއި ނުރައްކަލެއް ކުރިމަތިވެދާނެ ކަމަށެވެ.
